YUDA 1:16 - Jinghpaw Common Language Bible 2009

¹⁶ Ndai masha ni gaw galoi mung aput angun nga nna masha kaga ni hpe mara sha shagun nga ma ai; shanhte gaw shanhte a n hkru n kaja ai, ra marin ai hta hkan nang ma ai. Shanhte gaw tinang a lam hpe shakawng gumrawng chye ma ai; shanhte gaw tinang a akyu pru hkra masha wa hpe kawng sharawt ya masu ai hku hkalem ai ga chye tsun ma ai.

Jinghpaw Hanson Version Bible

¹⁶ Shanhte gaw, wu wu di di rai nna, put ngun nga ai ni, rai nga ma ai; tinang a myit marin ai hku hte maren shanhte hkan hkawm ma ai; shanhte a n-gup grang ai ga kaba tsun nga ai; sake manawn lu sha hkra, masha a myi man hpe tau yu ai ni, shanhte rai nga ma ai.

YUDA 1:16 ပူးပေါင်းရင်းမြစ်များ

YOBA 32:21

Ngai gaw ndai ga tsun dangrang ai hta myi man tau na n rai; ngai gaw kadai hpe mung shapyaw ai ga tsun na n rai.

YOBA 34:19

Shi gaw masha shagu hpe hpan da nga ai majaw, mung up du ni hpang maga n lawm, matsan mayan masha ni hta sut su ai ni a myi man tau ya ai n rai.

SHAKAWN KUNGDAWN 106:25

Shanhte gaw shanhte a sum ni hta nga nga nna aput angun nga ma ai; Madu a hkang da ai ga ni hpe mung n kam madat nga masai.

SHAKAWN KUNGDAWN 15:4

Shi gaw Karai Kasang hpe nyet kau ai ni hpe matsat nga ai; Madu a ga madat mara ai ni hpe shagrau sha-a nga ai. Ga sadi shatup na matu kade wa yak hkra rai ti mung, shi jaw da ai ga sadi ni hpe tut nawng e galaw shatup nga ai.

SHAKAWN KUNGDAWN 17:10

Shanhte gaw matsan dum ai myit n rawng ma ai hte gumrawng gumtawng ai myit hte tsun ma ai.

SHAKAWN KUNGDAWN 73:8

Shanhte gaw kaga masha ni hpe mani asawng nna n hkru n hkra ai lam ni hpe tsun nga ma ai. shanhte gaw gumrawng gumtawng nga ma ai hte, kaga masha ni hpe dip gamyet sha na lam maw mawn nga ma ai.

GA SHAGAWP 28:21

Masha hpe myi man lata ai lam gaw shut nga ai. Rai ti mung, tara agyi nkau mi gaw kachyi sha re ai mayun kumhpa lu la na matu pyi, shut ai hku tara dara ya na mara ai.

ESAIA 29:24

Angawk ai amyu masha ni chye la na matu sharin la na mara ai, tut nawng aput angun nga ai ni sharin achyin hkam la lu na matu kabu gara na mara ai.” ngu nna tsun wu ai.

JAW JAU 19:15

“Tara shang amu ni tsun daw dan myit dai shaloi, myit malang ai hte teng man ai hku hparan ya na rai myit dai; matsan ai wa hpe n maga, lu su ai wa hpe mung n mada ai sha daw dan na rai myit dai.

BU HKAWM 14:36

Dai mung hpe kin-yu hku hkan maram yu na matu, Mawshe shangun dat ai masha ni gaw n teng n man ai shiga hpe la wa nhtawm, amyu masha ni dai Madu hpe aput angun nga nna gumlau ai amu shapraw dat ma ai. Dai Madu mung shanhte hpe ana zinli hkrum sha shangun ai hte shanhte mung si mat ma ai.

BU HKAWM 16:11

Arun hpe nanhte gumlau nna aput angun di myit dai shaloi dai amu gaw nang hte nang hpang maga hkan nang ai ni, dai Madu hpe teng teng gumlau nga myit dai,” ngu nna tsun wu ai.

BU HKAWM 16:41

Hpang shani e, shawa hpung ting gaw Mawshe yan Arun hpe aput let, “Nan gaw dai Madu a amyu masha nkau mi hpe sat kau manit dai,” ngu nna deng ma ai.

LUKA 15:2

Hparishe ni mung, Tara sara ni mung, “Ndai wa gaw Yubak kap ai ni hpe hkap la nna, shanhte hte rau lu, rau sha nga ai!,” nga nna aput angun nga ma ai.

LUKA 19:7

Dai hpe mu ai masha ni yawng gaw, “Ndai masha wa gaw, Yubak kap ai wa langai mi a nta hta shang manam sai,” nga nna aput angun nga ma ai.

LUKA 5:30

Hparishe nkau mi hte shanhte a hpung hta lawm ai tara sara nkau mi gaw, Yesu a sape ni hpe, “Nanhte hpa rai kang hta ai ni hte kaga yubak kap ai masha ni hte rau, lusha nga myit ta?,” ngu nna san mu ai.

YAWHAN 6:41

Yesu shi nan, “Ngai gaw sumsing lamu de nna yu wa ai muk rai nngai,” nga nna tsun ai majaw, Yuda masha ni shi a lam aput angun nga ma ai.

YAWHAN 6:61

Ndai zawn sape ni angun nga ma ai hpe shi dai shi myit hta chye wu ai majaw, shi shanhte hpe, “Ga ndai gaw nanhte hpe myit hten asum hkam mayu shangun wa sani?

1 KORINHTU 10:10

Shanhte nkau mi aput angun nna, Si du a kasa wa a lata hte jahten shabyak kau ai hkrum ma ai zawn, anhte aput angun nga lu na n rai.

GALATI 5:16

Da ndai ngai tsun nngai gaw, “Nanhte gaw Wenyi e matsun ai hte maren hkan sa galaw nga mu, hkum shan a marin marit ai hpe nanhte hkum shadik nga myit.

GALATI 5:24

Hkristu Yesu hte seng ai ni chyawm gaw tinang a hkum shan myit hpe mung, myit kayut ai hte marin marit ai hte nawng wudang hta jen sat kau manu ai.

TARA JAHPRANG 1:27

Nanhte langai hte langai mung, ‘Dai Madu anhte hpe n dawng mi ai majaw Egutu mung kaw na anhte hpe woi shapraw wa nhtawm Amori masha ni anhte hpe sat kau lu mu ga nga, shanhte a lata hta anhte hpe ap kau mi ai.

HPILIPI 2:14

Nanhte galaw ra ai hpa lam hpe mung aput angun ndang kalang n rai ai sha galaw nga mu.

1 HTESALONI 4:5

Karai Kasang hpe n chye ai maigan masha ni zawn ra kasit kayut ai myit n mai rawng ai.

1 TIMOHTI 6:5

Dai hta n ga, myit n gu ai lam hte teng man ai lam hpe n mu n chye ai ni kaw nna ndang kalang ai lam ni gaw ya sha ya sha pru nga ai. Nawku htung ngu ai gaw lu su ngamai na matu re ngu nna shanhte myit la ma ai.

2 TIMOHTI 4:3

Masha ni gaw dai teng man nna ra n rawng ai sharin shaga ai lam hpe n madat n mara nna tinang a myit kayut ai hta hkan mat wa ai hte shanhte a myit hta kaya kayoi nga hkra madat la mayu ai lam ni hpe sharin ya na sara ni shanhte a matu grau grau law wa hkra tam lahkawn la ai aten du na ra ai.

1 PETRU 1:14

Karai Kasang a ga hpe madat mara nna nanhte n chye n chyang re ai ni naw rai nga ai ten hta nanhte a myit shadang ai hku hkawm sa lai wa sai zawn matut nna hkum hkan galaw manu.

1 PETRU 2:11

Ngai tsaw ra ai ni e, nanhte gaw ndai mungkan hta bu hkawm ai tsasam manam ni hte shingbyi nga ai ni zawn rai nga myit dai rai nna, myit masin hte gasat hkat nga ai hkum shan a kayut ai lam ni hpe galoi mung asum n jaw na matu ngai nanhte hpe hpyi nem dat made ai.

1 PETRU 4:2

Dai re ai majaw ya kaw nna ndai mungkan hta nanhte asak hkrung na matu naw ngam nga ai asak aprat laman shinggyim hkum shan a ra marit ai myit n hkan ai sha, Karai Kasang a myit ra ai lam a hkang ai hku nanhte asak hkrung sa wa lu na rai myit dai.

2 PETRU 2:10

Grau nna hkum shan a matsat shabat ngang kayut ai lam hta hkan sa nna Karai Kasang a ahkang aya hpe n gawn n sawn ai ni gaw shing re ai lam ni hkrum na mara ai, Ndai masu ai sara ni gaw grai gwi nna gumrawng gumtawng re ai hte ning tsa de na hpung shingkang rawng ai ni hpe hkungga lara ai lam n madun ai sha shanhte hpe asawng asang di ma ai.

2 PETRU 2:18

Shanhte gaw shut hpyit lam dam mat ai masha hpawng kata na ningnan sha lawt pru magang wa ai ni hpe kaman lila grang ai ga tsun let hkum shan a myit kayut ai lam ni hte hkalum la nna lam woi shadam ma ai.

2 PETRU 3:3

Dai jahtum ai nhtoi ni hta tinang a hkum shan a kayut ai a myit ra ai hku hkan let asak hkrung ai masha ni paw pru na mara ai hpe yawng a shawng e nanhte chye na da ra myit dai. Shanhte gaw nanhte hpe jahpoi asawng let, “Dai Madu bai du sa na nga nna ga sadi jaw da ai n rai ni? Ya shi kanang rai nga a ta?

YUDA 1:15

Masha yawng a ntsa e dai tara jeyang na ra ai; masha yawng mayawng hpe shanhte galaw ai n hkru n kaja ai amu ni a matu mung Karai kata ai masha ni Karai Kasang hpe ninghkap ai hku tsun shaga kau ai hkrithpa ga ni yawng a matu mung jeyang daw dan na ra ai!,” nga nna myihtoi ga hta tsun da sai.

YUDA 1:18

Shanhte gaw, “Hpang jahtum nhtoi ni du ai shaloi e, nanhte hpe jahpoi asawng ai masha ni, Karai kata ai, tinang a hkum shan a ra marin ai lam hta hkan sa ai masha ni paw pru na mara ai,” nga nna nanhte hpe tsun dan manit dai.