YUDA 1:12 - Jinghpaw Common Language Bible 2009

¹² Shanhte gaw kaya kahpa n chye hkra garu kachyi nga nna lu sha nga ma ai majaw, shanhte a kanawn mazum ai lu sha hpawng gaw matsat shabat ginra zawn rai nga ai. Shanhte gaw shanhte a akyu hpe sha tam ma ai; shanhte gaw marang n lawm ai nbung e shapoi hkawm ai sumwi ni hte mung, nshung shang wa mahka du wa tim asi n si nna ru hte hpawn gang baw tawn ai hte tsep kawp si mat ai hpun hte mung bung ma ai.

Jinghpaw Hanson Version Bible

¹² Shanhte gaw, nanhte hte rau poi galaw sha ai shaloi jang, nanhte a tsawra poi ni hta makoi nga ai lungbra ni, rai nga ma ai: hpa n hkrit kaya let, tinang hkum sha jau la ai sagu rem ai ni mung, rai nga ma ai: nbung e shapoi nna marang n rawng ai sumwi; lahkawng lang si mat nna, ru hte nawng baw kau ai, asi n si ai ginhtawng jaga na hpun;

YUDA 1:12 ပူးပေါင်းရင်းမြစ်များ

2 HKAWHKAM LABAU 7:20

ngai nanhte hpe jaw da ai mungdan kaw nna nanhte hpe ngai jahtaw kau nhtawm ngai hpe nawku na matu ngai ap nawng da se ai ndai Nawku Htingnu hpe ngai kau da na we ai. Shara shagu hkan nga ai masha ni mung, Israela hpe asawng asang di nna n-gawn n sawn di kau na mara ai.

YOBA 8:17

De a aru ni lungrawk grup grup hkram nga ai rai nna, lungrawk shagu hpe magra jum da nga ai.

SHAKAWN KUNGDAWN 1:3

Shanhte gaw hka kau e tu nna, shi a aten hta asi si nhtawm alap mung n hkraw mat ai hpun ni hte bung nga ai. Shanhte galaw ai lam shagu awng dang nga ai.

SHAKAWN KUNGDAWN 37:2

Hkraw mat ai tsingdu zawn, shanhte kade nna yang hkoi mat na mara ai; nyip mat ai hpun lawn kasha ni zawn shanhte si mat na mara ai.

GA SHAGAWP 25:14

Jaw na ngu nna, ga sadi hkam la nhtawm, galoi mung n jaw ya ai ni gaw marang n jahtu ai sumwi hte nbung ni zawn rai ma ai.

EZEKELA 17:9

“Dai rai nna, Tsaw Htum ai dai Madu ngai nan san yu nngai: Ndai sabyi ru gaw hkrung nga ai hte tu kaba wa lu na kun? Shawng na galang gaw dai aru hpe baw kau nna asi ni hpe di la nhtawm, lakung lakying ni hpe krum kau ai hte dai ni hpe nyui nyip shangun na rai wu ni? Dai hpe gang baw na matu n-gun law dat ra na n rai; shing nrai n-gun rawng ai amyu baw ra na n rai.

EZEKELA 34:10

Ngai gaw nanhte a hpyen rai nga nngai, ngu nna Tsaw Htum ai dai Madu ngai nan tsun ndau nga nngai. Nye a sagu ni hpe nanhte a lata kaw na ngai la kau nhtawm, nanhte hpe mung shanhte hpe rem ai sagu rem ni zawn galoi mung bai shatai na made ai n rai; nanhte hkum ni hpe lanu lahku na matu pyi, ngai nanhte hpe galoi mung ahkang bai jaw na n rai. Nye a sagu ni hpe nanhte n sha lu myit ga, nanhte a lata kaw nna mawai la na nngai.

EZEKELA 34:18

Nanhte hta na nkau mi gaw kaja htum ai tsingdu tsingman ni hpe sha lu ti mung myit n dik ai hta sha n-ga, nanhte n sha lu ai tsing ni hpe pyi, kabye anut kau nga myit hka! Nanhte gaw san ai hka lu lu nga ti mung, nanhte n lu ai hka hpe kabye hka nu kau nga myit hka!

EZEKELA 34:2

Shi gaw, “Si chye ai masha wa e, Israela a du ni hpe jahpoi u. Tsaw Htum ai dai Madu ngai nan shanhte hte seng nna tsun ai myihtoi ga ni hpe htoi u: Israela a sagu rem ni e, nanhte gaw dingnye hkrum nga myit dai! Nanhte gaw tinang hkum hpe sha bau nna, sagu ni hpe galoi mung bau rem nga myit dai n rai.

EZEKELA 34:8

Ngai gaw teng teng ahkrung nga ai Karai Kasang rai nga nngai, dai majaw nanhte gaw ngai tsun ai ga hpe madat la nga myit dai. Ndai shara hta sagu rem ai wa n nga ai majaw, nye a sagu ni gaw nam na matse labye dusat ni e gasat hkrum nna sat kau ai hte sha kau hkrum nga ma ai. Nye a sagu rem ni gaw sagu ni hpe n hkan tam shakut ma ai. Shanhte gaw tinang hkum hpe sha lanu lahku nna sagu ni hpe bau maka nga ai n rai.

HOSEA 6:4

Rai ti mung dai Madu gaw, “Israela hte Yuda e, ngai nanhte hte hpa galaw na rai nga a ta? Nye a matu nga nna nan madun ai tsaw ra myit gaw alawan hkoi mat ai jahpawt manap na sai wan hte mung, shani jau jau tsai mat wa ai numri hte mung bung nga ai.

JAW JAU 14:43

Nta na nlung ni hpe shaw kau nna arut mahkyit ai hte ing gade nnan chya kau ngut ai hpang dai nshu lamu bai kap ai rai yang,

MAHTE 13:6

jan pru nna katen jang krau mat wa ai rai nna, ru n jung lu ai majaw hkraw mat wa ai.

MAHTE 15:13

Yesu gaw, “Sumsing lamu e nga ai nye Wa n hkai da ai hpun yawng hte gaw, ru hte nawng baw kau ai hkrum na ra ai.

MARKU 4:6

Dai hpang jan pru kahtet jang, krau mat wa nna ru sung sung n jung lu ai majaw, gade n na yang nyip si mat ma ai.

LUKA 12:45

Rai ti mung, dai shangun ma wa gaw, nye a madu bai du wa na naw na la nga ai, nga nna shi kraw hta myit nga let, shangun ma num, la manang ni hpe, anu ajin di ai hte, lu nga sha nga nna, chyaru nang nga ai shaloi,

LUKA 16:19

“Kalang mi na sahti wa langai mi nga ai. Shi gaw, hpu ging dik ai, hpun palawng bu hpun nna shani shagu pyaw pyaw ning ngai nga ai.

LUKA 21:34

“Nanhte gaw, lu lai, sha lai, chyaru nang ai, dinghta asak hkrung lam a matu myit ru myit tsang ai lam ni hte nanhte hpe n ka-up dang kau u ga, sadi hte nga nga mu. Dai n rai yang, dai tara dawdan ai nhtoi gaw mahkam htim ai zawn nanhte a ntsa e akajawng sha dan pru na ra ai.

LUKA 8:6

Nkau mi gaw nlung hkrai re ai ga ntsa e hkrat nna, tu pru wa yang, ga n madi nga ai majaw nyip si mat ma ai.

EHPESU 4:14

Dai shaloi anhte gaw masha hpe lam dam hkra masu hkalem chye ai masha ni hpaji daw sharin shaga ai nbung leng kata hta nbung lam galai mat shagu kadau kadap nhting nhtang rai poi lawm mat wa ai ma kaji ni zawn rai sana n rai.

HPILIPI 3:19

Dai ni gaw ngarai hta shanhte a lam htum na mara ai; hpa majaw nga yang dai ni a karai gaw shanhte a akan ngu ai hkum shan a marin marit ai lam tai nga ai. Shanhte gaw kaya kahpa lam hta gumrawng shara shatai ma ai hte ndai dinghta ga na arai hpe hkrai sha myit tsang nga ma ai.

1 TIMOHTI 5:6

Rai ti mung arawn alai hten nna pyaw hpa lam sha tam ai gaida jan chyawm gaw, shi naw hkrung nga ninglen chyasi rai nga ai.

HEBRE 13:9

Shawoi n mu n na yu ai sharin shaga ai lam tsasam amyu myu gaw nanhte hpe dai teng man ai lam kaw na lam hkum woi shadam shangun myit. Lusha hte seng ai hkan sa tara ni hpe madat mara hkan shadik ai hku n re ai sha Karai Kasang a chyeju kaw na wenyi n-gun atsam hpe hkam la ai mahtang grau mai kaja nga ai; dai lusha hte seng ai tara ni gaw hkan sa shadik ai ni hpe hpa n karum lu nga ai.

YAKU 5:5

Ndai ga ntsa e nanhte a asak hkrung lam gaw hkum hkrang myit masin hpe shangwi shapyaw ya ai arung arai kaja ni hte pyaw daw lam hkrai hpring chyat rai nga malit dai. Nanhte gaw sat kau hkrum na nhtoi a matu nanhte a hkum ni hpe hpum sau hkra kawn da nga myit dai.