YONA 4:8 - Jinghpaw Common Language Bible 2009

⁸ Ajan pru jang, Karai Kasang gaw kahtet ai sinpraw nbung shangun dat ai hte Yona a baw ntsa e jan ja bun nga ai majaw ganoi noi malap mat wu ai. Dai rai nna shi gaw si mat na hpe ra sharawng nga ai. Shi gaw, “Ngai gaw hkrung nga na hta si mat na mahtang grau kaja nga nngai,” ngu nna tsun wu ai.

Jinghpaw Hanson Version Bible

⁸ Bai Karai Kasang gaw, jan pru jang, kahtet ai sinpraw nbung san da nna, ajan gaw Yona a baw hpe hkra ai majaw, shi ma mat ai: dai rai nna shi hkum si na, shi hpyi nga nna, “Hkrung nga na hte, si ai gaw, nye a matu grau kaja nga ai,” nga ai.

YONA 4:8 ပူးပေါင်းရင်းမြစ်များ

NINGPAWT NINGHPANG 41:6

Dai hpang kahtet kang ai zaibru jang nbung ahpawt ai a majaw mam nmyem gungsi sanit pru nga ai.

1 HKAWHKAM 19:4

Elia mahtang nam mali kata de lani mi tup hkawm shang mat wa wu ai. Shi hkring nna hpun langai a shingnip hta dung nga let, shi si mayu nu ai hpe hpyi nga wu ai. Shi gaw, “Madu e, dai gaw nau wa rai la sai, nye asak hpe dawm la ya ni; ngai gaw si na mung rai nga nngai!,” ngu nna hpyi tsun wu ai.

1 HKAWHKAM 21:4

Ahab mung nta de wa nna, Nabot shi hpe tsun kau wu ai ga a majaw myit htum ai hte pawt wu ai. Shi gaw shakum de myi man yawng let shi a yup ku ntsa e kaleng taw nga ai; shat mung n sha wu ai.

YOBA 2:10

Yoba gaw, “Nang gaw ga laban shaga nga n hka! Karai Kasang anhte hpe arai kaja lama ma jaw ai shaloi dai hpe anhte hkam la chye ga ai; shi anhte hpe ru tsang jahkrum ai shaloi anhte kaning rai aput angun lu na rai ga ta?,” ngu nna htan wu ai. Dai rai nna ndai nni nkri yawng mayawng hkrum sha tim pyi, Yoba gaw Karai Kasang hpe ninghkap na ga hpa mung n tsun nga ai.

YOBA 7:15

hkum hkrang hta nchyi nmu rai hkam sha nga na hta, du manat sat kau hkrum na hpe ngai grau ra sharawng nngai.

SHAKAWN KUNGDAWN 121:6

Shani na ajan, shana na shata, nang hpe machyi shangun lu na n rai.

SHAKAWN KUNGDAWN 39:9

Nang ngai hpe ndai zawn re ai nni nkri hpe jahkrum ai wa rai nga ndai majaw, ngai ga hkaw mi mung n tsun ai sha, zim rai nga na nngai.

HPAJI NINGLI 7:9

Na a myit hkang u; masin kahtet ai gaw angawk angak amu rai nga ai.

Shawlumon A Mahkawn Ga 1:6

Ngai hpe jan katen hkra mat ai majaw mung, nye a nsam galai mat ai majaw mung ngai hpe hkum yu kaji nga et. Nye a kahpu kanau ni ngai hpe masin pawt ma ai rai nna, ngai hpe sabyi sun e amu galaw shangun ma ai. Nye a hkum hpe yu lajang na aten chyawm gaw n lu nngai.

ESAIA 49:10

shanhte gaw galoi mung kawsi hpang gara hkrum na mara ai n rai. Ajan hte zaibru jang a kahtet kang ai gaw shanhte hpe hkra na ra ai n rai, hpa majaw nga yang, shanhte hpe tsaw ra ai wa gaw shanhte hpe lam woi na ra ai. Shi gaw shanhte hpe hka hpawk ni nga ai de woi sa na ra ai.

EZEKELA 19:12

Rai ti mung, pawt sindawng ai lata gaw dai hpe ru hte hpawn baw kau nna ga de kabai kau nga ai. Sinpraw nbung gaw de a asi ni hpe jahkraw kau nu ai. De a lakung lakying ni agrawp daw mat nna; dai ni hkun hkraw mat ai hte hkru mat hkrum nga ai.

HOSEA 13:15

Israela gaw tsingdu tsingman ni zawn law htam mayat maya wa mu tim, ngai gaw zaibru jang kaw nna kahtet kang ai sinpraw nbung dat dat na nngai. Dai gaw shanhte a hka hpawk ni hte hka htung ni hpe jahkraw kau na ra ai. Dai gaw manu hpu ai arai shagu hpe la kau ya na ra ai.

JAW JAU 10:3

Dai hpang Mawshe gaw Arun hpe, “Da ndai gaw, ‘Ngai hpe daw jau ai ni yawng nye a chyoi pra ai ban hpe hkungga lu na rai nna, nye a amyu masha ni hpe nye a hpung shingkang madun dan na we ai,’ nga nna dai Madu tsun ai gaw ndai zawn re ai lam hpe shi tsun ai re,’” ngu nna tsun wu ai. Rai ti mung Arun mahtang atsin sha nga nga wu ai.

YONA 1:17

Dai Madu hkang da ai ga hte maren, nga kaba langai gaw Yona hpe mayu kau ai rai nna shi gaw nga kan kata hta masum ya masum na rawng nga ai.

YONA 1:4

Rai ti mung dai Madu gaw ja la ai nbung shangun dat ai rai nna dai nbung laru gaw grai ja ai majaw sanghpaw li gaw agrawp mat na daram hkrit tsang ra nga ai.

YONA 4:3

Ya chyawm gaw, Madu e, ngai hkrung nga na hta si mat na mahtang grau kaja nga ai rai nna nye a asak dawm la kau ya rit law,” ngu nna hpyi tsun wu ai.

YONA 4:9

Rai ti mung Karai Kasang gaw shi hpe, “Dai tauba ru a majaw, nang hpa masin pawt shara nga a ta?,” ngu nna shi hpe tsun wu ai. Yona gaw, “Ngai gaw pawt na ahkaw ahkang lu nngai- si ai du hkra pawt sindawng na mai nga ai!,” ngu nna htang tsun wu ai.

MAHTE 20:12

‘Hpang jahtum shang ai ndai ni gaw, hkying hkum mi sha galaw ai ni she rai yang nang shanhte hpe anhte shani tup jan ja ai hte pu ba hkam sai ni hte maren shabrai jaw ndai!,’ ngu nna sun madu hpe aput angun ma ai.

SHINGRAN 3:19

Ngai gaw ngai tsaw ra ai ni yawng mayawng hpe daru sharin nna ari jaw nga nngai. Dai re ai majaw, nang myit n-gun marai shaja nga u, myit malai lu u.

SHINGRAN 7:16

Shanhte gaw galoi mung kawsi hpang gara n hkrum na masai. Jan a shingna mung, hpa kang kahtet ai mung shanhte hpe hkru kau lu na n rai.

1 SAMUELA 3:18

Dai rai nna, Samuela gaw lama mi mung n ip da ai sha, shi hpe lam magup tsun dan wu ai. Eli chyawm gaw, “Shi gaw dai Madu rai nga ai; shi hta kaja htum ai hku shi galaw na ra ai,” ngu nna tsun ai.