YONA 4:2 - Jinghpaw Common Language Bible 2009

² Dai rai nna shi gaw, “Madu e, ngai nta kaw na garai n pru sa wa yang, nang ndai hku galaw na nit dai ngu nna ngai tsun ni ai n rai ni? Dai re ai majaw nye a matu kaja htum ai lam rai u ga ngu nna Spain mung de hprawng mat wa nngai! Nang gaw tsaw ra ai, matsan dum ai, myit galu kaba ai, n gaw n wai ai hte galoi mung ari jaw na hkyen ai myit hpe galai kau na jin nga chyalu re ai Karai Kasang rai nga ndai.

Jinghpaw Hanson Version Bible

² Dai rai nna shi gaw Yehowa hpe, “Gaja wa Yehowa e, nye a mung e ngai naw rai nga yang, ndai ngai tsun ni ai ga, n rai ni? Nang gaw chyeju, matsan dum ai, myit galu kaba ai, n-gaw nwai myit hpring nna, n hkru ai hta na myit nem la ai Karai Kasang rai nga ndai hpe, ngai chye nngai majaw, ngai gaw Tarshi de tin tin hprawng mat wa nngai.

YONA 4:2 ပူးပေါင်းရင်းမြစ်များ

1 HKAWHKAM 19:4

Elia mahtang nam mali kata de lani mi tup hkawm shang mat wa wu ai. Shi hkring nna hpun langai a shingnip hta dung nga let, shi si mayu nu ai hpe hpyi nga wu ai. Shi gaw, “Madu e, dai gaw nau wa rai la sai, nye asak hpe dawm la ya ni; ngai gaw si na mung rai nga nngai!,” ngu nna hpyi tsun wu ai.

SHAKAWN KUNGDAWN 103:8

Dai Madu gaw matsan dum ai, tsaw ra ai, myit galu kaba ai hte dinggrin tsaw ra myit hpring nga ai wa rai nga ai.

SHAKAWN KUNGDAWN 145:8

Madu gaw tsaw ra ai hte matsan dum ai wa rai nga nna; shi gaw pawt sindawng ai hpe hkam sharang ai hte dinggrin tsaw ra myit hte hpring nga ai.

SHAKAWN KUNGDAWN 78:38

Rai ti mung, Karai Kasang gaw shi a amyu masha ni hpe matsan dum nga ai; shi shanhte hpe n shamyit kau ai sha, shanhte a yubak hpe raw dat kau ya nu ai. Shi gaw shi a masin kahtet ai lam hpe law law lang shakawp da nna; shi a pawt sindawng ai hpe hkum shadang da nga ai.

SHAKAWN KUNGDAWN 86:15

Rai ti mung, Madu e, nang gaw tsaw ra matsan dum ai Karai Kasang rai nga ndai; nang gaw tut nawng e hkam sharang ai, matsan dum ai hte sadi sahka nga ai wa rai nga ndai.

SHAKAWN KUNGDAWN 86:5

Nang gaw anhte a ntsa e, mai kaja nga nna mara dat kau ya nga ndai; nang kaw akyu hpyi nga ai ni yawng a matu, na a dinggrin tsaw ra myit hpe hpring hpring tsup tsup hkam sha shangun nga ndai.

SHAKAWN KUNGDAWN 90:13

Na a masin kahtet ai gaw kade wa na hkra rai na rai nga a ta? Madu e, na a shangun ma ni hpe matsan dum la mi law!

PRU MAT 32:14

Dai re ai majaw dai Madu gaw shi a myit hpe galai kau nna, shi a amyu masha ni hpe jahkrit shama na ngu ai ru yak tsin-yam tsindam hpe dawm kau ya wu ai.

YEREMIA 18:8

ngai lakap nna tsun ai amyu baw gaw shi a n hkru ai amu kaw na kayin wa ai rai yang, ari jaw na matu ngai tsun da ni ai rai tim, dai hpe ngai galaw na n rai.

YEREMIA 20:7

Madu e, nang gaw ngai hpe masu hkalem kau nit dai, ngai mung masu hkalem hkrum nga nngai. Nang gaw ngai hta grau nna n-gun ja nga ndai, nang gaw ngai hpe ka-up dang kau nga ndai. Masha shagu ngai hpe mani asawng ma ai; shanhte gaw ngai hpe shani tup mani asan nga ma ai.

YEREMIA 26:13

Nang shamu shamawt ai arawn alai lam hte nang galaw nga ai amu ni hpe nang galai shai kau nna, dai Madu na a Karai Kasang a hkang da ai ga madat lu na rin dai. Dai zawn nang hkan galaw ai rai yang, nang hpe shi jaw na ari hpe shi tsun da ti mung, dai jahten shabyak ai lam hpe shi myit galai kau na ra ai.

YEREMIA 42:10

‘Nanhte ndai mungdan hta matut nna shanu nga mayu ai rai yang, ngai nanhte hpe de da na nngai; nanhte hpe ashep ashin di kau na n rai; ngai nanhte hpe hkai da na nngai, nanhte hpe baw kau na n rai. Ngai nanhte a ntsa e shapraw dan sai jahten shabyak lam gaw ngai hpe yawn hkyen kaba shabyin ya nga sai.

AMO LAIKA (AMOS) 7:3

Dai Madu gaw shi a myit galai mat nna, “Nang mu ai lam gaw byin wa lu na ra ai n rai,” ngu nna tsun wu ai.

AMO LAIKA (AMOS) 7:6

Dai Madu gaw shi a myit bai galai mat nna, “Dai gaw byin wa na ra ai n rai,” ngu nna tsun wu ai.

YONA 1:3

Yona gaw gara hku mi rai tim, dai Madu a man kaw na hprawng mat wa lu na matu kaga shara de sa mat wa wu ai. Shi gaw Yopa de sa wa nna dai shara e Spain mung de sa wa hkyen ai sanghpaw li langai sa mu wu ai. Shi gaw Karai Kasang a man kaw na hprawng mat wa na nga li jahpu jaw nna Spain mung de sa mat wa na matu sanghpaw masha ni hte rau sanghpaw li ntsa de shang mat wa wu ai.

YONA 3:10

Karai Kasang gaw shanhte hpa galaw sai hpe mu nu ai; shanhte gaw shanhte a n hkru ai arawn alai hpe kau da nga manu ai hpe mu lu nu ai. Dai rai nna shi gaw shi a myit galai mat nhtawm shi galaw na ngu tsun da sai hte maren shanhte hpe ari n jaw nga nu ai.

YONA 3:9

Karai Kasang gaw shi a myit galai kau nna pawt bu ai lam jahkring kau ai rai yang, anhte n si dam nhten!”

MIHKA 7:18

Madu e, nang hte bung ai kaga karai kadai mung n nga nga ai; naw ngam nga ai na a amyu masha ni a yubak ni hpe raw dat kau ya nna htani htana masin kahtet nga ndai n rai tim, anhte hpe madun dan nga ai dinggrin tsaw ra myit hta nang awng sharawng nga ndai.

LUKA 10:29

Rai ti mung, dai tara sara wa gaw, shi a ding hpring ai lam shapraw dan mayu ai majaw, “Nye a htingbu wa gaw kadai wa rai na a ta?,” ngu nna Yesu hpe san wu ai.

TARA JAHPRANG 4:31

Shi gaw matsan dum chye ai Karai Kasang rai nga ai majaw nanhte hpe kau da na n rai; shamyit jahtum kau na wu ai n rai. Shi hkum nan nanhte a kaji kawa ni hte tawn da ai ga shaka hpe mung malap kau na wu ai n rai.