YONA 4:11 - Jinghpaw Common Language Bible 2009

¹¹ Dai re ai mi, tinang a hkra lata hte pai lata hpe pyi n chye ginhka ai masha sen mi mun lahkawng hte yam nga law law nga ai Ninewe mare kaba hpe ngai grau nna lahpawt dum mai ang nga ai!,” ngu nna tsun wu ai.

Jinghpaw Hanson Version Bible

¹¹ dai re ai mi, tinang a hkra lata hte pai lata hpe pyi n chye ginhka ai, masha sen me mun lahkawng rawng ai, mare kaba Ninewe hpe, ngai lahpawt dum mai nga ai n rai ni? dai hta kaga yamnga law law mung rawng nga ai,” ngu nna tsun wu ai.

YONA 4:11 ပူးပေါင်းရင်းမြစ်များ

NINGPAWT NINGHPANG 9:10

hkrung mahkrung yawng hte mung, ntsa malen u ni hte dusat yam nga ni yawng hte nang hte rau sanghpaw li kaw na pru wa ai amyu shagu hte hte mung, nye a ga shaka hpe tawn da nga nngai.

SHAKAWN KUNGDAWN 104:14

Yam nga ni a matu tsingdu hpe nang shatut ya ndai hte, shinggyim masha ni lang na matu, hkai nmai ni hpe mung shatut ya nga ndai. Shing rai, shi gaw shi a nsi naisi ni hpe tu kaba shangun lu nga ai hte,

SHAKAWN KUNGDAWN 36:6

Na a ding man ai lam gaw bum ni zawn tsaw nga nna, na a teng man ai lam mung hka panglai zawn sung nga ai. Masha hte dusat yam nga ni gaw na a lata hta rai nga ai.

ESAIA 1:18

Dai Madu gaw, “Ya, anhte bawng jahkrup yu ga. Nanhte a yubak gaw sai zawn hkyeng nga ti mung hkyen zawn hpraw san hkra ngai kashin kau ya na nngai. Nanhte a yubak gaw dik hkra hkyeng nga ti mung, sagu mun zawn hpraw wa lu na marin dai.

ESAIA 37:37

Dai hpang Asuri hkawseng Senahkerib gaw htingnut mat wa nna Ninewe mare de nhtang mat wa wu ai.

ESAIA 7:16

Dai aten garai n du yang pyi, nanhte hpe jahkrit shama ai hkawhkam lahkawng a mung ni gaw shagram da kau ai hkrum na mara ai.

YONA 1:2

Shi gaw, “Kaba la ai Ninewe mare de sa nna ninghkap ai ga tsun su; Ngai gaw dai mare masha ni kade daram n hkru nga ai lam chye nga nngai,” ngu nna tsun wu ai.

YONA 3:10

Karai Kasang gaw shanhte hpa galaw sai hpe mu nu ai; shanhte gaw shanhte a n hkru ai arawn alai hpe kau da nga manu ai hpe mu lu nu ai. Dai rai nna shi gaw shi a myit galai mat nhtawm shi galaw na ngu tsun da sai hte maren shanhte hpe ari n jaw nga nu ai.

YONA 4:10

Dai Madu gaw shi hpe, “Nang gaw ndai nang n hkai shatut lu ai hkai bawng lana mi sha tu nna hpang shani wai mat ai ndai tauba ru hpe pyi lahpawt dum nga ndai!

MAHTE 18:33

Ngai nang hpe matsan dum de ai hte maren, na a mayam manang wa hpe mung, nang matsan mai dum ndai n rai ni?,’ ngu wu ai.

TARA JAHPRANG 1:39

“Dai hpang dai Madu gaw anhte yawng hpe, ‘Nanhte a gumlau hpyen ni a lata hta rim hkrum na sha rai saga ai, ngu nna nanhte tsun ai ma kaji ni, jaw ai hte n jaw ai hpe chye na na matu nau wa naw kaji nga ai nanhte a ma kaji ni hpe sha dai mungdan, ngai jaw nna shanhte madu la na mara ai.