YONA 4:1 - Jinghpaw Common Language Bible 2009

¹ Yona gaw ndai lam hte seng nna grai myit n pyaw ai hte pawt bu nga ai.

Jinghpaw Hanson Version Bible

¹ Yona chawm gaw ja ja wa myit n pyaw nna, masin pawt bu nga ai.

YONA 4:1 ပူးပေါင်းရင်းမြစ်များ

YONA 4:4

Dai Madu gaw, “Nang hpa masin pawt shara nga a ta?,” ngu nna htan wu ai.

YONA 4:9

Rai ti mung Karai Kasang gaw shi hpe, “Dai tauba ru a majaw, nang hpa masin pawt shara nga a ta?,” ngu nna shi hpe tsun wu ai. Yona gaw, “Ngai gaw pawt na ahkaw ahkang lu nngai- si ai du hkra pawt sindawng na mai nga ai!,” ngu nna htang tsun wu ai.

MAHTE 20:15

Ngai madu ai gumhpraw hpe ngai di mayu ai hte maren di lu na ahkang nga ai n rai ni? Ngai myit mai ai majaw nang manawn nga nni?,’” ngu nna htan wu ai.

LUKA 15:28

Dai na jang shi masin pawt nna nhku de n shang wa hkraw ai. Dai shaloi, shi a kawa pru sa nna, shi hpe sa nem wu ai.

LUKA 7:39

Yesu hpe shaga ai Hparishe wa dai mu jang, “Ndai wa kaja wa myihtoi langai mi rai yang gaw, ndai num gaw kadai re ai, shi hpe kadai wa sa hkra nga ai, ndai num gaw kaning re ai yubak kap ai jan rai nga ai mung, shi chye na wu ai,” nga nna shi a kraw e myit nga ai.

KASA 13:46

Pawlu yan Barnaba mung grau nna nden ja ai myit hte, “Dai Karai Kasang a mungga nanhte hpe shawng tsun dan na ra nga ai, rai ti mung nanhte mahtang dai hpe n hkap la nna nhtum nwai asak hte n ging dan ai ni rai ga ai ngu nna tinang dai myit nawn daw dan la myit dai majaw anhte gaw, nanhte kaw na pru mat wa nna kaga maigan amyu ni hpang de sa wa na saga ai.