YONA 3:8 - Jinghpaw Common Language Bible 2009

⁸ Masha hte dusat ni yawng lachyit nba bu hpun lu na rai nga ai. Masha shagu gaw Karai Kasang kaw akroi anoi akyu hpyi lu na rai nga ai, shanhte gaw n hkru ai arawn alai hte n kaja ai amu ni hpe kau da lu na rai ma ai.

Jinghpaw Hanson Version Bible

⁸ masha hpe mung, yamnga hpe mung, lachyit nba jahpun nna, Karai Kasang hpe ja ja hpyi jahtau shangun mu: gaja wa langai hte langai, tinang nang a n hkru ai lam hte, tinang a lata a kashun kashe amu hpe, kau da shangun mu.

YONA 3:8 ပူးပေါင်းရင်းမြစ်များ

YOBA 16:17

rai ti mung, ngai gaw kashun kashe du daw sai hkaw ai amu a mara lu nngai n rai; Karai Kasang kaw hpyi ai nye a akyu hpyi ga gaw san seng nga li ai.

YOBA 36:10

Shi gaw shanhte hpe n hkru n shawp ai kaw nna kayin wa na matu shi a shadum jahprang ga hpe madat shangun nga ai.

ESAIA 58:6

“Ngai ra sharawng ai lusha gam lai gaw ndai hku rai nga ai: Dip gamyet sha tawn ai saidawng sumri hte n teng n man ai a kandang sumri ni hpe raw kau mu; dip gamyet sha hkrum ai ni lawt lu mu ga.

YEREMIA 18:11

Dai re ai majaw, ngai gaw Yuda mung masha ni hte Yerusalem mare masha ni hpe gumlang maw mawn ai hte shanhte hpe ari jaw na matu jin jin rai nga ni ai lam, shanhte hpe tsun dan u. Yubak lam hkan shangun ai asak hkrun lam ni hpe kau da nhtawm shanhte a arawn alai hte shanhte hkan galaw nga ai n hkru ai amu ni kaw nna kayin wa na matu shanhte hpe tsun u.

YEREMIA 25:5

Shanhte gaw nang hpe dai na a n hkru ai asak hkrun lam hte nang galaw nga ai n shawp n kap ai amu ni kaw na kayin wa na matu tsun nga ai. Dai Madu gaw na a nji nwa ni hpe prat tup jaw lup madu sha lu na nang hpe jaw da sai mungdan hta nang matut shanu nga lu na rai ndai.

YEREMIA 26:3

Amyu masha ni gaw nye a ga hpe madat let shanhte a n hkru ai lam ni kaw nna mahkoi kau da dam ma nhten? Shanhte hkan sa lu ai rai yang, shanhte a n hkru n shawp ai arawn alai ni yawng a matu shanhte a ntsa e ngai shatawng shada da ai jahten shabyak lam hte seng nna nye a myit hpe ngai galai kau na we ai,” ngu nna tsun wu ai.

YEREMIA 36:3

Yuda amyu masha ni hta, ngai shanhte a ntsa e galaw na myit shatawng shada da ai jahten shabyak lam mahkra hte seng ai hpe na wa ai shaloi, shanhte gaw n hkru n shawp ai amu kaw na kayin wa dam nhten. Shaloi, ngai gaw shanhte a n hkru n shawp ai hte shut hpyit kau ai yubak mara ni hpe raw dat kau ya na nngai,” ngu nna tsun wu ai.

EZEKELA 33:11

Tsaw Htum ai dai Madu ngai gaw ahkrung nga ai Karai Kasang rai nga nngai, dai majaw yubak kap ai wa si mat wa na hpe yu kabu nga nngai n rai. Yubak galaw ai hpe kau da nna hkrung nga na hpe ngai yu sharawng nga nngai ngu shanhte hpe htawn tsun u. Israela e, nang galaw nga ai dai n hkru n shawp ai amu hpe kau da u. Nang hpa majaw si mayu nga n ta?

Daniela 4:27

Dai rai nna madu hkawhkam e, nye a hpaji jaw ga hta hkan u. Yubak lam hpe kau da nna jaw ai amu galaw u. Matsan mayan masha ni hpe matsan dum u. Shaloi nang gaw matut nna ngamu ngamai wa na rai ndai.”

YOELA 1:14

Lusha gam na matu hkang dat mu; shawa zup hpawng shaga mu! Ningbaw ni hte Yuda amyu masha ni yawng shinggyin jahpawng nna dai Madu nanhte a Karai Kasang a Nawku Htingnu de shang nna, shi hpe hpyi jahtau mu!

YONA 1:14

Dai rai nna shanhte gaw dai Madu hpe, “O Madu e, ndai masha wa a asak dan ya ai majaw, anhte hpe ari n jaw mi ga, anhte hpyi nem ga ai! O Madu e, nang gaw ndai amu yawng a matu lit lu nga ndai, dai gaw nang galaw ai amu rai nga ai,” ngu nna jahtau tsun ma ai.

YONA 1:6

Li agyi wa dai yang e shi hpe mu nna shi hpe, “Nang hpa rai yup nga n ta? Rawt nna karum la lam a matu na a karai kaw akyu hpyi u. Shi mi she anhte hpe myit dum nna anhte a asak ni hpe shalawt la dam nhten,” ngu nna tsun wu ai.

MAHTE 3:8

Dai majaw, nanhte a yubak mara ni kaw na myit malai lu nna kayin wa sai lam nanhte a arawn alai hte madun dan mu!

KASA 26:20

Dai lam hpe shawng nnan Damasku mare, dai hpang Yerusalem mare hte Yuda mung ting na masha ni hte maigan amyu masha ni myit malai lu nna Karai Kasang hpang de kayin wa nhtawm myit malai hte gingdan ai arawn alai shachyen mu ga, ngai hkaw dan nngai.

KASA 3:19

Dai rai nna Karai Kasang gaw nanhte a yubak mara ni hpe raw dat kau ya myit ga myit malai lu mu, nanhte shing rai myit yang gaw,

SHINGRAN 11:3

Bai, nye a sakse yan lahkawng hpe ngai shangun dat na mawe ai rai nna, shan gaw lachyit nba bu hpun let nhtoi 1,260 ya tup Karai Kasang a mungga hpe myihtoi ga hku hkaw tsun na mara ai.