YONA 3:6 - Jinghpaw Common Language Bible 2009

⁶ Ninewe hkawhkam wa mung dai lam na ai shaloi, shi a hkawhkam tingnyang na rawt nhtawm lachyit nba bu hpun let dap hkun e dung nga ai.

Jinghpaw Hanson Version Bible

⁶ Dai ga gaw Ninewe hkawhkam kaw mung du nna, shi gaw shi a tingnyang hta na rawt nhtawm, hkawhkam yangwat raw kau wu ai hte, lachyit nba lawai let, wan dap hta dung nga ai.

YONA 3:6 ပူးပေါင်းရင်းမြစ်များ

1 HKAWHKAM 21:27

Elia ga tsun ngut jang, Ahab gaw shi a hpun palawng ni hpe gang je kau nhtawm dai ni hpe raw kau nna lachyit sumpan hpun da wu ai. Shat lusha n sha ai sha, lachyit sumpan ntsa e yup taw nga wu ai; myit htum let mung yawn hkawm nga ai.

YOBA 2:8

Yoba gaw Shi a krwi jap ni hpe ahkut kau na nga, di chyen langai mi la nna shanut sumpum makau e sa dung nga ai.

YOBA 42:6

Dai rai nna, ngai tsun kau sai lam yawng mayawng a majaw kaya hkrum nga nngai; shing rai ga nhpu hte wan dap hte bun nna myit malai lu nngai.

ESAIA 15:3

Lam nmaw hkan nga ai masha ni gaw lachyit nba bu hpun nga ma ai; mare lawk ni hte nta numgaw ntsa hkan e mung masha ni sharung shayawt ai hte jahtau hkrap nga ma ai.

YEREMIA 13:18

Dai Madu gaw ngai hpe, “Shanhte a htoi kabrim tsawm htap ai janmau ni di hkrat mat mu ai majaw, shanhte a magam tingnyang ni kaw na yu na matu, hkawhkam wa hte shi a kanu hpe tsun u.

YEREMIA 36:13

Mihkaia gaw amyu masha ni hpe Baruk hti dan sai laika ga hpe shi na la sai hte maren, shanhte hpe mahkra htawn tsun dan wu ai.

YEREMIA 36:24

Rai ti mung, ndai lam yawng hpe na ai hkawhkam wa mung, shi a du salang ni mung hkrit nga ma ai n rai; yawn hkyen ai kumla hpa mung n madun dan ma ai.

YEREMIA 6:26

Dai Madu gaw shi a amyu masha ni hpe, “Lachyit nba bu hpun nna wan dap hta galwi nga mu; nang hpe jahten sharun na matu akajawng sha htim gasat sa wa ai a majaw, shadang sha shingtai si mat wa ai zawn, aja awa sharung shayawt nga mu.

SHARUNG SHAYAWT 2:10

Yerusalem na asak kaba sai salang ni gaw ga ntsa e atsin sha dung nga nhtawm, Shanhte a baw ntsa hkan e ga nhpu kap nga nna, shanhte a hkum ni hta lachyit nba ni lawai da nga ma ai. Num mahkawn ma ni mung ga de gum dagup nga ma ai.

SHARUNG SHAYAWT 3:29

Myit mada shara naw nga ang ai majaw anhte gaw hkungga lara ai hte dingnyawm na ang nga ga ai.

EZEKELA 26:16

Panglai ntsa bu hkawm ai masha amyu baw ni a hkawhkam ni yawng gaw shanhte a tingnyang kaw nna yu mat na mara ai. Shanhte gaw palawng galu hte maka ka da ai palawng ni hpe raw kau nna hkrit gari ai hte ga e dung nga na mara ai. Shanhte gaw nang hta byin ai gam maka a majaw, nau hkrit mat nna gari ai pyi n hkring hkraw na mara ai.

Daniela 9:3

Ngai gaw lusha gam let lachyit nba bu hpun nhtawm wan dap galu ai hte Madu Karai Kasang kaw akroi anoi akyu hpyi let hpyi nem nngai.

MIHKA 1:10

Anhte a hkrat sum ai lam hpe Gat mare na anhte a gumlau hpyen ni hpe hkum tsun dan myit; nang hkrap ai lam shanhte hpe hkum mu shangun et. Bet Leahpra mare masha ni shanhte a myit htum ai lam hpe ga nhpu galwi ai hku madun dan nga ma ai!

MAHTE 11:21

“O, Kurazin e, nang dingnye lu ndai! O, Betsaida e, nang dingnye lu ndai! Hpa majaw nga yang, nan hta dan ai mauhpa magam bungli ni hpe Turu hte Sidon mare yan hta dan yu taw gaw moi moi me lachyit nba hpun, dap hta galwi rai nna myit malai lu boi na masai.

LUKA 10:13

“Kurazin e, na a matu gade hkrithpa kaba rai na rai nga a hka! Betsaida e, na a matu gade hkrithpa kaba rai na rai nga a hka! Nan hta dan ai lamik kumla ni hpe Turu hte Sidon mare hta lama dan yu taw gaw, dai kaw na masha ni gaw, moi moi me lachyit nba hpun ai hte shanhte a ntsa e dap hte bun la rai nna myit malai lu boi na masai.