YONA 3:5 - Jinghpaw Common Language Bible 2009

⁵ Ninewe mare masha ni gaw Karai Kasang a mungga hpe kam ma ai. Dai rai nna shanhte myit malai lu sai hpe madun na matu kaba grau ai kaw nna kaji htum ai wa kaw du hkra, masha shagu lachyit nba hpun let lusha gam na matu daw dan da nga ma ai.

Jinghpaw Hanson Version Bible

⁵ Ya Ninewe masha ni gaw, “Karai Kasang hpe kamsham ma ai rai nna, lusha gam na ladaw tawn da ma ai hte, kaji ai ni kaw nna kaba ai ni du hkra, lachyit nba bu hpun ma ai.

YONA 3:5 ပူးပေါင်းရင်းမြစ်များ

2 HKAWHKAM 19:1

Hkawhkam Hezekia gaw shanhte tang shawn ai shiga hpe na ai shaloi jang, yawn ai myit hte shi a hpun palawng ni hpe gang je kau nhtawm lachyit nba bu hpun let dai Madu a Nawku Htingnu de sa wa wu ai.

2 HKAWHKAM LABAU 20:3

Yehoshahpat chyawm gaw hkrit kahpra ai hte lam madun la na matu dai Madu kaw akyu hpyi wu ai. Dai hpang Yuda mungdan ting lusha gam na matu hkang dat wu ai.

EZRA 8:21

Anhte a Karai Kasang a man e anhte yawng lusha gam nna tinang hkum hpe shagrit shanem na matu mung, anhte a hkrun lam hpe woi awn ya na hte anhte hpe mung anhte a kashu kasha ni hpe mung, anhte a sut gan ni hpe mung makawp maga ya na matu shi kaw hpyi nem na matu shanhte hpe Ahawa hka makau e hkang da ni ai.

ESHTA 4:1

Shing rai byin ai lam yawng hpe Mordehkai chye ai shaloi, dai nni nkri a majaw shi a hpun palawng ni hpe gang je kau wu ai. Dai hpang lachyit sumpan hpe bu hpun nhtawm shi a baw hpe dap hte bun nna mare hku lai wa nhtawm nsen kaba hte ahkup ahka ngu hkam sha let,

PRU MAT 33:6

Shing rai Israela amyu masha ni gaw Sina Bum kaw na pru mat wa ai hpang, Israela amyu masha ni gaw ja lung seng ni hpe kachyi mi pyi n sumli mat ma ai.

YEREMIA 31:34

Kaji htum ai kaw na kaba htum ai du hkra, nlang hte gaw ngai hpe chye wa na mara ai majaw, dai Madu a lam chye na na matu shanhte kaw na langai wa mi mung shi a htingbu ni hpe sharin achyin ya ra na n rai. Ngai gaw shanhte a yubak mara ni hpe raw dat kau ya nna shanhte a shut hpyit ai amu ni hpe galoi mung dum nga na nngai n rai. Dai Madu ngai nan tsun ni ai.”

YEREMIA 36:9

Ya Yuda Hkawhkam Yehoiakim hkaw dung ai manga ning e shata jahku hta, dai Madu a matsan dum la ai hkrum na matu, amyu masha ni lusha gam nga ma ai. Dai lusha gam ai amu hpe Yerusalem hta shanu nga ai amyu masha ni mahkra hte Yuda mung mare kahtawng kaw na Yerusalem de lung wa ai ni mahkra hte wa galaw nga ma ai.

YEREMIA 42:1

Dai hpang, hpyen du ni yawng, Karea a kasha Yohanan, Hoshaia a kasha Yezania hte mung masha tsang shara shagu de na ni gaw

YEREMIA 42:8

dai rai nna, ngai gaw Yohanan hte rau shi kaw hkan nang nga ai hpyen du ni mahkra hte kaga mung masha ni mahkra hte hpe shaga zup hpawng da nngai.

Daniela 9:3

Ngai gaw lusha gam let lachyit nba bu hpun nhtawm wan dap galu ai hte Madu Karai Kasang kaw akroi anoi akyu hpyi let hpyi nem nngai.

YOELA 1:14

Lusha gam na matu hkang dat mu; shawa zup hpawng shaga mu! Ningbaw ni hte Yuda amyu masha ni yawng shinggyin jahpawng nna dai Madu nanhte a Karai Kasang a Nawku Htingnu de shang nna, shi hpe hpyi jahtau mu!

YONA 3:7

Shi gaw Ninewe mare masha ni hpang de ning ngu tsun shana ndau dat wu ai: “Ndai gaw hkawhkam wa hte shi a du salang ni kaw na aming rai nga ai: Kadai mung hpa n sha lu na rai nga ai; masha yawng mung, dumsu hte sagu ni mung n lu n sha lu na rai nga ai.

MAHTE 12:41

Ninewe masha ni gaw Yona a hkaw tsun ai ga hpe na nna shanhte a yubak mara ni kaw na myit malai lu ma ai. Dai rai nna Tara Dara ai Nhtoi hta e shanhte rawt nna nanhte hpe mara shagun na marin dai; ngai nanhte hpe tsun made ga, ndai yang e Yona hta grau kaba ai wa nga nga ai.

LUKA 11:32

Tara Dara ai Nhtoi hta Ninewe mare masha ni rawt nna nanhte hpe mara shagun na mara ai, hpa majaw nga yang, shanhte gaw Yona hkaw tsun ai ga hpe na ai shaloi, shanhte a yubak mara ni kaw na myit malai lu ma ai. Yu mu! ndai yang, Yona hta grau kaba ai wa nga nga ai!

KASA 27:25

Dai re ai majaw hkau hte e, hkum tsang myit, ngai hpe tsun dan ai hte maren rai na ra ai ngu nna ngai Karai Kasang hpe kam sham nga nngai.

KASA 8:10

Dai mare hta nga ai masha pang amyu myu kaw na masha ni mung, “Ndai wa gaw galu kaba ai n-gun atsam ngu ai Karai Kasang a n-gun atsam nsam dagraw nna du sa ai wa rai nga ai,” nga nna dai Simun ngu ai wa a ga hpe atsawm sha madat ma ai.

HEBRE 11:1

Makam masham ngu ai gaw anhte myit mada nga ai arai ni kaja wa byin na re ngu ai lam hpe myit mu myit hkut nga ai hte, garai n mu lu ai arai ni gaw kaja wa nga nga ai ngu nna chye na hkap la ai hpe ngu ai rai nga ai.

HEBRE 11:7

Du na ra ai aten hta byin na ra ai garai n mu lu ai arai ni hte seng nna Karai Kasang sadi jaw ai hpe Noa na lu ai gaw shi a makam masham a majaw rai nga ai. Shi gaw Karai Kasang a ga hpe madat mara let sanghpaw li langai mi shachyaw nna shi hte shi a nta dinghku gaw hkye hkrang la ai hkrum manu ai. Shing re ai majaw, mungkan ga hpe shi jeyang nna Noa gaw makam masham hte seng ai ding hpring ai sali wunli hkam la nu ai.

SHINGRAN 11:3

Bai, nye a sakse yan lahkawng hpe ngai shangun dat na mawe ai rai nna, shan gaw lachyit nba bu hpun let nhtoi 1,260 ya tup Karai Kasang a mungga hpe myihtoi ga hku hkaw tsun na mara ai.