YONA 3:4 - Jinghpaw Common Language Bible 2009

⁴ Yona dai mare de du hpang nna, lani mi tup hkawm ngut ai hpang, shi gaw, “Nhtoi mali shi ya laman, Ninewe mare hten run mat na ra ai,” ngu nna jahtau tsun wu ai.

Jinghpaw Hanson Version Bible

⁴ Shaloi Yona gaw dai mare kata de lani sat hkawm hpang nna, “Nhtoi mali shi ya lai jang, Ninewe hten mat na ra ai,” ngu nna jahtau tsun wu ai.

YONA 3:4 ပူးပေါင်းရင်းမြစ်များ

2 HKAWHKAM 20:1

Dai aten hte yang, Hkawhkam Hezekia gaw machyi hkrum ai hte ganoi noi si mat hkra rai nga wu ai. Amot a kasha Esaia gaw shi hpe sa hkrum nna, “Nang gaw bai kaja wa sana n rai sai majaw lam shagu hpe kup kup tsup tsup lajang tawn nhtawm si na matu jin jin di da u, nga nna dai Madu nang hpe tsun nga ai,” ngu nna shi hpe tsun wu ai.

2 HKAWHKAM 20:6

Ngai gaw nang hpe shi manga ning naw jahkrung da na nngai; ngai gaw nang hpe mung, ndai Yerusalem mare hpe mung, Asuri hkawseng wa a lata kaw nna mawai la na made ai. Ngai hkum nan a arawng sadang majaw mung, nye a shangun ma Dawi hpe jaw ya ai ga sadi a majaw mung, ndai mare hpe ngai makawp maga na we ai,” ngu nna tsun wu ai.

ESAIA 30:18

Ti mung, dai Madu gaw nanhte hpe matsan dum la na matu ala nga ai. Shi gaw teng man ai amu tut nawng galaw ai majaw, nanhte hpe matsan dum la na matu jin jin rai nga ai. Dai Madu hpe kam hpa ai ni gaw a nga ai.

YEREMIA 42:10

‘Nanhte ndai mungdan hta matut nna shanu nga mayu ai rai yang, ngai nanhte hpe de da na nngai; nanhte hpe ashep ashin di kau na n rai; ngai nanhte hpe hkai da na nngai, nanhte hpe baw kau na n rai. Ngai nanhte a ntsa e shapraw dan sai jahten shabyak lam gaw ngai hpe yawn hkyen kaba shabyin ya nga sai.

YONA 3:10

Karai Kasang gaw shanhte hpa galaw sai hpe mu nu ai; shanhte gaw shanhte a n hkru ai arawn alai hpe kau da nga manu ai hpe mu lu nu ai. Dai rai nna shi gaw shi a myit galai mat nhtawm shi galaw na ngu tsun da sai hte maren shanhte hpe ari n jaw nga nu ai.

MAHTE 12:41

Ninewe masha ni gaw Yona a hkaw tsun ai ga hpe na nna shanhte a yubak mara ni kaw na myit malai lu ma ai. Dai rai nna Tara Dara ai Nhtoi hta e shanhte rawt nna nanhte hpe mara shagun na marin dai; ngai nanhte hpe tsun made ga, ndai yang e Yona hta grau kaba ai wa nga nga ai.

LUKA 11:30

Yona gaw Ninewe mare masha ni a matu, lamik kumla tai wa ai zawn, dai Masha Kasha mung ndai prat na masha ni a matu kumla tai na ra ai.

LUKA 11:32

Tara Dara ai Nhtoi hta Ninewe mare masha ni rawt nna nanhte hpe mara shagun na mara ai, hpa majaw nga yang, shanhte gaw Yona hkaw tsun ai ga hpe na ai shaloi, shanhte a yubak mara ni kaw na myit malai lu ma ai. Yu mu! ndai yang, Yona hta grau kaba ai wa nga nga ai!

TARA JAHPRANG 18:22

Dai Madu a mying ningsang hte myihtoi wa tsun nga ti mung shi tsun ai ga n teng nga ai rai yang, dai gaw dai Madu a mungga n rai nga ai. Dai myihtoi wa mahtang shi a ahkang aya hte tsun ai rai ti mung shi hpe hkrit lu na myit dai n rai.