YONA 3:10 - Jinghpaw Common Language Bible 2009

¹⁰ Karai Kasang gaw shanhte hpa galaw sai hpe mu nu ai; shanhte gaw shanhte a n hkru ai arawn alai hpe kau da nga manu ai hpe mu lu nu ai. Dai rai nna shi gaw shi a myit galai mat nhtawm shi galaw na ngu tsun da sai hte maren shanhte hpe ari n jaw nga nu ai.

Jinghpaw Hanson Version Bible

¹⁰ Ya shanhte gaw tinang a n hkru ai lam, koi kau ai amu hpe, Karai Kasang mu wu ai rai nna, shi shanhte hpe ari jaw na lam, Karai Kasang myit malai nna, hpa n di mu ai.

YONA 3:10 ပူးပေါင်းရင်းမြစ်များ

1 HKAWHKAM LABAU 21:15

Dai hpang Yerusalem mare hpe jahten kau na matu lamu kasa langai hpe shi shangun dat wu ai; rai ti mung shi a myit galai mat nhtawm dai lamu kasa hpe, “Hkring sanu! Ram sai!,” ngu nna tsun wu ai. Shaloi dai lamu kasa gaw Yebusi masha Arauna a mam chyarang makau e tsap nga ai.

PRU MAT 32:14

Dai re ai majaw dai Madu gaw shi a myit hpe galai kau nna, shi a amyu masha ni hpe jahkrit shama na ngu ai ru yak tsin-yam tsindam hpe dawm kau ya wu ai.

GA SHAGAWP 28:13

Na a yubak mara ni hpe ip da na, nang shakut ai rai yang, asak hkrun lam hta, nang galoi mung awng dang na n rai; mara hpe yin la nna tawn kau jang, Karai Kasang nang hpe matsan dum ai myit madun dan na ra ai.

ESAIA 30:18

Ti mung, dai Madu gaw nanhte hpe matsan dum la na matu ala nga ai. Shi gaw teng man ai amu tut nawng galaw ai majaw, nanhte hpe matsan dum la na matu jin jin rai nga ai. Dai Madu hpe kam hpa ai ni gaw a nga ai.

YEREMIA 18:7

Kaning re ai aten hta rai tim, gara amyu baw, gara mungdan hpe ngai baw kau nna, agrawp daw kau na hte jahten shabyak kau na matu ngai tsun timung,

YEREMIA 18:8

ngai lakap nna tsun ai amyu baw gaw shi a n hkru ai amu kaw na kayin wa ai rai yang, ari jaw na matu ngai tsun da ni ai rai tim, dai hpe ngai galaw na n rai.

YEREMIA 36:3

Yuda amyu masha ni hta, ngai shanhte a ntsa e galaw na myit shatawng shada da ai jahten shabyak lam mahkra hte seng ai hpe na wa ai shaloi, shanhte gaw n hkru n shawp ai amu kaw na kayin wa dam nhten. Shaloi, ngai gaw shanhte a n hkru n shawp ai hte shut hpyit kau ai yubak mara ni hpe raw dat kau ya na nngai,” ngu nna tsun wu ai.

YEREMIA 42:10

‘Nanhte ndai mungdan hta matut nna shanu nga mayu ai rai yang, ngai nanhte hpe de da na nngai; nanhte hpe ashep ashin di kau na n rai; ngai nanhte hpe hkai da na nngai, nanhte hpe baw kau na n rai. Ngai nanhte a ntsa e shapraw dan sai jahten shabyak lam gaw ngai hpe yawn hkyen kaba shabyin ya nga sai.

YOELA 2:13

Nanhte a yawn hkyen ai hpe madun dan lu hkra nanhte a myit masin agrawp shadaw kau mu; hpun palawng gang je kau ai hte sha ram ai n rai,” ngu nna tsun wu ai. Dai Madu nanhte a Karai Kasang hpang de nhtang wa marit. Shi gaw matsan chye dum ai hte n-gaw n wai ai myit hpring hkra rawng nga ai; shi gaw myit galu kaba ai hte shi a ga sadi ni hpe shatup nga ai; shi gaw ari jaw na matu n rai, mara dat ya na matu, tut nawng jin jin rai nga ai wa rai nga ai.

AMO LAIKA (AMOS) 7:3

Dai Madu gaw shi a myit galai mat nna, “Nang mu ai lam gaw byin wa lu na ra ai n rai,” ngu nna tsun wu ai.

AMO LAIKA (AMOS) 7:6

Dai Madu gaw shi a myit bai galai mat nna, “Dai gaw byin wa na ra ai n rai,” ngu nna tsun wu ai.

YONA 4:11

Dai re ai mi, tinang a hkra lata hte pai lata hpe pyi n chye ginhka ai masha sen mi mun lahkawng hte yam nga law law nga ai Ninewe mare kaba hpe ngai grau nna lahpawt dum mai ang nga ai!,” ngu nna tsun wu ai.

YONA 4:2

Dai rai nna shi gaw, “Madu e, ngai nta kaw na garai n pru sa wa yang, nang ndai hku galaw na nit dai ngu nna ngai tsun ni ai n rai ni? Dai re ai majaw nye a matu kaja htum ai lam rai u ga ngu nna Spain mung de hprawng mat wa nngai! Nang gaw tsaw ra ai, matsan dum ai, myit galu kaba ai, n gaw n wai ai hte galoi mung ari jaw na hkyen ai myit hpe galai kau na jin nga chyalu re ai Karai Kasang rai nga ndai.

LUKA 11:32

Tara Dara ai Nhtoi hta Ninewe mare masha ni rawt nna nanhte hpe mara shagun na mara ai, hpa majaw nga yang, shanhte gaw Yona hkaw tsun ai ga hpe na ai shaloi, shanhte a yubak mara ni kaw na myit malai lu ma ai. Yu mu! ndai yang, Yona hta grau kaba ai wa nga nga ai!

LUKA 15:20

Shing rai shi rawt nna, shi a kawa hpang de wa magang nga ai. “Shi nta kaw nna tsan tsan naw rai nga yang, kawa gaw shi hpe mu nna, matsan yu dum ai hte, gat sa nhtawm, kasha a du hta noi ginshum let, shi hpe pup wu ai.