YONA 2:9 - Jinghpaw Common Language Bible 2009

⁹ Rai ti mung, ngai chyawm gaw nang hpe mahkawn shakawn na nngai; ngai gaw nang hpe shagu hkungga nawng ya ai hte ngai ga sadi tawn da sai hte maren galaw na we ai. Hkye hkrang la ai lam gaw dai Madu kaw na du sa nga ai!”

Jinghpaw Hanson Version Bible

⁹ Be be lila masu ai lam hpe awlaw ai ni gaw, Tinang nang a chyeju lam, kau da shajang ma ai.

YONA 2:9 ပူးပေါင်းရင်းမြစ်များ

NINGPAWT NINGHPANG 35:3

Ngai ru yak tsin-yam tsindam hkrum ai aten hta ngai hpe karum la nna ngai hkawm sa ai shara shagu hkan mung ngai hte rau anga nga ai Karai Kasang a matu tawn hkungri galaw na ngu ai Behtela de sa wa na matu ndai shara kaw nna anhte pru sa wa saga,” ngu nna tsun wu ai.

2 SAMUELA 15:7

Ya mali ning na ai hpang, Absalom gaw Dawi hpe, “Madu e, dai Madu hpe ngai tawn da ai ga sadi hpe shatup lu na matu, Hebron mare de ngai hpe wa shangun e law.

YOBA 22:27

Nang akyu hpyi yang, shi nang hpe htan ya na ra ai; nang sadi tawn da ai ga shaka hpe nang shatup na rin dai.

SHAKAWN KUNGDAWN 107:22

Shanhte gaw shagu hkungga ni hte shi hpe chyeju shakawn lu na rai mu ai; kabu gara ai mahkawn mangoi ga hte shi galaw dan sai ni yawng hpe tsun hkai dan lu na rai mu ai.

SHAKAWN KUNGDAWN 27:1

Madu gaw nye a nhtoi hte hkye hkrang la ai wa rai nga ai; kadai hpe mung ngai n hkrit na nngai. Dai Madu gaw hkrithpa shara yawng kaw na ngai hpe makawp maga la nga ai rai nna; ngai galoi mung hkrit na nngai n rai.

SHAKAWN KUNGDAWN 3:8

Awng padang gaw Madu kaw nna rai nga ai- Shi gaw shi a amyu masha ni a ntsa e, shaman ya nga u ga law.

SHAKAWN KUNGDAWN 50:14

Chyeju dum shakawn ai gaw Karai Kasang hpe na a shagu hkungga nawng jau ai lam rai nga u ga; Chyahtum Chyalai n-gun rawng ai Madu hpe nang ndat da ai ga sadi yawng hte hpe jaw ya u.

SHAKAWN KUNGDAWN 50:23

Chyeju dum ai shagu hkungga gaw ngai hpe shagrau sha-a ai lam rai nga ai; nye a ga madat mara ai ni yawng hte hpe ngai teng teng hkye hkrang la na nngai.”

SHAKAWN KUNGDAWN 68:20

Anhte a Karai Kasang gaw hkye hkrang la ai Karai Kasang rai nga ai; shi gaw Madu rai nga nna, si hkrung si htan a lata kaw nna mawai la ai anhte a Madu rai nga ai.

SHAKAWN KUNGDAWN 95:2

Shi a man e, chyeju dum let anhte shang nna, mahkawn mangoi ga hte shi hpe kabu gara shakawn ga.

ESAIA 45:17

Rai ti mung Israela gaw dai Madu a majaw hkye hkrang la hkrum nga sai, Israela a awng padang gaw htani htana agrin nga ai; Israela a amyu masha ni gaw galoi mung kaya kahpa hkrum na ma ai n rai.’”

YEREMIA 33:11

nang gaw kabu gara garu jahtau nsen, mani pyaw ai nsen hte kabu gara ai hkungran poi lusha sha ai nsen ni hpe kalang mi bai na lu na rin dai. Shanhte gaw nye a Nawku Htingnu de mahku hkungga ni la sa let mahkawn shakawn ai nsen hpe nang na lu na rin dai; shanhte gaw, ‘Shi gaw mai kaja nga ai hte shi a tsaw ra myit htani htana prat dingsa agrin nga ai majaw, Chyahtum Chyalai N-gun Rawng ai dai Madu hpe chyeju dum mu,’ ngu nna tsun na mara ai. Ngai gaw ndai mungdan hpe shawng na hte maren, ngamu ngamai shangun na nngai. Dai Madu ngai nan tsun ni ai,” nga nna tsun wu ai.

HOSEA 14:2

Dai Madu kaw nhtang wa mu, ndai akyu hpyi ga hte shi kaw nanhte a hkungga shatai mu: “Anhte a shut hpyit ai yubak mara mahkra mara raw dat ya mi, anhte a akyu hpyi ga hkap la ya mi, anhte ga sadi tawn da saga ai hte maren, anhte nang hpe shakawn kungdawn na ga ai.

YAWHAN 4:22

Nanhte Samari masha ni gaw, tinang kadai hpe nawku nga ai hpe hkrak n chye myit dai; anhte Yuda masha ni chyawm gaw, tinang chye ai wa hpe nawku ga ai, hpa majaw nga yang, hkye hkrang la ai gaw Yuda masha ni kaw nna she du sa ai rai nga ai.

KASA 4:12

Shi hta shaje hkye hkrang la ai lam n nga sai. Anhte hkye hkrang la ai kaw du lu na matu sumsing lamu a npu shinggyim masha ni hta jaw ya ai mying nsang shaje kanang mung n nga sai,” ngu nna htan wu ai.

ROMA 12:1

Dai re ai majaw hpu nau ni e, Karai Kasang gaw anhte a ntsa e tsaw ra matsan dum ai myit kaba rawng nga ai majaw shi a amu gun hpai na hte shi sharawng awng ai ahkrung nga ai hkungga tai na matu nanhte a hkum hkrang nawng ya na ngai nanhte hpe shadut jahkat dat made ai. Dai gaw nanhte nawng ya ang ai myit masin a teng man ai daw jau ai lam rai nga ai.

TARA JAHPRANG 23:18

Dai zawn re ai amu galaw let lu ai gumhpraw hpe ga shaka shatup na nga, dai Madu nanhte a Karai Kasang a nta de shawn mai nga ai n rai. Dai Madu gaw htingnu shawa num shawa la amu galaw ai hpe matsat nga ai.

HEBRE 13:15

Dai rai nna anhte gaw shi hpe anhte a Madu re ai ngu nna yin la ai n-gup ni hte chyeju shakawn ai anhte a hkungga hpe Yesu a gawp e Karai Kasang kaw tut nawng e nawng ya nga ga.

SHINGRAN 7:10

Shanhte gaw nsen kaba hte, “Hkye hkrang la ai lam gaw, tingnyang hta dung nga ai anhte a Karai Kasang hte Sagu Kasha kaw na rai nga ai law!,” nga nna jahtau ma ai.

1 SAMUELA 12:21

Lam shadam shangun ai hpara ni hpang de hkum hkan myit; dai ni gaw nanhte hpe karum ya lu ai n rai, dai ni gaw ajet n rai nga ai majaw nanhte hpe hkye la lu ai n rai.