YONA 2:8 - Jinghpaw Common Language Bible 2009

⁸ Akyu n rawng ai hpara sumla nawku ai ni gaw nang hta sadi dung nga ai lam kau da manu ai.

Jinghpaw Hanson Version Bible

⁸ Nye a kraw kata e minla byaw mat yang, Yehowa hpe ngai dum nga nngai; Nye a akyu hpyi ai ga, na a chyoi pra ai nawku Htingnu de, nang kaw hkrang sali ai.

YONA 2:8 ပူးပေါင်းရင်းမြစ်များ

2 HKAWHKAM 17:15

Shanhte gaw shi a matsun maroi ga ni hpe madat mara na matu ningdang kau nhtawm shi hte shanhte a kaji kawa ni hte tawn da ai ga shaka hpe n hkan shatup ai hte shi a shadum jahprang ai ga ni hpe shanhte n kaw n law di kau ma ai. Shanhte gaw manu n dan ai hpara sumla ni hpe nawku nhtawm tinang hkum hpe manu shagrit kau ma ai; shanhte gaw grup yin masha amyu baw ni a htung lailen ni hta hkan nhtawm shanhte a arawn alai ni hpe len n la na matu dai Madu a hkang da ai ga ni hpe mung n madat nga ma ai.

SHAKAWN KUNGDAWN 142:4

Nye a makau mayang hkan e, ngai yu dat ai shaloi, ngai hpe karum la na masha kadai hpe mung ngai n mu nngai; ngai hpe makawp maga la na masha kadai mung n nga ai. Ngai hpe lanu lahku la na, kadai n nga nga ai.

SHAKAWN KUNGDAWN 31:6

N teng n man ai karai ni hpe nawku ai ni hpe nang n dawng nga ndai; rai ti mung, ngai gaw nang hpe kam hpa nngai.

SHAKAWN KUNGDAWN 69:14

Hkumpup hta lup mat wa nga ai kaw na mung; nye a gumlau hpyen ni a lata kaw nna mung, sung ai hka kaw nna mung, ngai hpe hkye hkrang la e, ngai hpe hkrang shaw la e,

YEREMIA 10:8

Shanhte yawng myit n su ai hte angawk angak re ai ni rai ma ai. Hpun hte tawk ai hpara sumla ni kaw na hpa baw a lam hpe shanhte sharin la lu nga ma ta?

YEREMIA 16:19

Madu e, nang gaw ngai hpe makawp maga ai hte n-gun atsam jaw ya ai wa rai nga ndai; nang gaw ngai hpe ru tsang hkrum ai aten ni hta karum la nga ndai. Mungkan ga a jahtum de na amyu baw ni gaw nang kaw du sa wa nna, “Anhte a kaji kawa ni gaw hpara sumla ni hta kaga hpa mung n nga nga ai, dai ni gaw hpa akyu n rawng ai hte kaman lila hkrai rai nga ai.

YEREMIA 2:13

hpa majaw nga yang, nye a amyu masha ni gaw yubak lahkawng shut hpyit kau manu ai: shanhte gaw mu ai hka hpawk ngu ai ngai kaw na myi man kayin mat wa nhtawm, hka n rawng lu ai hka htung ni hpe htu manu ai.

MIHKA 1:2

Masha amyu baw ni yawng hte e, ndai lam na la mu; Ginding aga ntsa e nga ai ni yawng hte e, ndai lam madat la mu! Tsaw Htum ai dai Madu gaw nanhte hpe sakse madun na ra ai. Madat mu! Shi gaw shi a sumsing htingnu kaw nna mungga tsun nga ai.

1 SAMUELA 12:21

Lam shadam shangun ai hpara ni hpang de hkum hkan myit; dai ni gaw nanhte hpe karum ya lu ai n rai, dai ni gaw ajet n rai nga ai majaw nanhte hpe hkye la lu ai n rai.