YONA 2:6 - Jinghpaw Common Language Bible 2009

⁶ Ngai gaw bum ni a npawt de yu mat wa nna, katsan ga a chyinghka ni htani htana pat da nga ai. Rai ti mung, O Madu nye a Karai Kasang e, nang chyawm gaw ngai hpe sung htum ai shara kaw na woi la nga nit dai.

Jinghpaw Hanson Version Bible

⁶ Myit masin du hkra, hka hpungla ni ngai hpe kawan da mi ai; Le sung ai gaw, ngai hpe shinggrup nga ai: Nye a baw nawng ru ahkyen nga li ai.

YONA 2:6 ပူးပေါင်းရင်းမြစ်များ

YOBA 33:24

Lamu kasa gaw matsan dum ai hte, “Shanhte hpe dat dat mu! Shanhte gaw katsan ga de yu wa ang ai ni n rai ma ai. Shanhte hpe shalawt dat kau ya na gawng malai ndai yang e nga nga ai,” ngu nna tsun na ra ai.

YOBA 33:28

Shi gaw ngai hpe katsan ga de yu sa wa ai kaw nna mawai la nga ai, ngai naw ahkrung nga nngai,” ngu nna tsun wu ai.

SHAKAWN KUNGDAWN 104:6

Dai ginding aga ntsa e, nammukdara hpe nba zawn, nang magap da nna; hka mung bum ni hpe ka-up da nga ai.

SHAKAWN KUNGDAWN 104:8

Hka ni gaw bum ni a ntsa kaw nna, kadit hkam wam de, dai ni a matu nang san da ya sai shara ni de, lwi mat wa nga ma ai.

SHAKAWN KUNGDAWN 116:3

Si du a sumgawn gaw ngai hpe htinggrum da nna; katsan ga na ru tsang ni, ngai hpe wang shinggrup da nga sai. Shing rai, ngai gaw hkrit ai hte nchyi nmu myit kahtet nga li ai.

SHAKAWN KUNGDAWN 143:7

Madu e, ngai hpe ya jang, htan ya e! nye a myit mada ai lam yawng htum mat sali ai. Na a myi man ngai kaw nna, hkum kayin kau nga et; shing rai yang, nsung hku kata de shang mat wa ai ni hta ngai lawm wa na ring ngai.

SHAKAWN KUNGDAWN 18:5

Si hkrung si htan a hkrithpa gaw ngai hpe gawan da mi ai; lup sung hku gaw nye a matu mahkam hkam da nu ai.

SHAKAWN KUNGDAWN 30:3

nang gaw ngai hpe nsung hku hta na mawai la nit dai. Ngai Katsan ga de yu wa nga ai kaw na nang nye a asak hpe mawai la nit dai.

SHAKAWN KUNGDAWN 30:9

“Nye a si hkrung si htan kaw nna, nang hpa baw akyu hkam la lu na rai nga n ta? Lup sung hku de ngai sa wa ai kaw nna, hpa baw amyat lu la na rai nga n ta? Si sai masha ni nang hpe shakawn lu nga ma ni? Na a n shut n shai chye ai mai kaja lam hpe, shanhte tsun dan lu na ma ni?

SHAKAWN KUNGDAWN 55:23

Rai ti mung, Karai Kasang e, nang gaw masha sat ai ni hte masu magaw ai masha ni hpe shanhte a asak ka-ang garai n lai yang pyi shanhte a lup sung hku ni de, jahkrat kau na rai nga ndai. Ngai chyawm gaw nang hpe kam hpa nga na nngai.

SHAKAWN KUNGDAWN 65:6

Na a n-gun atsam hte bum hpe shi a shara ni hta de da nna; na a chyahtum chyalai daru magam n-gun hpe madun dan nga ai.

SHAKAWN KUNGDAWN 69:2

Ngai gaw sung ai hkumpup hta lup wa nga nngai, dai shara hta kabye na ga shaja n nga nga ai. Sung ai hka de ngai rai wa nga nngai; hka leng ni ngai hpe marit shangun hkyen wa nga ai.

ESAIA 38:10

Ngai gaw asak hpungngang aten e Katsan ga de sa mat wa nna Galoi mung asak bai hkrun na n rai ni ai ngu myit nawn la nngai.

ESAIA 38:17

Nye a nchyi nmu re ai gaw ngwi pyaw sim sa wa na ra ai. Nang gaw nye a asak hpe hkrit hpa yawng kaw na hkye la nga ndai; Nang gaw nye a yubak mara yawng hpe raw ya nga ndai.

ESAIA 40:12

Nammukdara hpe lata latup mi hte kadai shadawn lu a ta? Sumsing lamu hpe shi a lata hte kadai shadawn lu a ta? Ginding aga a ga sau hpe gawm hta bang nna kadai lang lu a ta? Bum ni hte kawng ni hpe joi jang hta bang nna kadai shen lu a ta?

EZEKELA 26:20

Moi chyaloi nhkoi kaw nna nga nga sai ni hte rau nga na matu, ngai nang hpe Katsan ga de shayu kau dat na de ai. Ngai gaw nang hpe si hkrung si htan hte tut e rau hpawng ai dai htani htana hten byak ai shara ngu ai shingran katsi ai ga kata de nga shangun na nngai. De a shabrai gaw, nang galoi mung bai dap wa lu na n rai, nang gaw hkrung nga ai ni a mungdan na shara hpe madu la lu na ndai n rai.

EZEKELA 31:14

Dai rai nna, hka hkru hkru lu lu ai hpa hpun mung, tsaw ai shara na sumwi ni hpe dep lu hkra tu kaba shangun ai hpun ndung hpe mung, ya kaw nna bai tu kaba tsaw kung dam shangun sana n rai. Dai ni yawng gaw si chye ai masha ni zawn si mat nna, Katsan ga de yu wa ai ni hte mazum na matu dingnye hkrum nga masai.”

HABAKU 3:10

Bum ni nang hpe mu ai shaloi, dai ni hkrit gari ma ai; lamu ni kaw na hka ru hkrat nga ai. Ginding aga a npu na hka ni wu kadu nga ai hte dai ni a hka leng ni rawt lung wa nga ai.

HABAKU 3:6

Shi hkring ai shaloi, ginding aga ashun awam nga ai; nang praw mada yu ai shaloi, masha amyu baw ni hkrit gari nga ma ai. Htani htana bum ni ga gamang mat nna; dinggrin a nga nga ai kawng ni, moi prat kaw nna shi hkawm nga ai kawng ni lup shang mat nga ai.

MAHTE 16:18

Bai, nang hpe ngai tsun de ga, lunghkrung ngu ai lachyum pru ai Petru rai nga ndai hte dai lunghkrung ngu ai npawt nhpang ntsa e nye a hpung hpe ngai de da na we ai rai nna, si hkrung si htan pyi gaw dai hpe dang kau lu na n rai.

TARA JAHPRANG 32:22

Nye a masin kahtet ai gaw wan zawn grung wa nna, ginding aga ntsa na arai shagu hpe hkru kau na ra ai. Dai gaw mungkan ga a lawu tsang de du hkra dep nna, bum ni a npawt nhpang ni hpe hkru kau na ra ai.