YONA 2:2 - Jinghpaw Common Language Bible 2009

² “O Madu e, nye a ru tsang ai kata kaw na, ngai nang hpe shaga nngai, nang gaw nye a ga hpe htan ya nit dai. Katsan ga kata kaw na, ngai hpe karum la na matu jahtau ai shaloi, nye a nsen hpe nang na nit dai.

Jinghpaw Hanson Version Bible

² Shaloi Yona gaw dai nga a kan kata nna, shi a Karai Kasang Yehowa hpe hpyi wu ai.

YONA 2:2 ပူးပေါင်းရင်းမြစ်များ

2 HKAWHKAM LABAU 33:12

Shi nni nkri hkrum wu ai majaw shagrit shanem ai myit hte dai Madu shi a Karai Kasang hpang de kayin wa nhtawm hpyi nem wu ai.

SHAKAWN KUNGDAWN 116:3

Si du a sumgawn gaw ngai hpe htinggrum da nna; katsan ga na ru tsang ni, ngai hpe wang shinggrup da nga sai. Shing rai, ngai gaw hkrit ai hte nchyi nmu myit kahtet nga li ai.

SHAKAWN KUNGDAWN 120:1

Ngai ru tsang hkrum nga ai shaloi, dai Madu hpe ngai shaga ai hte ngai hpe shi htan ya ni ai.

SHAKAWN KUNGDAWN 22:24

Shi gaw matsan mayan wa hpe n gawn n sawn di ai n rai, shanhte a nni nkri hpe n sawn n sang di ai n rai; shi shanhte kaw na kayin mat wa ai n rai, rai ti mung, karum la na matu shanhte shaga yang, shi htan ya nga ai.”

SHAKAWN KUNGDAWN 34:6

Matsan mayan hkrum ai masha ni shi hpe shaga yang, shi htan ya nga ai; shi gaw shanhte a ru yak tsin-yam yawng kaw na shanhte hpe hkye hkrang la nga ai.

SHAKAWN KUNGDAWN 4:1

Ngai hpe makawp maga ya ai Karai Kasang e! ngai akyu hpyi yang, htan ya e! Ngai ru tsang hkrum ai shaloi, nang ngai hpe karum la nit dai. Ngai hpe ya jang matsan dum ai hte nye a akyu hpyi ai ga hpe na ya e law.

SHAKAWN KUNGDAWN 61:2

Dum nta hte tsan gang nna myit htum nga yang, ngai nang hpe shaga nngai!

SHAKAWN KUNGDAWN 86:13

Na a dinggrin tsaw ra myit gaw nye a matu kade wa kabu gara nga a hka! Nang gaw ngai hpe lup sung hku kaw nna nan hkye hkrang la nit dai.

ESAIA 14:9

“Katsan ga gaw Babelon hkawhkam wa hpe tau hkalum la na matu jin jin rai nga ai. Ginding aga ntsa na daru magam n-gun rawng lai wa sai ni a tsu minla ni kabring kabrawng rai nga ai. Hkawhkam ni a tsu minla ni gaw shanhte a tingnyang ni kaw na rawt wa nga ma ai.

SHARUNG SHAYAWT 3:55

Madu e, ngai gaw nang hpe nhkun htumpa kaw nna marawn jahtau ni ai,

EZEKELA 26:20

Moi chyaloi nhkoi kaw nna nga nga sai ni hte rau nga na matu, ngai nang hpe Katsan ga de shayu kau dat na de ai. Ngai gaw nang hpe si hkrung si htan hte tut e rau hpawng ai dai htani htana hten byak ai shara ngu ai shingran katsi ai ga kata de nga shangun na nngai. De a shabrai gaw, nang galoi mung bai dap wa lu na n rai, nang gaw hkrung nga ai ni a mungdan na shara hpe madu la lu na ndai n rai.

EZEKELA 31:14

Dai rai nna, hka hkru hkru lu lu ai hpa hpun mung, tsaw ai shara na sumwi ni hpe dep lu hkra tu kaba shangun ai hpun ndung hpe mung, ya kaw nna bai tu kaba tsaw kung dam shangun sana n rai. Dai ni yawng gaw si chye ai masha ni zawn si mat nna, Katsan ga de yu wa ai ni hte mazum na matu dingnye hkrum nga masai.”

MAHTE 12:40

Yona gaw shani masum ya hte shana masum na du hkra, dai nga kaba a kan kata e rawng nga ai hte maren, dai Masha Kasha mung, shani masum ya hte shana masum na du hkra ga a sung ai kata e rawng nga na ra ai.

LUKA 11:10

Hpa majaw nga yang, hpyi ai wa kadai mung lu la ai, tam ai wa mung mu ai, akawk ai wa hpe mung hpaw ya na ra ai.

LUKA 22:44

Myit masin hta dik hkra nni nkri hkrum nga ai majaw, shi grau nna akyu hpyi shaja wu ai. Shi a salu salat mung sai kahte ni zawn ga de hkrat lu ai.

KASA 2:27

Hpa majaw nga yang nang ngai hpe Katsan ga e kabai kau da ndai n rai; na a kangka ai shangun ma wa hpe, lup sung hku hta yat tsam mat shangun na ndai n rai.

HEBRE 5:7

Yesu gaw dinghta hkum shan hta asak naw hkrung nga ai ten hte hta, shi hpe si ai kaw na hkye mawai la lu ai Karai Kasang kaw nsen kaba hte hkrap myiprwi ni hkrat let akyu hpyi tawng ban ai lam galaw nu ai, Yesu gaw myit grit myit nem ai hte ap nawng ai wa re ai majaw, Karai Kasang mung shi a hpyi nem tawng ban ai hpe madat ya wu ai.

1 SAMUELA 1:16

Ngai hpe manu n dan ai numsha rai nga ai, ngu nna hkum myit nawn la et. Nye a myit grai wa nchyi nmu ngu la nga nngai majaw ndai zawn akyu hpyi ai she rai nngai,” ngu nna htan wu ai.

1 SAMUELA 30:6

Dawi a masha ni gaw shanhte a kashu kasha ni mat mat nna shanhte yawng ahkup ahka nga ai hte shi hpe nlung hte kabai sat na nga jahkrit sharim ma ai majaw, dai aten hta Dawi gaw ru tsang kaba hkrum sha nga wu ai; rai ti mung dai Madu shi a Karai Kasang mung shi hpe nden marai jaw ya wu ai.