YONA 1:9 - Jinghpaw Common Language Bible 2009

⁹ Yona gaw, “Ngai gaw Hebre masha rai nga nngai. Ngai gaw hkarang hte panglai hpe hpan da ai dai Madu sumsing lamu a Karai Kasang hpe nawku nngai,” ngu nna htan wu ai.

Jinghpaw Hanson Version Bible

⁹ Shi gaw, “Ngai Hebre masha rai nga nngai; nammukdara hte hkarang hpe hpan tawn da ai, sumsing lamu na Karai Kasang Yehowa hpe hkrit hkungga ai wa rai nga nngai,” ngu nna shanhte hpe htan mu ai.

YONA 1:9 ပူးပေါင်းရင်းမြစ်များ

NINGPAWT NINGHPANG 1:10

Shi gaw dai hkarang ga hpe “Ginding aga,” ngu nna shamying nhtawm shinggyin hpawng nga ai hka hpung ni hpe “Panglai” ngu nna shamying da wu ai. Karai Kasang gaw dai hpe mu nna awng sharawng nga ai.

NINGPAWT NINGHPANG 14:13

Rai ti mung, hprawng lawt wa ai masha langai mi gaw Amori masha Mamre madu da ai dai chyoi pra ai hpun ni tu ai shara makau e naw nga ai Hebre masha Abram hpang de dai lam yawng sa tsun dan wu ai. Mamre hte shi a kahpu kanau yan rai nga ai Eshkola hte Anera ni chyawm gaw Abram hte ga shaka tawn da ai jinghku ni rai ma ai.

NINGPAWT NINGHPANG 24:7

Dai Madu sumsing lamu a Karai Kasang gaw ngai hpe nye kawa a nta hte nye a amyu bawsang ni shanu ai buga kaw nna woi la nhtawm ndai lamu ga hta nye a amyu matu ni hpe jaw na nga nna ngai hpe shi dagam let ga sadi shagrin da nu ai. Shi gaw shi a lamu kasa hpe na a shawng de shangun dat na ru ai; dai shara hta ngai sha a matu ningrum ningtau langai nang la ya lu na rai ndai.

NINGPAWT NINGHPANG 39:14

shi a nta na shangun ma ni hpe shaga nna, “Da ndai hpe yu yu mu! Nye a madu wa ndai nta de woi tawn ai ndai Hebre masha wa gaw anhte hpe n sawn n sang di mi ai. Nye a gawk de shi shang wa nna ngai hpe roi na shakut wu ai majaw nsen kaba hte ngai dang lu ai daram jahtau dat we ai.

2 HKAWHKAM 17:25

Shanhte dai yang e nnan sa nga ma ai shaloi, dai Madu hpe shanhte n nawku ma ai, shi gaw hkanghkyi nkau mi hpe dat dat nhtawm shanhte hta na nkau mi hpe sha kau nga ai.

2 HKAWHKAM 17:28

Dai re ai majaw Samari mare na bawng rim hkrum ai Israela hkinjawng langai mi gaw Behtela mare e sa shanu nga nhtawm dai Madu hpe gara hku nawku na lam masha ni hpe sharin ya mu ai.

EZRA 1:2

“Ndai gaw Persi Hkawseng Kuru a hkang da ai ga rai nga ai. Dai Madu sumsing lamu a Karai Kasang gaw mungkan ga ting ngai hpe up hkang shangun ni ai hte Yuda mung Yerusalem hta shi a matu Nawku Htingnu langai gap na lit ngai hpe jaw da ni ai.

EZRA 5:11

“Shanhte gaw, ‘Anhte gaw sumsing lamu hte ginding aga a Karai Kasang a shangun ma ni rai nga ga ai. Daru magam n-gun rawng ai Israela hkawhkam langai mi gaw lai sai shaning law law kaw nna shawng gap hpang da sai Nawku Htingnu hpe bai gap nna ra ai arung arai ni hpe jahting da ga ai.

NEHEMIA 1:4

Ndai lam yawng hpe ngai na ai shaloi, dung let hkrap nga nngai. Ngai gaw nhtoi tsawmra mi na mat hkra sharung shayawt ai hte lusha n sha nngai. Ngai gaw Karai Kasang hpe,

NEHEMIA 2:4

Hkawseng wa gaw, “Nang hpa baw ra sharawng n ta?,” ngu nna san wu ai. Ngai gaw sumsing lamu a Karai Kasang kaw akyu hpyi nngai,

NEHEMIA 9:6

Dai hpang Israela amyu masha ni ndai kyu hpyi ga hte hpyi ma ai: “Nang, Madu, nang chyu sha Madu rai nga ndai; nang gaw sumsing lamu ni hte lamu na shagan ni hpe hpan da nga ndai. Nang gaw lamu ga hte panglai hte dai hta rawng marawng ni hpe hpan da nna; dai ni yawng hpe nang asak jaw ya nga ndai. Sumsing lamu na daru magam n-gun atsam ni nang hpe gum dagup ai hte nang hpe nawku ma ai.

YOBA 1:9

Satan gaw, “Shi hpa n lu la ai rai yang, Yoba gaw nang hpe nawku na wu ni?

SHAKAWN KUNGDAWN 136:26

Sumsing lamu na Karai Kasang hpe chyeju dum shakawn nga mu; shi a tsaw ra myit htani htana agrin nga ai.

PRU MAT 1:15

Dai hpang Egutu hkawhkam wa gaw Hebre numsha ni hpe shangai karum rum re ai Shipra hte Hpua mying ai shangai karum num yan hpe ga shaga wu ai.

PRU MAT 2:13

Hpang shani e shi bai pru hkawm wu yang, Hebre masha lahkawng ga law nga ma ai hpe mu wu ai. Shi gaw shut ai wa hpe mahtang, “Nang hpa majaw na a manang Hebre masha wa hpe kayat nga n ta?,” ngu nna san wu ai.

Daniela 2:44

Ndai mung du ni up hkang ai aten hta, sumsing lamu a Karai Kasang gaw galoi mung htum ngu n nga ai mungdan langai de da na ra ai. Dai gaw galoi mung ka-up la hkrum na ra ai n rai, rai ti mung dai gaw ndai hkawseng mungdan ni yawng hpe tsep kawp shamyit kau ai hpang e sha htani htana agrin nga na ra ai.

HOSEA 3:5

Ndai lam zawn, Israela amyu masha ni gaw dai Madu shanhte a Karai Kasang hte shanhte a Hkawhkam Dawi a amyu matu na langai, hpang de lang mi bai kayin wa ai aten du wa na mara ai. Dai hpang shanhte gaw dai Madu hpe hkrit hkungga wa nna, shi kaw na chyeju kumhpa ni hkam la lu na mara ai.

KASA 14:15

Hkau hte e, “Hpa rai dai galaw wa myit ta? An mung nanhte hte maren shinggyim masha yan sha arai ga ai! Ndai kaman lila amu ni hpe kau da nna, sumsing lamu hte ginding aga nammukdara hte dai hta rawng ai nga manga hpe hpan tawn da ai ahkrung nga ai Karai Kasang hpang de kayin wa myit ga, ngu nna she nanhte hpe dai Kabu Gara Shiga hkaw dan ai rai ga ai.

KASA 27:23

Hpa majaw nga yang ngai hpe up ai, ngai nawku daw jau ai Karai Kasang a lamu kasa langai mi mana e nye a makau e sa tsap nna,

HPILIPI 3:5

Ngai gaw asak matsat ya nhtoi hta matu gadoi hkam nngai; Israela amyu Benyamin a aru arat hte Hebre masha hta na Hebre sai jet rai nga nngai. Yuda ni a jep ai Tara hpe hkan sa shatup ai hku she yu ga nga yang ngai Hparishe rai nga nngai.

SHINGRAN 11:13

Dai ahkying hta e nnang nawn kaba nawn wa nna, dai mare htam shi hta na htam mi hten mat nna, masha hkying sanit si lawm mat ai. Naw ngam nga ai masha ni chyawm gaw hkrit kajawng ai hte sumsing lamu na Karai Kasang a galu kaba ai arawng sadang hpe shakawn shagrau nga ma ai.

SHINGRAN 15:4

Madu e, nang hpe n hkrit hkungga ai kadai wa nga lu na rai ta? Nang galu kaba nga ai hpe n yin la ai kadai nga lu na rai ta? Nang chyu sha chyoi pra nga ndai; nang galaw ai amu ni ding hpring nga ai lam yawng mu lu ma ai majaw, masha amyu baw shagu ni, na a man e, sa nawku na mara ai law!,” nga nna tsun ma ai.

SHINGRAN 16:11

Shing rai shanhte a machyi ai hte hpye shanam ai ana a majaw, shanhte gaw sumsing lamu na Karai Kasang hpe matsa shatan ma ai. Rai ti mung tinang a n hkru n kaja ai arawn alai ni hta na myit malai n lu ma ai.