YONA 1:6 - Jinghpaw Common Language Bible 2009

⁶ Li agyi wa dai yang e shi hpe mu nna shi hpe, “Nang hpa rai yup nga n ta? Rawt nna karum la lam a matu na a karai kaw akyu hpyi u. Shi mi she anhte hpe myit dum nna anhte a asak ni hpe shalawt la dam nhten,” ngu nna tsun wu ai.

Jinghpaw Hanson Version Bible

⁶ Dai re ai majaw li agyi wa shi kaw sa nna, “Yup taw nga ai wa e, nang hpa maw n ta? Rawt u, na a Karai Kasang hpe hpyi jahtau u: anhte n hten u ga, dai Karai Kasang anhte hpe myit dum dam nhten,” ngu wu ai.

YONA 1:6 ပူးပေါင်းရင်းမြစ်များ

2 SAMUELA 12:22

Dawi chyawm gaw, “Rai nga ai law, shi naw hkrung nga yang, ngai lusha gam let hkrap ngu hkrap ngoi rai ni ai. Dai Madu gaw ngai hpe matsan dum la nhtawm ma hpe n si shangun na rai wu ai ngu, ngai myit nawn la nngai.

ESHTA 4:16

“Sa nna Susa mare hta nga ai Yuda masha ni yawng hpe jahpawng tawn u; lusha gam let nye a matu akyu hpyi ya mi. Masum ya tup shani shana hpa mung hkum lu hkum sha nga myit. Nye a shangun ma numsha ni hte ngai mung dai hte maren galaw na ga ai. Dai hpang tara tawt lai ti mung hkawhkam wa hpang de ngai shang na nngai. Ndai amu galaw ai a majaw ngai si lu na rai yang mung si na nngai.”

SHAKAWN KUNGDAWN 107:6

Shaloi, shanhte ru tsang hkrum ai aten hta Madu hpe hpyi jahtau mu ai; shi shanhte a nni nkri kaw nna shanhte hpe hkye hkrang la nu ai.

SHAKAWN KUNGDAWN 78:34

Shanhte kaw na n kau mi hpe shi sat kau ai aten shagu hta, ngam ai ni gaw shi hpang de kayin wa ma ai; shanhte myit malai wa nna, Madu kaw akroi anoi akyu hpyi nga ma ai.

ESAIA 3:15

Nanhte hta nye a amyu masha ni hpe agrawp mani kau na hte matsan mayan masha ni hpe zai hku nna dip gamyet sha na ahkang hpa mung n lu myit dai. Ngai Chyahtum Chyalai N-gun rawng ai Tsaw Htum ai Madu nan tsun ni ai.”

EZEKELA 18:2

“Israela mungdan hta nga ai amyu masha ni bai atsun tsun re ai ndai ga shagawp gaw hpa wa rai nga a ta? ‘Kanu kawa ni gaw hkri ai sabyi si ni sha ma ai, Rai ti mung, kashu kasha ni gaw hkri ai namchyim lu ma ai.’

YOELA 2:11

Dai Madu gaw shi a hpyen hpung hpe nsen sharawt dat wu ai. shi a ga madat ai hpyen hpung ni law ai hte n-gun rawng nga ma ai. Dai Madu a nhtoi gaw kade sha hkrit hpa rai nga a hka! Kadai wa hkrung nga lu na rai ta?

AMO LAIKA (AMOS) 5:15

N hkru ai amu hpe n dawng nga mu, teng man ai amu hpe tsaw ra nga mu, teng man rap ra ai tara gaw tara rung ni hta dang nga ai hpe mu lu nga ai. Dai Madu gaw naw hkrung ngam nga ai ndai amyu baw a amyu masha ni hpe mahkoi matsan chye dum la mai nhten.

YONA 3:8

Masha hte dusat ni yawng lachyit nba bu hpun lu na rai nga ai. Masha shagu gaw Karai Kasang kaw akroi anoi akyu hpyi lu na rai nga ai, shanhte gaw n hkru ai arawn alai hte n kaja ai amu ni hpe kau da lu na rai ma ai.

YONA 3:9

Karai Kasang gaw shi a myit galai kau nna pawt bu ai lam jahkring kau ai rai yang, anhte n si dam nhten!”

KASA 21:13

Pawlu chyawm gaw, “Nanhte hpa rai hkrap ngu hkrap ngoi nga nna nye myit hpe gawng run shangun ya nga myit ta? Yerusalem mare e gyit hkang da ai hkrum na sha n ga, Madu Yesu a mying nsang a majaw dai yang sa si hkam na pyi ngai jin jin rai nga nngai,” ngu nna htan shangap mu ai.

ROMA 13:11

Nanhte gaw yup nga ai kaw na su hprang wa ra ai ahkying aten du ra ai hpe chye nga myit dai majaw, ndai tsaw ra tara hpe hkan sa nga mu. Hpa majaw nga yang, anhte hkye hkrang la hkrum na shani ninghtoi gaw Madu Yesu hpe anhte kam sham hpang ai aten kaw nna sawn yang grau ni wa magang ra ai.

EHPESU 5:14

Hpa majaw nga yang, asan sha shadan shadawng da ai arai ni gaw nhtoi tai nga ai. Dai majaw, “Yup pyaw ai wa e rawt u, si ai kaw na bai rawt wa nu; Hkristu gaw nang hpe jahtoi jaw na ra ai,” nga nna tsun ai.