YONA 1:5 - Jinghpaw Common Language Bible 2009

⁵ Sanghpaw masha ni hkrit kajawng mat nna tinang nang a hpara shagu kaw karum la na matu hpyi jahtau ma ai. Dai hpang sanghpaw li n lup mat u ga, ntsa na arai ni hpe panglai hta kabai bang kau ma ai. Shing rai galaw nga yang, Yona gaw sanghpaw li a kata gawk de shang nna kaleng yup pyaw nga ai.

Jinghpaw Hanson Version Bible

⁵ shang hpaw li tsang u ga, dai hta rawng ai rai ni hpe mung, nammukdara hta jahkrat bang kau mu ai: Yona chyawm gaw sanghpaw li a gawk kata de, shang rawng nga nna, kaleng taw let yup a nga ai.

YONA 1:5 ပူးပေါင်းရင်းမြစ်များ

1 HKAWHKAM 18:26

Shanhte hpe jaw da ai usu hpe shanhte hpya la nna dai hpe hkyen shachyip tawn nhtawm shana de du hkra, Bala kaw hpyi ma ai. Shanhte gaw, “Bala e, anhte hpe htan ya mi law!,” ngu nna jahtau tsun ma ai. Shing rai shanhte galaw tawn ai tawn hkungri grup grup hta ka manawt nga ma ai. Rai ti mung hpa mahtai mi n pru nga malu ai.

YOBA 2:4

Satan gaw, “Masha gaw asak hkrung nga lu na matu lam shagu hpe asum hkam shagawm kau na rai nga ai.

SHAKAWN KUNGDAWN 107:25

Shi hkang dat ai shaloi, nbung laru ru wa nna; hka leng ni rawt kabrawng wa nga ai.

HPAJI NINGLI 3:6

Shi gaw mu tam la ai aten hte shamat kau ai aten hpe mung, mahkawng da ai aten hte kabai kau ai aten hpe mung,

ESAIA 45:20

Dai Madu gaw, “Hkrat mat ai hkawseng mungdan hta naw ngam nga ai masha amyu baw ni e, sa hpawng marit; jep sagawn na matu nanhte nan du marit! Shanhte a hpun hpara sumla ni hte hpai madun ai ni hte shanhte hpe n hkye lu ai karai ni kaw akyu hpyi ai ndai amyu masha ni gaw hpa nan n chye nga ma hka!

YEREMIA 2:28

“Na a matu ngu nna nang galaw da ai karai ni kanang rai nga ma ta? Nang tsin-yam tsindam hkrum ai shaloi, shanhte rai lu mu yang gaw, shanhte nang hpe hkye la mu ga, nang gaw mare law law lu nga ndai zawn karai law law mung lu nga ndai.

HOSEA 7:14

Shanhte gaw ngai kaw myit malang ai hte akyu n hpyi ma ai, rai ti mung shing rai na malai, shanhte gaw ga de gum dagup nhtawm tara maigan masha ni galaw ai zawn hkrap agru ma ai. Shanhte gaw nai mam nsi naisi hte sabyi hpyi ma ai shaloi, shanhte hkum hpe tara maigan ni zawn gadoi jahpye ma ai. Shanhte hpa baw gumlau nga ma hka!

YONA 1:14

Dai rai nna shanhte gaw dai Madu hpe, “O Madu e, ndai masha wa a asak dan ya ai majaw, anhte hpe ari n jaw mi ga, anhte hpyi nem ga ai! O Madu e, nang gaw ndai amu yawng a matu lit lu nga ndai, dai gaw nang galaw ai amu rai nga ai,” ngu nna jahtau tsun ma ai.

YONA 1:16

Ndai amu a majaw, sanghpaw masha ni dai Madu hpe grai hkrit mat ma ai rai nna shanhte gaw shagu hkungga nawng ya ai hte shi hpe daw jau na matu ga sadi jaw ma ai.

YONA 1:6

Li agyi wa dai yang e shi hpe mu nna shi hpe, “Nang hpa rai yup nga n ta? Rawt nna karum la lam a matu na a karai kaw akyu hpyi u. Shi mi she anhte hpe myit dum nna anhte a asak ni hpe shalawt la dam nhten,” ngu nna tsun wu ai.

MAHTE 25:5

Ya, La ningnan du sa wa na hpe naw la ra nga ai majaw, shanhte nlang yup shamwi nna yup pyaw nga ma ai.

MAHTE 26:43

Shi lang mi bai nhtang wa yang, shanhte a myi yup shamwi ai majaw yup pyaw nga ma ai hpe wa mu mu ai.

MAHTE 26:45

Dai hpang sape ni kaw shi bai nhtang wa nna, “Nanhte gaw naw yup pyaw nga nna hkring sa la nga myit ni? Yu mu! Dai ahkying ni wa magang ra ai rai nna dai Masha Kasha gaw yubak kap ai ni a lata hta e, ap kau ai hkrum na ra ai.

KASA 27:38

Masha shagu hkru hkra sha ngut jang shanhte hkaulan n-gu ni hpe hka de kabai bang kau ai hte sanghpaw li hpe shatsang mu ai.

TARA AGYI 16:19

Delila gaw Samson hpe shi a lahpyen e shayup da nhtawm masha langai mi hpe shaga la let shi a kara majaw sanit gadoi kau ya wu ai. Shi a n-gun daw mat salu ai majaw Delila shi hpe adip arip di zingri hpang wa nu ai.

1 SAMUELA 24:3

Shi gaw lam makau na sagu lawng nkau mi hte htep rai nga ai lungpu hku langai mi de, hkum tsan na nga shang wa wu ai. Dawi hte shi a masha ni mung dai lungpu hku a kata htum maga de makoi rawng nga ma ai.