YONA 1:2 - Jinghpaw Common Language Bible 2009

² Shi gaw, “Kaba la ai Ninewe mare de sa nna ninghkap ai ga tsun su; Ngai gaw dai mare masha ni kade daram n hkru nga ai lam chye nga nngai,” ngu nna tsun wu ai.

Jinghpaw Hanson Version Bible

² Rawt u, kaba la ai Ninewe mare de sa nna, shama ai ga hte jahtau tsun u: kaning rai nme law, shanhte a n hkru ai amu, nye a man de hkrang lung wa ra ai, ngu wu ai.

YONA 1:2 ပူးပေါင်းရင်းမြစ်များ

NINGPAWT NINGHPANG 10:11

Dai mung kaw nna Asuri mung de shi sa wa nhtawm Ninewe, Rehubut Ira, hte Hkala mare ni hpe mung,

2 HKAWHKAM 19:36

Dai hpang Asuri Hkawseng Senahkerib gaw htingnut mat wa nna Ninewe mare de nhtang mat wa nu ai.

2 HKAWHKAM LABAU 28:9

Oded mying ai dai Madu a myihtoi langai mi gaw Samari mare e nga nga ai; dai wa gaw mare de shang wa na shara hta Yuda bawng masha ni hte rau nhtang wa ai Israela luksuk ni hte shi hkrum wu ai; shi gaw, “Dai Madu na a kaji kawa ni a Karai Kasang gaw Yuda ni hpe masin yu pawt ai majaw shanhte hpe awng dang shangun nga ai; rai ti mung ya chyawm gaw nanhte shanhte hpe grai n hkru ai hku sat kau manit dai lam hpe shi na nu ai.

EZRA 9:6

Ngai gaw, “O Karai Kasang e, anhte a yubak gaw baw lim hkra sumpum nga nna, dai ni gaw sumsing lamu du hkra dep nga ai majaw, na a man e nye a baw sharawt lu na ngai nau wa kaya nga nngai.

ESAIA 37:37

Dai hpang Asuri hkawseng Senahkerib gaw htingnut mat wa nna Ninewe mare de nhtang mat wa wu ai.

ESAIA 58:1

Dai Madu gaw, “Nang shaja lu ai daram jahtau u! Shanhte a yubak mara ni hte seng nna nye a amyu masha Israela ni hpe tsun dan u!

YEREMIA 20:9

Rai ti mung, ngai gaw, “Ngai gaw dai Madu hpe malap kau na nngai, shi a mying hta mahta nna galoi mung n shaga na ni ai,” ngu nna tsun ai shaloi, na a mungga gaw nye a myit masin kata hta wan zawn hkru nga li ai. Dai hpe hkam jan lu na matu kaja htum ai hku shakut ti mung, dai hpe loi mi pyi n lu sharang lu nngai.

EZEKELA 2:7

Shanhte madat ai rai tim, n madat ai rai tim, shanhte hpe htawn tsun na matu ngai nang hpe tsun ai lam hpa hpe rai tim, nang shanhte hpe tsun na rai ndai. Shanhte gaw gumlau ai ni rai nga ma ai hpe adum nga u.

HOSEA 7:2

Shanhte gaw dai n hkru ai amu ni hpe hpa zawn n nawn ma ai, ngai gaw dai n hkru ai amu yawng hpe adum nga na nngai; rai ti mung shanhte a yubak mara gaw shanhte hpe shinggrup da nga ai, ngai gaw dai hpe n mu lu hkra koi yen lu nga nngai n rai.

YONA 3:2

Shi gaw, “Dai kaba la ai Ninewe mare de sa nna, dai masha ni hpe ngai nang hpe jaw da sai mungga hkaw tsun su,” ngu nna tsun wu ai.

YONA 3:3

Dai rai nna Yona gaw dai Madu a ga madat ai hte masum ya sat lai di ra ai Ninewe mare kaba de sa wa wu ai.

YONA 4:11

Dai re ai mi, tinang a hkra lata hte pai lata hpe pyi n chye ginhka ai masha sen mi mun lahkawng hte yam nga law law nga ai Ninewe mare kaba hpe ngai grau nna lahpawt dum mai ang nga ai!,” ngu nna tsun wu ai.

MIHKA 3:8

Rai ti mung, nye a matu chyawm gaw, dai Madu ngai hpe shi a wenyi hte daru magam n-gun hte jahpring ya nna tara dara ai nyan hpaji hte Israela amyu masha ni shanhte a yubak lam ni hpe tsun dan lu ai share shagan ai myit ni jaw bang ya nga ai.

NAHUM 1:1

Ndai gaw Ninewe hte seng ai mungga rai nga ai, Elkosha mare na Nahum mu ai shingran a lam rai nga ai.

NAHUM 3:19

Na a hkala nba ningma ni hpe tsi tsi lajang ya na, kadai n nga nga ai; na a ningma ni hpe n lu tsi shamai nga ai. Na a hkrat sum mat sai shiga na ai masha yawng hte gaw kabu gara lahpawk dum na mara ai; na a n htum mai ai zingri zingrat ai kaw na kadai wa hprawng lawt lu yu nga sata?

MAHTE 10:18

Nye a majaw nanhte hpe up hkang ai du ni hte hkawhkam ni a man e jeyang na matu dun bang wa ai hkrum na marin dai. Dai rai nna shanhte a man e mung, tara maigan masha ni a man e mung, dai Kabu Gara Shiga hpe tsun dan na ahkang lu na marin dai.

MAHTE 12:41

Ninewe masha ni gaw Yona a hkaw tsun ai ga hpe na nna shanhte a yubak mara ni kaw na myit malai lu ma ai. Dai rai nna Tara Dara ai Nhtoi hta e shanhte rawt nna nanhte hpe mara shagun na marin dai; ngai nanhte hpe tsun made ga, ndai yang e Yona hta grau kaba ai wa nga nga ai.

YAKU 5:4

Nanhte gaw nanhte a yi sun hkauna ni hta amu bungli galaw ai masha ni hpe hpa shabrai mung n jaw myit dai. Shanhte aput angun ai nsen ni hpe madat yu mu! Nanhte a nsi naisi ni hpe dan shinggyin ya ai ni a marawn jahtau ai nsen gaw daru magam rawng ai Madu Karai Kasang a na hta hkrang shang wa sai.

SHINGRAN 18:5

Hpa majaw nga yang, shi a yubak mara ni lamu dep hkra sumpum taw nga ai rai nna, Karai Kasang gaw shi a n hkru n shawp ai lam ni hpe myit dum matsing da nu ai.