YONA 1:16 - Jinghpaw Common Language Bible 2009

¹⁶ Ndai amu a majaw, sanghpaw masha ni dai Madu hpe grai hkrit mat ma ai rai nna shanhte gaw shagu hkungga nawng ya ai hte shi hpe daw jau na matu ga sadi jaw ma ai.

Jinghpaw Hanson Version Bible

¹⁶ Dai re ai majaw dai masha ni gaw Yehowa hpe nachying hkrit hkungga nna, Yehowa hpe hkungga nawng ya let, ga sadi tawn da ma ai.

YONA 1:16 ပူးပေါင်းရင်းမြစ်များ

NINGPAWT NINGHPANG 28:20

Dai shara hpe Yaku gaw dai Madu hpe, “Nye wa a nta de shim lum ai hte ngai bai nhtang wa lu hkra,

NINGPAWT NINGHPANG 8:20

Noa gaw dai Madu a matu tawn hkungri galaw nhtawm, san seng ai yam nga hte ntsa malen u amyu shagu hte hpe la nna tawn hkungri ntsa e, hkum dingnawng wan nat hkungga nawng jau wu ai.

2 HKAWHKAM 5:17

Dai rai nna Naman gaw, “Ndai kumhpaw kumhpa hpe nang n hkap la ai rai yang, ya kaw nna wan nat hkungga rai ti mung, dai Madu hta lai, kaga karai kadai hpe mung n jaw jau na sai majaw aga lawze daw lahkawng ngai hpe jaw dat e. Hpa majaw nga yang ya kaw nna dai Madu hta lai kaga hpara shaje ni hpe shagu hkungga mung, wan nat hkungga ni mung ngai n nawng na nngai.

YOBA 37:24

Masha shagu shi a man e hkrit let tsap nga ai gaw mauhpa amu n rai nga ai; hpaji rawng nngai nga nna tsun ai ni hpe shi hpa n nawn ya wu ai.

SHAKAWN KUNGDAWN 107:22

Shanhte gaw shagu hkungga ni hte shi hpe chyeju shakawn lu na rai mu ai; kabu gara ai mahkawn mangoi ga hte shi galaw dan sai ni yawng hpe tsun hkai dan lu na rai mu ai.

SHAKAWN KUNGDAWN 116:14

Ngai shi hpe ga shaka tawn da ai hte maren, shi a amyu masha ni yawng a hpawng hta, ngai dai hpe shatup na nngai.

SHAKAWN KUNGDAWN 50:14

Chyeju dum shakawn ai gaw Karai Kasang hpe na a shagu hkungga nawng jau ai lam rai nga u ga; Chyahtum Chyalai n-gun rawng ai Madu hpe nang ndat da ai ga sadi yawng hte hpe jaw ya u.

HPAJI NINGLI 5:4

Dai rai nna, Karai Kasang hpe ga sadi jaw ai shaloi, dai hpe lawan lu ai daram lawan nna shatup u. Shi gaw angawk ai wa hpe akyu jashawn ai n rai. Galaw na ngu ga sadi tawn ai amu hpe galaw u.

ESAIA 26:9

Shana e ngai gaw nye a myit masin mahkra hte nang hpe ala nngai; ginding aga hte dai hta nga ai masha ni hpe nang jeyang ai shaloi, shanhte yawng gaw teng man rap ra ai tara hpa rai nga ai hpe sharin la na mara ai.

YEREMIA 5:22

Ngai gaw dai Madu rai nga nngai; nang ngai hpe hpa majaw n hkrit kamyin nga n ni? Nang gaw hpa majaw nye a man e n hkrit gari nga n ta? Ngai gaw panglai hka n lai lu hkra zaibru hpe agrin nga ai lamu ga jarit zawn tawn da ni ai. Panglai hka ni kanawng ti mung, dai hpe lai lu ai n rai; hka leng ni hta wa ti mung shanhte lai di lu ai n rai.

Daniela 6:26

Nye a mungdan ting hta nga nga ai masha shagu hte gaw Daniela a Karai Kasang hpe hkrit kamyin ai hte hkungga lara ang nga ai ngu, ngai hkang da nngai. “Shi gaw ahkrung nga ai Karai Kasang rai nga ai, shi gaw htani htana up hkang na ra ai. Shi a mungdan galoi mung hten run mat na ra ai n rai, shi a daru magam n-gun galoi mung htum mat na ra ai n rai.

YONA 1:10

Yona gaw matut nna dai Madu kaw na shi hprawng mat wa ai lam shanhte hpe tsun dan wu ai. Sanghpaw masha ni hkrit gari mat ma ai hte shi hpe, “Dai gaw hkrit hpa amu langai rai nga a hka!,” ngu nna tsun ma ai.

YONA 1:14

Dai rai nna shanhte gaw dai Madu hpe, “O Madu e, ndai masha wa a asak dan ya ai majaw, anhte hpe ari n jaw mi ga, anhte hpyi nem ga ai! O Madu e, nang gaw ndai amu yawng a matu lit lu nga ndai, dai gaw nang galaw ai amu rai nga ai,” ngu nna jahtau tsun ma ai.

MARKU 4:31

Dai gaw ndai hte bung nga ai. Mungkan hta kaji htum ai nli tum rai nga ai chyinghkrang tum langai mi hpe masha langai mi e la nna ga hta gat dat wu ai.

KASA 5:11

Hpung ting hte dai lam na mana ni yawng nachying hkrit kahpra mat ma ai.