YOELA 3:9 - Jinghpaw Common Language Bible 2009

⁹ “Masha amyu baw ni hpe ndai lam ndau shabra mu: ‘Hpyen majan a matu hkyen mu; nanhte a share ninghkrin ni hpe shaga da mu; nanhte a hpyenla ni hpe shinggyin la nna rawt lung wa manu!

Jinghpaw Hanson Version Bible

⁹ Maigan amyu ni hpe ndai lam tsun dan mu; hpyen majan matu, nhtan di dun mu; share ninghkrin ni hpe jasu mu: hpyen masha ni yawng sit sa nna, lung wa mu ga.

YOELA 3:9 ပူးပေါင်းရင်းမြစ်များ

SHAKAWN KUNGDAWN 96:10

“Dai Madu gaw hkawhkam rai nga ai! Aga hpe ngang ngang kang kang shi gaw da nna, dai gaw shamu shamawt nga ai n rai; shi gaw amyu masha ni hpe teng man ai lam hte tara jeyang na ra ai,” nga nna amyu baw ni yawng hpe tsun mu.

ESAIA 34:1

Masha amyu baw ni yawng a masha ni e, sa marit! Jawm hpawng nna madat mu. Ginding aga hte dai hta shanu nga ai masha shagu hte gaw ndai de sa nna madat la mu ga.

YEREMIA 31:10

Dai Madu gaw, “Masha amyu ni e, nye a ga madat mara mu; nye a mungga hpe sumtsan zunlawng ni de hkaw tsun mu. Ngai gaw nye a amyu masha ni hpe shabra kau nngai, rai ti mung, ngai shanhte hpe bai shinggyin da na nngai, sagu rem ai wa gaw sagu hpung hpe bau rem nga ai zawn, ngai mung shanhte hpe bau rem nga na nngai.

YEREMIA 50:2

“Masha amyu baw ni hpang de shiga tsun shana mu! Dai hpe htawn tsun mu! Masat kumla sharawt mu, shiga ndau shana mu! Dai lam hpe hkum ip da myit! Babelon gaw hkrat sum mat sahka! Shi a Marduk karai daw gamang mat sai! Babelon a hpara sumla ni kaya kahpa hkrum masai; shi a matsat shabat re ai gawkngu sumla ni agrawp ayai mat sai!

YEREMIA 51:11

Dai Madu gaw Babelon mung hpe shamyit kau na matu shatawng shada da nu ai majaw shi gaw Medi hkawhkam ni a myit hpe jasu ya nu ai. Dai gaw shi a Nawku Htingnu hpe jahten shaza kau ya ai a matu matai htang ai lam rai nga wu ai. Gasat na du salang ni gaw, “Nanhte a pala ni hpe mayoi da mu! Nanhte a hpyen ninggang ni hpe jin jin galaw da mu!

YEREMIA 51:27

“Gasat na matu masat dawnghkawn sharawt mu! Pahtau dum dat mu! Shaloi amyu baw ni na lu na mara ai! Babelon hpe gasat na amyu baw ni hpe hkyen da mu! Shi hpe gasat na matu Ararat, Mini, Ashkena mungdan ni hpe tsun mu. Woi gasat ningbaw na dap hpareng wa hpe san da mu. Dinggam-yaw zawn law nna kamawng ai hpyen gumra ni hpe woi lung wa mu.

YEREMIA 6:4

Shanhte gaw, “Yerusalem hpe gasat hkyen manu! Jin jin rai nga mu! Anhte shani chyingtung e gasat na ga ai!,” ngu nna tsun na mara ai. Rai ti mung shanhte gaw, “Nau hpang hkrat mat sai, nhtoi gaw ganoi lai wa magang nga sai, shana maga de na shingnip ni galu nga ai.

EZEKELA 38:17

Dai aten du ai shaloi, Israela hpe htim gasat na matu, amyu langai mi hpe ngai shangun dat na ngu nna nye a shangun ma ni rai nga ai Israela myihtoi ni hpe moi prat kaw na ngai tsun ndau da nga sai shingran gaw, nang nan rai nga ndai.” Tsaw Htum ai dai Madu nan tsun nu ai.

EZEKELA 38:7

Jin jin rai nga na matu mung, shi a hpyen hpung ni yawng shi a hkang da ai ga hta jin jin rai nga na matu shi hpe tsun u.

MIHKA 3:5

Nye a amyu masha ni hpe masu hkalem ai myihtoi ni gaw shanhte hpe jaw ya ai ni hpe ngwi pyaw sim sa lam lu na ga sadi jaw ma ai, rai ti mung jaw ya ai lam n nga ai ni a matu gaw majan hte jahkrit shama hkrum nga ai. Dai zawn re ai myihtoi ni hpe dai Madu gaw,

HAGI 2:7

Ngai gaw maigan amyu mahkra hpe jahten kau nna shanhte a arung arai ni ndai shara de la shawn ai hkrum na mara ai. Nawku Htingnu gaw sut rai ni hte hpring na ra ai.

ZEHKARIA 14:2

Dai Madu gaw Yerusalem hpe gasat na matu masha amyu baw ni hpe jahpawng da na ra ai. Dai mare gaw gasat la kau ai hkrum nna, nta ni hpya katut nna numsha ni mung roi rip hkrum na mara ai. Amyu masha ka-ang hkup hte gaw bawng dung mat wa ti mung, naw ngam nga ai ni mahtang mare kaw nna tsan tsan de n woi la hkrum nga ma ai.

ZEHKARIA 14:3

Dai hpang, shi gaw lai sai aten ni hta majan gasat gala nga ai hte maren dai Madu pru sa nna masha amyu baw ni hpe gasat na mara ai.