YOELA 3:4 - Jinghpaw Common Language Bible 2009

⁴ “Turu, Sidon hte Hpilisti ginwang ni yawng hte e, nanhte ngai hpe hpa galaw mayu nga myit ni? Nanhte gaw lam lama ma a majaw ngai hpe matai htang mayu myit ni? Dai zawn galaw mayu ai rai yang, ngai nanhte hpe alawan matai htang na made ai!

Jinghpaw Hanson Version Bible

⁴ Gaja wa, Turu, Sidon hte Hpilisti ginwang mungdaw ni e, nanhte ngai hte hpa seng a ta? nanhte ngai hpe matai dawp na rai myit ni? Ngai hpe matai dawp yang, nanhte a matai dawp ai lam, ngai nanhte a baw ntsa e alawan akajawng sha nhtang dat na nngai.

YOELA 3:4 ပူးပေါင်းရင်းမြစ်များ

2 HKAWHKAM LABAU 21:16

Hpilisti hte Arab masha nkau mi gaw Ehtiopi masha ni nga ai hkin-gau mayan makau hkan nga nga ma ai. Dai Madu gaw Yehoram hpe gasat ninghkap na matu shanhte hpe shadut dat wu ai.

ESAIA 14:29

Hpilisti masha ni e, nang hpe kayat ai hkawn daw mat sai, rai ti mung nanhte kabu lu na lam hpa mung n nga nga ai. Lapu mi si yang, de a shara hta grau sawng ai langai du nga ai. Lapu a di gaw pyen chye ai baren hpe hpum shakraw nga ai.

ESAIA 34:8

Ndai aten gaw dai Madu Ziun hpe hkye mawai la ai hte de a gumlau hpyen ni hpe matai htang ai aten rai na ra ai.

ESAIA 59:18

Shi gaw shi a gumlau hpyen ni hpe shanhte galaw sai amu hte maren ari jaw na ra ai, sumtsan mungdan hkan nga ai ni hpe du hkra pyi ari jaw na ra ai.

YEREMIA 47:1

Egutu hkawhkam wa gaw Gaza mare hpe garai n shang gasat kau yang, Hpilisti masha ni hte seng nna dai Madu ngai hpe ning ngu tsun wu ai.

YEREMIA 47:4

Hpilisti hpe shamyit kau na matu mung, Turu mung hte Sidon mung kaw na naw ngam nga ai karum la lam yawng hpe dan di kau na aten gaw du nga sai. Dai Madu ngai nan Hpilisti masha ni hpe mung, Kreti zunlawng hka kau hkan na du sa ai ni yawng hpe mung, jahten shaza kau na nngai.

YEREMIA 51:6

Babelon a shut hpyit ai yubak a majaw sat kau ai n hkrum myit ga, Babelon mung kaw nna hprawng mat wa mu! Ngai gaw shanhte hkam la ging ai ari hkam la na matu nye a matai hpe ya dawp na nngai.

YOELA 2:10

Shanhte rawt lung wa yang, ginding aga ashun awam nga ai; sumsing lamu gari ashun nga ai. Ajan hte shata sin mak mat nna, shagan ni loi mi pyi n htoi mat ma ai.

YOELA 2:2

Dai nhtoi gaw nsin sin nna, sin mak nhtawm chyang htat ai hte sumwi mung ai shani rai na ra ai. Bum ni a ntsa e nsin ka-up nga ai zawn n-gun ja ai dinggam-yaw hpyen hpung ni rawt lung wa nga ai. Dai zawn re ai gaw shawng de galoi mung n byin yu, htawm hpang de mung, galoi mung bai byin sana ra ai n rai.

MAHTE 11:21

“O, Kurazin e, nang dingnye lu ndai! O, Betsaida e, nang dingnye lu ndai! Hpa majaw nga yang, nan hta dan ai mauhpa magam bungli ni hpe Turu hte Sidon mare yan hta dan yu taw gaw moi moi me lachyit nba hpun, dap hta galwi rai nna myit malai lu boi na masai.

MAHTE 11:22

Dai majaw, nan hpe ngai tsun nngai gaw, dai tara dara ai nhtoi hta e, Turu hte Sidon yan gaw, nan hta naw chyamai na mara ai.

LUKA 10:13

“Kurazin e, na a matu gade hkrithpa kaba rai na rai nga a hka! Betsaida e, na a matu gade hkrithpa kaba rai na rai nga a hka! Nan hta dan ai lamik kumla ni hpe Turu hte Sidon mare hta lama dan yu taw gaw, dai kaw na masha ni gaw, moi moi me lachyit nba hpun ai hte shanhte a ntsa e dap hte bun la rai nna myit malai lu boi na masai.

LUKA 10:14

Tara Dara ai Nhtoi hta Karai Kasang gaw Turu hte Sidon mare yan hpe nan hta grau nna matsan dum lama ai lam madun na ra ai.

LUKA 18:7

Karai Kasang gaw, shi hpe shani shana karum la na matu hpyi jahtau nga ai, shi a lata la ai amyu masha ni a maga de, tara n dara ya ai nga na wu ni?

KASA 9:4

Shi mung ga e kadawng taw mat ai hte, “Shawlu, Shawlu! Nang ngai hpe hpa rai zingri nga n ta?,” nga nna shi hpe tsun nga ai nsen langai mi na wu ai.

TARA JAHPRANG 32:35

Dai Madu gaw shanhte hpe matai htang nna, ari jaw na rai wu ai; shanhte hkrat sum ai aten du wa nna, kyindut hkrum na nhtoi ni wa nga sai.

2 HTESALONI 1:6

Karai Kasang gaw tara ding ai lam galaw na ra ai rai nna, nanhte hpe nni nkri hkrum shangun ai ni a ntsa e nni nkri bai htang jaw na ra ai.

TARA AGYI 11:12

Yephta gaw Amon hkawhkam hpang de kasa ni hpe shangun dat nhtawm, “Anhte hte hpa ra rawng nga a ta? Hpa majaw nang nye a mungdan hpe gasat la mayu n ta?,” ngu nna san wu ai.