YOELA 3:11 - Jinghpaw Common Language Bible 2009

¹¹ Grup yin masha amyu baw yawng hte e, alawan sa wa nna, kadit e jahpawng nga mu,’” ngu nna tsun wu ai. O Madu e, shanhte hpe gasat na matu na a hpyen hpung dat dat u.

Jinghpaw Hanson Version Bible

¹¹ Grup yin e nga ai maigan amyu ni yawng hte e, alawan sa nna, hpawng nga mu: Yehowa e, na a share ninghkrin ni hpe dai de yu wa shangun u.

YOELA 3:11 ပူးပေါင်းရင်းမြစ်များ

SHAKAWN KUNGDAWN 103:20

Chyahtum Chyalai n-gun hte hpring nga nna Madu a hkang da ai ga ni hpe madat mara hkan sa let, shi tsun ai ga ni hpe madat mara nga ai lamu kasa ni e, shi hpe shakawn kungdawn nga mu.

ESAIA 10:34

Dai Madu gaw shanhte hpe maling kata na hpun ni hpe nwa hte kran kadang kau ai hte tsawm ai Lebanon hpun ni hpe pyi kran daw kau ai zawn shanhte hpe kran kadawng kau na ra ai.

ESAIA 13:3

Dai Madu gaw chyoi pra ai majan gasat na matu mung, shi masin yu pawt nga ai ni hpe ari jaw na matu mung, arawng sadang ninglaw ai ni hte kam ging sai hpyenla ni hpe shaga shapraw la nu ai.

ESAIA 37:36

Dai Madu a lamu kasa langai gaw Asuri ni nga ai dap de sa nna hpyenla 185,000 hte hpe sat kau wu ai. Hpang shani jahpawt jau jau aten hta, shanhte yawng gaw dai shara e si taw nga ma ai.

YOELA 3:2

Ngai gaw masha amyu baw ni yawng hpe jahpawng da nna, shanhte hpe Tara Jeyang ai Kadit de woi sa wa na nngai. Dai yang e, nye a amyu masha ni hpe shanhte galaw manu ai yawng mayawng a matu ngai shanhte hpe jeyang na nngai. Shanhte gaw Israela amyu masha ni hpe maigan mung de shaden kau nna nye a mungdan Israela hpe karan kau manu ai.

MIHKA 4:12

Rai ti mung, dai masha amyu baw ni gaw dai Madu a myit kraw kata hta hpa baw myit mang nga ai lam hpe n chye nga ma ai. Hkauling hpe kabye shinggyin la ai zawn shanhte hpe ari jaw na matu shinggyin hpawng da ai lam hpe shanhte myit n hkawn nga ma ai.

ZEHPANI 3:8

Dai Madu gaw, “Sha ala nga mu,” ngu nna tsun wu ai. Masha amyu baw ni hpe mara jaw na matu ngai rawt sa wa ai nhtoi du hkra ngai hpe ala nga mu; Masha amyu baw ni hte hkawhkam mungdan ni nye a masin kahtet ai hpe shanhte hkam sha lu na matu shanhte hpe zup hpawng shangun na nga, ngai shatawng shada da nngai. Nye a sindawng kahtet ai masin a majaw ginding aga ting jahten kau hkrum na ra ai.

2 HTESALONI 1:7

Madu Yesu gaw Karai Kasang hpe n dang kau ai ni hte anhte a Madu Yesu a Kabu Gara shiga hpe n madat n mara ai ni hpe ari jaw na matu shi a n-gun atsam rawng ai lamu kasa ni hte rau wan shinglet hte hpawn sumsing lamu de nna dan pru ai shaloi Karai Kasang gaw nni nkri hkrum hkra nga ai nanhte ni hte rau, anhte hpe mung htingtsi hkyamsa lam lu la shangun na ra ai.

SHINGRAN 19:14

Sumsing lamu na hpyen luksuk ni mung, gumra ahpraw jawn nna san seng hpraw tu ai lachyit nba bu hpun let, shi hpang e hkan nang ma ai.