YOELA 2:8 - Jinghpaw Common Language Bible 2009

⁸ kadai mung manang wa hpe n hkra ai sha tinang lam hkan ma ai. Shanhte gaw hpyen dap hku dumbrat gamawng hkawm ma ai rai nna, hpa mung shanhte hpe jahkring da lu ai n rai.

Jinghpaw Hanson Version Bible

⁸ Kadai mung manang wa hpe n hkra ai; tinang lam tinang hkan hkawm ma ai: ri nhtu hkra timung, hkala nba n hkrum ma ai.

YOELA 2:8 ပူးပေါင်းရင်းမြစ်များ

2 HKAWHKAM LABAU 23:10

Hkawhkam wa hpe makawp maga na nga, Nawku Htingnu a man grup grup yawng maga de nhtu lang ai masha ni hpe jahkrat tawn da wu ai.

2 HKAWHKAM LABAU 32:5

Hkawhkam wa gaw bungli gram lajang nna de a ntsa e langchyi ni gap ai hte shinggan bunghku ni galaw let mare a dahpran shara ni hpe shangang shakang da wu ai. Dai sha n-ga, shi gaw Yerusalem mare dingsa daw a sinpraw maga ga jahpring bang da ai ntsa e galaw da ai dahpran shara ni hpe mung gram lajang da wu ai. Shi hta galaw tawn da sai nri ni hte ninggang ni law law nga nga ai.

NEHEMIA 4:17

Gaw gap arung arai hpai ai ni pyi lata maga mi hte galaw nna, kaga maga hta laknak langai ngai lang da shajang ma ai rai nna,

NEHEMIA 4:23

Ngai mung, nye a kanawn manang ni mung, nye a shangun ma mung, ngai kaw hkan nang ai sin langa mung, shana e pyi bu hpun palawng n raw ga ai. Anhte yawng tinang a lata hta laknak lang da nga ga ai.

YOBA 33:18

Shi gaw shanhte hpe jahten shaza kau hkrum shangun ai n rai; si hkrung si htan a lata kaw nna shi shanhte hpe hkye la nga ai.

YOBA 36:12

Rai ti mung, dai hku n rai yang shanhte gaw angawk angak rai si mat wa nhtawm, katsan ga kata de rap kawt mat wa na mara ai.

GA SHAGAWP 30:27

Dinggam-yaw: shanhte hta hkawhkam tai ai wa n nga ti mung, shanhte mahkra rau pyen kanawng hkawm lu ma ai.

Shawlumon A Mahkawn Ga 4:13

dai yang hkan e hkai bawng ni tu kaba wa nga ai. Dai ni gaw hkainu si hpun tu ai namsi sun zawn kaba wa nna kaja htum ai asi ni si nga ai. Nardu hte kayau ai hena hpun,

ESAIA 5:27

Shanhte hta na langai mi mung hki ba ai n rai; shanhte hta na langai mi mung ahtu kataw ai n rai. Shanhte gaw galoi mung yup nga, yup pyaw ai n rai. Shingkyit langai mung raw mat ai n rai; kyepdin sumri langai mung di mat ai n rai.

YOELA 2:7

Shanhte gaw share ninghkrin ni zawn gasat ma ai; shanhte gaw hpyenla ni zawn mare bunghku ni de lung ma ai. Shanhte yawng gaw lam n shai ai sha, dingyang ganawng lung wa ma ai

YOELA 2:9

Shanhte gaw mare de kanawng matsut lung wa nna, bunghku ni a ntsa hkan kagat hkawm ma ai; dum nta ni a ntsa de lung nhtawm lagu lagut ni zawn hkuwawt hku shang bang ma ai.