YOELA 2:5 - Jinghpaw Common Language Bible 2009

⁵ Shanhte gaw bum pungding ntsa hkan gumtawng hkawm nga yang, hpyen leng ni zawn nsen sharat nga ma ai; shanhte gaw tsingdu jahkraw wan hkru ai nsen zawn ngoi ma ai. Shanhte gaw hpyen gasat na matu shajin da ai hpyen hpung kaba zawn tsap dingren nga ma ai.

Jinghpaw Hanson Version Bible

⁵ Dai ni gaw, bum pungding ntsa e, ngoi ai hpyen leng zawn, yi hku hkru ai wan shinglet zawn, hpyen htim na matu hkyen tawn ai n-gun ja ai amyu zawn, wu nna, gumtawng shingtawt nga ma ai.

YOELA 2:5 ပူးပေါင်းရင်းမြစ်များ

YOBA 39:20

Dinggam-yaw ni zawn shi a sharat ai nsen gaw masha ni hpe jahkrit kajawng shangun ai hte shanhte hpe gumtawng shangun lu nit ni?

PRU MAT 5:12

Dai rai nna amyu masha ni gaw yihku tam bram la na nga, Egutu mung ting de pru hkawm nga ma ai.

ESAIA 30:30

Dai Madu gaw shi a daru magam nsen hpe masha shagu hpe na la shangun nna, shi a masin kahtet ai n-gun hpe hkam sha shangun na ra ai. Dai shara hta wan hkru ai, marang kaba htu ai, sin marang hkrat ai, hte marang hka hpungtun ni hte hpring na ra ai.

ESAIA 5:24

Dai majaw, Chyahtum Chyalai N-gun rawng ai dai Madu Israela a chyoi pra ai Karai Kasang gaw anhte hpe sharin da ya mi ai hpe nang ningdang kau nga ndai majaw yihku hte tsingdu jahkraw ni nyip mat nna wan hta hkru mat ai zawn na a ru ni tsam mat nna na a nampan pu ni hkraw nyui mat ai hte poi mat wa na ra ai.

YEREMIA 50:42

Shanhte gaw shanhte a ndan ni hte nhtu ni hpe shaw da manu ai; shanhte gaw gumshem ai hte matsan n chye dum ma ai. Shanhte gumra ni jawn sa wa ma yang, dai nsen gaw panglai hka wu kadu ai zawn rai nga ai. Shanhte gaw Babelon hpe gasat na jin jin rai nga masai.

MAHTE 3:12

Shi a lata hta mam yit jasan na matu hkuwawn shi lang da nga ai. Shi a mam chyarang hpe shi yit jasan nhtawm, shi a mam gu hpe gaw mam dum hta shinggyin bang da nna, mam nsan hpe gaw galoi mung n krip ai wan hta nat kau na ru ai, ngu mu ai.

SHINGRAN 9:9

Shanhte a sinda ni hpe hpri sinda magap zawn san ai hte magap tawn da nga ai. Shanhte a singkaw ni kahprap ai nsen gaw, hpyen gasat htim ai gumra leng law law wu ngoi ai nsen hte bung nga ai.