YOELA 2:32 - Jinghpaw Common Language Bible 2009

³² Rai ti mung, karum la na matu dai Madu hpe hpyi jahtau ai ni yawng hkye hkrang la hkrum na mara ai. Dai Madu tsun da sai hte maren, ‘Yerusalem mare na nkau mi lawt lu na mara ai; dai ni gaw ngai lata san da hkrum ai ni rai nna hkrung nga lu na mara ai,’”

Jinghpaw Hanson Version Bible

³² Dai shaloi e, Yehowa a mying ningsang hpe gang shaga ai wa kadai mung, mawai hkrang la ai kaw du na ra ai: kaning rai nme law, Yehowa tsun da sai hte maren, Ziun bum hte Yerusalem mare hta e, shanglawt ni nga nga na mara ai; naw ngam nga ai ni hta, Yehowa shaga la ai ni, lawm na mara ai.

YOELA 2:32 ပူးပေါင်းရင်းမြစ်များ

NINGPAWT NINGHPANG 4:26

Shet mung shadang sha langai lu ai rai nna shi hpe Enusha ngu nna shamying wu ai. Dai aten kaw nna nawku daw jau ai hta dai Madu a chyoi pra ai mying ningsang hpe amyu masha ni lang hpang wa masai.

SHAKAWN KUNGDAWN 50:15

Ru tsang hkrum ai shaloi, ngai hpe shaga e, ngai nang hpe hkye hkrang la na nngai; shing rai, nang ngai hpe shakawn na rin dai,” nga ai.

ESAIA 10:22

Israela amyu masha ni gaw ya rai tim panglai hkin-gau na zaibru tum ni daram law htam nga ma ti mung, ngam ai loi mi chyu sha nhtang wa na mara ai. Sharun jahten ai gaw amyu masha ni a matu mahkawng da ya nga ai, dai gaw hpring tup hkra hkam la lu na mara ai.

ESAIA 11:11

Dai nhtoi du ai shaloi, dai Madu gaw shi a daru magam n-gun hpe kalang mi bai lang nna, Asuri, Egutu, Pahtro, Ehtiopi, Elam, Babelon hte Hamat mung, panglai hkin-gau mayan hte panglai zunlawng ni hkan naw ngam nga ai shi a amyu masha ni hpe buga de woi wa na ra ai.

ESAIA 11:16

Israela amyu masha ni Egutu mung na pru wa yang shanhte a kaji kawa ni a matu masat dingsat tai ya ai zawn, Asuri mung hta naw ngam nga ai Israela amyu masha ni a masat dingsat a matu nmaw lam kaba dai shara hta nga nga na ra ai.

ESAIA 4:2

Dai Madu gaw hpun lawn hte hpun shagu hte hpe lamu ga hta tu kaba wa shangun ai hte tsawm htap shangun na ra ai. Asak naw hkrung nga ai Israela amyu masha ni gaw dai lamu ga na shapraw ya ai nsi naisi a majaw kabu awng sharawng ai hte gumrawng wa na mara ai.

ESAIA 46:13

Ngai gaw ni sa wa nga ai awng padang nhtoi hpe la sa wa nga nngai, dai gaw tsan nga ai n rai. Nye a padang ninglaw gaw htingnai nga na n rai. Ngai gaw Yerusalem hpe hkye la ai hte dai yang e Israela a matu arawng sadang tawn da ya na nngai.”

YEREMIA 31:7

Dai Madu gaw, “Amyu baw ni hta galu kaba htum ai Israela a matu kabu gara ai hte mahkawn mangoi nga mu. ‘Dai Madu gaw shi a amyu masha ni hpe hkye hkrang la nu ai hte, naw ngam nga ai ni hpe mawai la nu ai majaw, mahkawn shakawn kungdawn nga mu.’

YEREMIA 33:3

“Ngai hpe shaga e, ngai nang hpe htan ya na nngai; nang hpa mung n chye lu ai mauhpa amu ni hte mau kajawng na zawn re ai amu ni ngai nang hpe tsun dan na de ai.

AMO LAIKA (AMOS) 9:8

Tsaw Htum ai dai Madu ngai gaw yubak mara hte hpring ai ndai Israela mungdan hpe azi yu nga nngai, ngai gaw dai mungdan hpe ginding aga a man kaw na jahten kau na nngai. Rai ti mung, ngai gaw Yaku a amyu matu mara yawng hpe jahten shaza kau na nngai n rai.

OBEDIA 1:17

“Rai ti mung Ziun Bum ntsa e, nkau mi hprawng lawt lu nna, dai shara gaw chyoi pra ai shara tai na ra ai. Yaku a amyu masha ni gaw shanhte a ahkaw ahkang hte maren, dai lamu ga hpe madu la lu na mara ai.

OBEDIA 1:21

Yerusalem na awng padang lu ai masha ni gaw Edom hpe gasat nhtawm dai mung hpe up hkang na mara ai. Dai Madu shi nan hkawhkam tai na ra ai.”

MIHKA 5:3

Dai rai nna, shinggyim machyi ai num gaw shi a kasha shangai ai aten du hkra dai Madu gaw shi a amyu masha ni hpe shanhte a gumlau hpyen ni a lata de ap kau na ra ai. Dai hpang, bawng dung nga ai shi a mungdan masha hpu nau ni hte shanhte a amyu masha ni bai galung shinggyin wa na mara ai.

ZEHKARIA 13:9

Ngai gaw dai naw hkrung nga ai htam mi hpe wan hte jasan jaseng la ai gumhpraw zawn shanhte hpe jasan jaseng nna chyam yu na nngai; ngai gaw aja hpe chyam yu ai zawn shanhte hpe chyam yu na nngai. Dai shaloi shanhte ngai kaw hpyi wa nna, ngai mung shanhte hpe htan ya na nngai. Shanhte gaw nye a amyu masha ni rai nga ma ai lam ngai shanhte hpe tsun dan na nngai, ngai gaw shanhte a Karai Kasang rai nga nngai hpe shanhte yin la na mara ai,” ngu nna tsun ai.

YAWHAN 10:16

Ndai wulawng hte n seng ai kaga sagu ni mung ngai naw lu nngai, dai sagu ni hpe mung ngai naw woi jashawn la lu na rai nna dai ni mung nye a nsen madat na mara ai. Shaloi sagu hpung langai sha, sagu rem wa langai sha, rai na ra ai.

YAWHAN 4:22

Nanhte Samari masha ni gaw, tinang kadai hpe nawku nga ai hpe hkrak n chye myit dai; anhte Yuda masha ni chyawm gaw, tinang chye ai wa hpe nawku ga ai, hpa majaw nga yang, hkye hkrang la ai gaw Yuda masha ni kaw nna she du sa ai rai nga ai.

KASA 15:17

Shaloi she, ngam nga ai masha amyu ni yawng hte, nye a amyu masha ni tai na matu, ngai shaga la ai maigan masha ni nlang hte gaw ngai hpang de sa wa na mara ai.

KASA 2:39

Hpa majaw nga yang, ga ndat dai gaw, nanhte hte mung nanhte a kashu kasha ni hte mung sumtsan ga e nga ai anhte a Madu Karai Kasang shaga la ai masha nga manga hte hte mung seng nga ai,” ngu nna tsun dan mu ai.

ROMA 11:26

Shing rai Israela masha ni yawng hte gaw hkye hkrang la ai hkrum na mara ai. Dai hte maren Chyum Laika hta, “Ziun kaw na hkye hkrang la ai wa paw pru na ra ai rai nna Yaku a aru arat ni kaw na n hkru n shawp ai lam mahkra hte hpe yeng seng kau na ra ai.

ROMA 11:5

Dai hte maren, ndai prat e mung, Karai Kasang a chyeju majaw lata la hkrum ai masha kau chyen mi naw ngam nga ai.

ROMA 11:7

Dai rai yang gaw kaning ngu tsun na rai ta? Israela amyu masha ni gaw tinang tam ai hpe n mu ma ai lam dan leng nga ai. Karai Kasang e lata la hkrum ai ni nkau mi sha mu lu ma ai, ngam ai ni gaw Karai Kasang a saw shaga ai nsen hpe n na ma ai.

ROMA 9:24

Hpa majaw nga yang anhte gaw Karai Kasang e shaga la sai masha ni rai nna Yuda ni hta na sha n rai, maigan amyu ni hta na mung rai nga ai.

ROMA 9:27

Israela amyu a lam Esaia jahtau tsun ai gaw, “Israela kashu kasha ni gaw nammukdara makau na zaibru zawn law ma timung, shanhte hta na kau chyen chyu sha hkye hkrang la ai hkrum na mara ai.

1 KORINHTU 1:2

Korinhtu mare na Karai Kasang a Hpung hta lawm nga ai ni hte, shara shagu hkan na, anhte hte shanhte a Madu rai nga ai Madu Yesu Hkristu hpe nawku daw jau nga ai Hkristu Yesu hta e, Karai Kasang a chyoi pra ai amyu masha tai na matu shaga la hkrum ai ni yawng hpang de ga shana dat ga ai.

HEBRE 12:22

Nanhte chyawm gaw Sina Bum a malai Ziun Bum hte lamu kasa mun sen nga ai ahkrung nga ai Karai Kasang a mare ngu ai sumsing lamu na Yerusalem mare de du nga manit dai.