YOELA 2:30 - Jinghpaw Common Language Bible 2009

³⁰ “Dai nhtoi hta sumsing lamu hta mung, ginding aga ntsa e mung sadi jaw ai sai hka, wan hte wan hkut sumwi ni hpe ngai madun na nngai.

Jinghpaw Hanson Version Bible

³⁰ Sumsing lamu hta e mung, ginding aga ntsa e mung, mauhpa amu ngu ai, asai, awan hte wan hkut shadaw hte hpe, ngai madun na nngai.

YOELA 2:30 ပူးပေါင်းရင်းမြစ်များ

NINGPAWT NINGHPANG 19:28

Sodom hte Gomora mare ni hte kadit ting hpe shi mada yu wu yang, wan htung kaba kaw na pru ai wan hkut zawn ga kaw nna mawng lung nga ai hpe mu lu wu ai.

Shawlumon A Mahkawn Ga 3:6

Mura, lawban hte hpaga ga ai ni dut ya ai manam pyaw ai baw amyu myu gaw, wan hkut shadaw zawn zaibru jang na pru wa ai gaw hpa rai nga a ta?

YEREMIA 4:28

Ginding aga gaw sharung shayawt nna; sumsing lamu gaw sin mak mat na ra ai. Dai Madu gaw shi tsun nu ai ga hpe shi a myit hta jashai kau na ra ai n rai. Shi gaw shi a daw dan ai amu hpe galaw nu ai, bai dawm la kau na ra ai n rai.

ZEHKARIA 14:6

Dai aten du jang, dai yang e galoi mung katsi nna hkyen hkrat na ra ai n rai.

MAHTE 24:29

“Bai, dai ru tsang ai nhtoi ni a hpang kalang ta nan jan gaw nip mat wa nna, shata mung n htoi mat na ra ai; shagan ni mung lamu de nna di hkrat mat na mara ai rai nna, lamu gang hkau na n-gun atsam ni gaw tinang a hkawm kayin nga ai lam ni kaw na htawt kamawng kau ai hkrum na mara ai.

LUKA 21:11

Hkrit hpa nnang nawn kaba ni mung, hkuwa kaba ni mung, shara shagu hta ana zinli ni mung byin na ra ai, lamu de na laklai ai hkrithpa arai ni hte lamik kumla kaba mung, pru na ra ai.

YAWSHU 8:20

Ai masha ni shanhte a mare hpe kayin yu ma yang, lamu de wan hkut dingchyung rai lung wa ai hpe shanhte mu ma ai. Bai hprawng mat wa masu ai prang yang de na Israela amyu masha ni mung shanhte hpe nhtang htim gasat ma ai majaw shanhte a matu hprawng lawt na lam n nga nga malu ai.

SHINGRAN 18:18

dai mare hpe hkru kau ai wan shinglet kaw na wan hkut hpe mu yang, shanhte gaw, “Galoi mung ndai mare daram galu kaba hkik hkam ai mare kaga mi n nga yu sai!,” nga nna jahtau ma ai.

SHINGRAN 18:9

Shi hte hpye ai amu galaw nna sawse lawklek ngang kayut ai ga ntsa na hkawhkam ni gaw, dai mare hkru ai wan kaw na pru ai wan hkut hpe mu ma ai shaloi, hkrap ngu hkrap ngoi sharung shayawt na mara ai.

SHINGRAN 8:7

Ya, shawng na lamu kasa gaw shi a pahtau dum dat wu ai: Shaloi asai hte gayau ai sin hte wan ga ntsa de htu ru hkrat wa ai; dinghta ga htam masum hta na htam mi hkru mat wa ai; nam maling hpun ni mung, tsit lali ai tsingdu yawng hte mung, htam masum hta na htam mi hkru mat wa ai.

TARA AGYI 20:38

Israela a dap dung luksuk hte makoi lagyim nga ai masha ni mahtang kumla langai lajang da manu ai rai nna dai mare kaw na sumwi zawn re ai wan hkut kaba lung wa ai hpe shanhte mu ai shaloi,

TARA AGYI 20:40

Dai hpang masat kumla gaw dan pru wa ai hte mare na wan hkut sumwi gaw lamu de dingchyung rai lung hpang wa nga ai. Shing rai nga yang, Benyamin amyu matu ni shingdu de kayin yu mu ai shaloi mare ting wan numli ni mawng lung nga ai hpe yu mau nga ma ai.