YOELA 2:26 - Jinghpaw Common Language Bible 2009

²⁶ Ya chyawm gaw, nanhte sha na lusha law law lu nna, hkru hkru kat kat sha lu na rai manit dai. Nanhte a matu mauhpa amu galaw ya sai dai Madu nanhte a Karai Kasang hpe shakawn kungdawn mu. Nye a amyu masha ni gaw galoi mung n kaw n law bai di hkrum na masai n rai.

Jinghpaw Hanson Version Bible

²⁶ Shaloi nanhte gaw lusha law nna, hkru hkru kat kat sha let, nanhte hte mauhpa amu galaw ai, nanhte a Karai Kasang Yehowa a mying ningsang hpe shakawn kungdawn na marin dai; nye a amyu masha ni mung, htawm hpang de kaya kahpa galoi n hkrum na masai.

YOELA 2:26 ပူးပေါင်းရင်းမြစ်များ

NINGPAWT NINGHPANG 33:11

Na a matu ngu nna ngai la wa ya ai ndai kumhpa hpe chyeju hte hkap la ya e; Karai Kasang mung ngai hpe matsan dum la nna, ngai hta ra ai lam magup hpe jaw ya ni ai,” ngu nna tsun wu ai. Yaku mung shi hkap la ai aten du hkra a shadut nga wu ai.

NEHEMIA 9:25

Na a amyu masha ni gaw bunghku kum ai mare ni, ga sau rawng ai lamu ga, sut gan hpring hkra rawng ai dum nta ni, htu da chyalu hka htung ni, tsanlun hpun ni, namsi hpun ni, hte sabyi sun ni hpe zing la nga ma ai. Shanhte gaw sha mayu ai mahkra sha ai hte hpum wa ma ai; shanhte gaw nang jaw ya ai mai kaja ai arung arai yawng a majaw kabu gara nga ma ai.

SHAKAWN KUNGDAWN 103:5

Shi gaw nye a prat hpe mai kaja ai hte shakat ya ai majaw, ngai gaw galang zawn ram prat bai pra nna n-gun ja nga nngai.

SHAKAWN KUNGDAWN 116:7

Nye a myit masin e, dai Madu gaw nang hpe mai kaja ai chyeju madun dan nit dai majaw, kam hpa nga u.

SHAKAWN KUNGDAWN 13:6

Madu e, nang gaw ngai hta mai kaja nga nit dai majaw; ngai nang hpe mahkawn mangoi nga na nngai.

SHAKAWN KUNGDAWN 22:26

Matsan mayan masha ni gaw shanhte ni ra ai made, sha lu na mara ai; Madu kaw du sa ai ni shi hpe shakawn na mara ai. Shanhte gaw htani htana ngamu ngamai nga mu ga law!

SHAKAWN KUNGDAWN 37:19

Yak hkak hkrum ai shaloi nni nkri hpe shanhte hkam sha na mara ai n rai; hku hku ai aten hta mung, shanhte gaw ra kadawn ai lam n nga hkra, hkam la lu na mara ai.

SHAKAWN KUNGDAWN 67:5

O Karai Kasang e, masha amyu baw ni yawng nang hpe shakawn mu ga; masha amyu baw ni yawng hte mung nang hpe shakawn mu ga!

SHAKAWN KUNGDAWN 72:18

Madu Israela a Karai Kasang hpe shakawn mu! Shi chyu sha ndai mauhpa magam bungli ni hpe galaw nga ai.

GA SHAGAWP 13:25

Ding hpring ai masha ni hkru hkru kat kat sha lu nga ma ai; tara n lang ai ni gaw tut nawng e, kawsi nga ma ai.

Shawlumon A Mahkawn Ga 5:1

Nye a nja jan, nye a num nnan e, ngai gaw nye a sun de shang ni ai. Ngai gaw manam pyaw ai namji namya ni hte mura ni hpe shinggyin la nngai; lagat ntsin hte gitbaw hpe ngai sha nna, sabyi ntsin hte ngachyu hpe ngai lu nga nngai. Tsaw ra ni e, nanhte gaw tsaw ra myit hte lu nang mat ai aten du hkra lu lu sha sha rai nga mu!

ESAIA 25:1

Madu e, nang gaw nye a Karai Kasang rai nga ndai; Ngai nang hpe shagrau na nngai, na a mying nsang hpe kungdawn na nngai. Nang gaw mauhpa amu ni hpe galaw nit dai; moi kaw nna nang galaw ai yaw shada lam ni hpe nang kangka ai hte galaw da nit dai.

ESAIA 29:22

Dai rai nna, Abraham hkrum sha ai tsin-yam tsindam kaw na hkye mawai la ai dai Madu Israela a Karai Kasang gaw, “Nye a amyu masha ni e, nanhte gaw kaya kahpa galoi mung hkrum sha sana myit dai n rai, nanhte a myi man ni galoi mung kaya kahpa hte sum sana myit dai n rai.

ESAIA 45:17

Rai ti mung Israela gaw dai Madu a majaw hkye hkrang la hkrum nga sai, Israela a awng padang gaw htani htana agrin nga ai; Israela a amyu masha ni gaw galoi mung kaya kahpa hkrum na ma ai n rai.’”

ESAIA 49:23

Hkawhkam ni gaw na a matu kawa ni zawn tai na mara ai; hkawhkam jan ni gaw kanu ni zawn tai na mara ai. Shanhte gaw na a man e gum dagup ai hte nang hpe shagrau sha-a na mara ai; shanhte gaw shagrit shanem ai hte nang hpe hkrit hkungga lam madun na mara ai. Dai hpang nanhte gaw ngai nan dai Madu rai nga nngai hpe chye na marin dai; nye a karum la lam ala nga ai ni kadai mung myit daw hten ai hkrum na ra ai n rai.”

ESAIA 54:4

Hkum hkrit et-nang gaw kaya kahpa bai hkrum na ra ai n rai; nang gaw shagrit kau hkrum na n rai. Nang gaw ram prat na madu jan zawn na a sadi n dung ai lam hpe mung, gaida jan zawn na a myit chyum myit htum garen gari ai lam hpe mung malap kau na rai ndai.

ESAIA 55:2

Lusha majing n re ai hta na a gumhpraw hpe lahpawt lama rai hpa majaw jai shama n ta? Hpa majaw na a shabrai ni hpe jai kau nna naw kawsi kyet nga n ni? Nye a ga madat mara nna, ngai tsun ai hku galaw u, shaloi, nang gaw yawng hta kaja htum ai lusha hta kabu gara wa lu na rai ndai.

JAW JAU 25:19

Lamu ga mung de a nsi naisi shapraw ya nna nanhte sha mayu ai mahkra lu la shangun nhtawm dai mung e shim lum ai hte nga lu na rai myit dai.

JAW JAU 26:26

Ngai gaw n nanhte hpe shadaw ai malu masha hpe dawm kau ya na nngai, shaloi numsha marai shi gaw wan mang langai hta sha shanhte a muk yawng kabaw ra na mara ai. Shanhte gaw dai hpe karan jaw na mara ai, nanhte gaw dai ni yawng sha kau ti mung, naw kawsi kyet na rai myit dai.

JAW JAU 26:5

Nanhte a nsi naisi ni grai ja kat na rai nna, sabyi si di ai aten hta nsi naisi ni hpe nanhte naw dan nhtawm nsi naisi ni hpe gat hkai ai aten hta mung sabyi si ni naw di la ra na rai myit dai. Nanhte sha mayu ai lusha yawng hkam la lu ai hte nanhte a mungdan hta shim lum ai hku nga lu na rai myit dai.

MIHKA 6:14

Nang shat sha lu na rai ndai, rai ti mung myit dik lu na n rai; nang teng teng kawsi kyet na rai ndai. Arung arai ni hpe nang la wa lu ai rai tim, dai hpe nang mahkawng da lu na n rai; Nang mahkawng kyem da ai arai hpa hpe rai tim, majan hta ngai jahten kau ya na we ai.

ZEHPANI 3:11

Nanhte ngai hpe gumlau nga myit ti mung, dai shani e nanhte nye a amyu masha ni kaya kahpa loi mi sha pyi hkrum ra na myit dai n rai; gumrawng gumtawng ai hte myit tsaw myit dap nga ai masha hkum shagu hpe ngai la kau na nngai; nanhte mung ngai hpe nye a chyoi pra ai bum ntsa e galoi mung bai gumlau rawt lu na n rai myit dai.

ZEHKARIA 9:15

Chyahtum Chyalai N-gun rawng ai dai Madu gaw shi a amyu masha ni hpe makawp maga na ra ai, shanhte gaw gumlau hpyen ni hpe jahten kau na mara ai. Shanhte gaw majan pa e chyaru nang ai wa zawn jahtau garu nna, shanhte a gumlau hpyen ni a asai jahkaw kau ya na mara ai; dai gaw tawn hkungri ntsa e nga ai jarung kaw na ru hkaw dat ai shagu hkungga asai zawn lwi hkrat wa na ra ai.

ZEHKARIA 9:17

Dai mungdan gaw kade sha mai kaja nna tsawm htap nga na rai a hka! Shabrang ni mung dai mung na nsi naisi hte sabyi ntsin a majaw n-gun ja nna kaba wa na mara ai.

ROMA 10:11

Dai Chyum Laika hta mung, “Shi hpe kam sham ai ni yawng mayawng hte gaw myit daw myit hten hkrum na n rai,” nga ai.

ROMA 5:5

Dai myit mada ai lam chyawm gaw anhte hpe myit daw shangun mi ai n rai; hpa majaw nga yang anhte hpe Karai Kasang jaw da sai kumhpaw kumhpa ngu ai dai Chyoi Pra ai Wenyi e Karai Kasang a tsaw ra ai myit hpe anhte a kraw lawang hta e ru bang ya mani ai.

ROMA 9:33

Dai hpe Chyum Laika hta, “Yu u, masha ni ahtu kataw na nlung langai mi hte myit kataw shangun na lunghkrung langai mi hpe Ziun hta e ngai tawn da se ai. Rai ti mung nlung ngu ai Hkristu hpe kam sham ai wa gaw galoi mung myit daw hten na lam nga na n rai,” nga nna ka da nga ai.

TARA JAHPRANG 11:15

Nanhte gaw nanhte sha mayu ai lusha hkum sumhpa yawng hpe lu la na marin dai.

TARA JAHPRANG 12:12

Dai yang e, nanhte a kashu kasha ni hte mung, nanhte a shangun ma ni hte mung, lamu ga sali n lu ai majaw nanhte a mare ni hta hkan nga ai Lewi masha ni hte mung, shi a man e rau sha kabu gara lu na rai myit dai. Lewi masha ni lamu ga madu lu na n rai nga ai hpe dum mu.

TARA JAHPRANG 12:18

Nanhte hte nanhte a kashu kasha ni mung, nanhte a shangun ma ni hte mung, nanhte a mare ni hta hkan nga ai Lewi masha ni hte mung, dai Madu nanhte a Karai Kasang lata san da ai nawku shara hta dai Madu nanhte a Karai Kasang a man e chyu sha dai hkungga ni hte rau sha lu na rai myit dai; shing rai nanhte galaw ai lam magup hta nanhte kabu gara lu na rai myit dai.

TARA JAHPRANG 12:7

Dai yang e, dai Madu nanhte a Karai Kasang a hpung shingkang hte nanhte hpe shaman ya manit dai majaw nanhte galaw ai mai kaja lam ni hta nanhte hte nanhte a dinghku masha ni lu sha nna kabu gara nga na rai myit dai.

TARA JAHPRANG 8:10

Nanhte sha mayu ai lusha yawng lu la na rai nna, dai Madu nanhte a Karai Kasang nanhte hpe jaw ya nu ai dai ga sau hte hpring nna ningru ningja ai lamu ga a majaw shi hpe chyeju dum na rai myit dai.

1 TIMOHTI 6:17

Ndai dinghta asak hkrung nga ai prat a sut gan ngamu ngamai ai lam ni hta gumrawng gumtawng n rai mu ga hte n grin ai ngamu ngamai ai lam ni hta shanhte a myit mada kam hpa shara n shatai ai sha anhte kabu gara hkam la na matu arai yawng mayawng hpe n daw n hta jaw ya ai Karai Kasang hta myit mada ala nga na matu hkang da u.

1 YAWHAN 2:28

Rai sa shu sha ni e, shi dan pru ai shaloi nanhte gaw hkrit kaya nna gawp makoi mat n ra ai sha shi a man e nden ja ai hte tsap nga lu na matu shi hte langai sha arai nga mu.