YOELA 2:24 - Jinghpaw Common Language Bible 2009

²⁴ Chyarang pa ni hta nsi naisi ni hte hpring na ra ai; htumbyen ni a makau na nhkun ni hta sabyi ntsin hte tsanlun sau ni hte hpring kabrat na ra ai.

Jinghpaw Hanson Version Bible

²⁴ Shing rai mam chyarang ni hkaulan mam hte hpring nna, htumbyen ni tsabyi jahku hte asau kabrat na ra ai.

YOELA 2:24 ပူးပေါင်းရင်းမြစ်များ

EZEKELA 36:8

Rai ti mung, nye a Israela amyu masha ni e, hpun ni gaw Israela bum ni hta e nanhte a matu kalang mi bai tu wa nna asi si wa na ra ai. Nanhte mung kade n na yang, buga dum nta de wa lu na marin dai.

YOELA 3:13

Shanhte gaw grai wa n hkru nga ma ai; mam shu la ai aten na nsi naisi zawn shanhte hpe gadoi la mu ai; sabyi ntsin kabrat mat ai aten du hkra, sabyi si ni hpe sabyi htumbyen hta hpring hkra kabye mu ai zawn shanhte hpe kabye agrawp kau u.”

YOELA 3:18

Dai aten hta, bum ni gaw sabyi sun ni hte hpring na ra ai; yam nga ni hpe kawng shagu a ntsa hkan e mu lu na ra ai; dai yang e, Yuda hka shi hka gai yawng hkan hka lwi na ra ai. Dai Madu a Nawku Htingnu kaw na hka shi langai lwi wa na ra ai, dai gaw Akasia Kadit hpe madit ya na ra ai.

JAW JAU 25:19

Lamu ga mung de a nsi naisi shapraw ya nna nanhte sha mayu ai mahkra lu la shangun nhtawm dai mung e shim lum ai hte nga lu na rai myit dai.

JAW JAU 26:10

Nanhte a mangai hkai nmai, nsi naisi ni grai ja kat ai hte grai law htam nga myit dai majaw laning mi a matu sha hkap hkra htun da lu na rai myit dai. Dai sha pyi n-ga, mangai dingsa na naw ngam ai nsi naisi ni hpe htawk kau nhtawm mangai ningnan a nsi naisi ni hpe bang da na dum hpe lajang da ra na rai myit dai.

AMO LAIKA (AMOS) 9:13

Dai Madu gaw, “Nhtoi ni du wa mara ai: “Nli tum tu ai gaw dai hpe dan la lu ai hta grau lawan tu na ra ai, sabyi si ni gaw sabyi ntsin galaw shapraw lu ai hta grau lawan tu na mara ai. Bum ni hta dwi ai sabyi ntsin kahte hkrat na ra ai, kawng ni hta sabyi ntsin ni lwi na ra ai.

MALAHKI 3:10

Nanhte a htam shi hta na htam mi hpring hpring Nawku Htingnu de la sa wa mi, shaloi dai yang e lusha law law nga na ra ai. Ngai hpe chyam yu mi, shaloi sumsing lamu hkuwawt ni hpe ngai hpaw nna kaja ai arai baw hkum sumhpa yawng mayawng nanhte hpe nhpaw n-ya ru bun ai hpe nanhte mu lu na rai myit dai.