YOELA 2:22 - Jinghpaw Common Language Bible 2009

²² Dusat yam nga ni e, hkum hkrit nga myit; udat shara ni tsit lali nga sai; namsi hpun ni si si nga sai, lagum si ni hte sabyi si ni n taw n tsang ja kat nga ma ai.

Jinghpaw Hanson Version Bible

²² Pa ga na ashu ashan ni e, hkum tsang myit; kaning rai nme law, nam mali na udat shara ni tu prut nga ai; namsi hpun ni si si nga ai; lakum hpun hte tsabyi ru ni, ja kat nga ma ai.

YOELA 2:22 ပူးပေါင်းရင်းမြစ်များ

NINGPAWT NINGHPANG 4:12

Na a hkai nmai ni hpe gat hkai ai rai yang, aga kaw nna hpa mung tu na ra ai n rai; nang gaw ginding aga ntsa e nta n lu ai sha brak hkawm ai wa tai na rin dai.”

SHAKAWN KUNGDAWN 36:6

Na a ding man ai lam gaw bum ni zawn tsaw nga nna, na a teng man ai lam mung hka panglai zawn sung nga ai. Masha hte dusat yam nga ni gaw na a lata hta rai nga ai.

SHAKAWN KUNGDAWN 65:12

Udat shara ni hta yam nga wuhpung ni hte hpring nga ai; kawng nhkrem ni hta kabu gara ai hte hpring nga ai.

SHAKAWN KUNGDAWN 65:13

Prang ni hta sagu ni hte hpring nga ai; kadit ni hta hkaulan mam ni hte hpring nga ai. Arai yawng mayawng hte gaw garu jahtau ai hte kabu gara mahkawn ma ai.

SHAKAWN KUNGDAWN 67:6

Lamu ga gaw shi a nsi naisi shapraw ya sai; Karai Kasang, anhte a Karai Kasang gaw anhte hpe shaman ya sai.

ESAIA 51:3

“Ngai gaw Yerusalem hte de a hten run mat sai shara ni hkan shanu nga ai ni yawng hpe matsan dum myit madun dan na nngai. Shi a lamu ga gaw zaibru jang rai nga ti mung Eden hta ngai hkai da ai sun zawn, dai hpe sun langai shatai na nngai. Dai yang e kabu gara ai hte pyaw ngawn ai lam nga na ra ai, ngai hpe shakawn kungdawn ai mahkawn mangoi ga ni hte chyeju dum na mara ai.

EZEKELA 36:30

Nanhte a namsi hpun ni hte yi hkauna na nai mam ni hpe shalaw jahtam ya na nngai, shing rai amyu ni a ka-ang e nanhte hpe kaya myi man sum shangun ai dai hku wa ni dai mungdan hta galoi mung nga na ra ai n rai.

EZEKELA 36:35

Lang mi na aten hta, nam maling tai mat sai ndai mungdan gaw Eden sun zawn tai nga sai; kashun kashe ashep ashin rai nna hten run mat sai mare ni mung ya chyawm gaw bunghku kum nna masha de nga masai, nga nna masha shagu tsun jahta na mara ai.

EZEKELA 36:8

Rai ti mung, nye a Israela amyu masha ni e, hpun ni gaw Israela bum ni hta e nanhte a matu kalang mi bai tu wa nna asi si wa na ra ai. Nanhte mung kade n na yang, buga dum nta de wa lu na marin dai.

YONA 4:11

Dai re ai mi, tinang a hkra lata hte pai lata hpe pyi n chye ginhka ai masha sen mi mun lahkawng hte yam nga law law nga ai Ninewe mare kaba hpe ngai grau nna lahpawt dum mai ang nga ai!,” ngu nna tsun wu ai.

HAGI 2:16

nsi naisi dang hkun pru ai mam sumpum de sa myit yang, dang shi sha lu la nga myit dai. Nanhte gaw sabyi htumbyen de sabyi ntsin galan manga shi la na matu sa myit ti mung, galan hkun sha mu tam la nga myit dai.

ZEHKARIA 8:12

Shanhte gaw ngwi pyaw sim sa ai hte nsi naisi gat hkai lu na mara ai; shanhte a sabyi ru ni hta asi si wa na mara ai; lamu ga mung nsi naisi shatut ya nna dai yang e marang law nga na ra ai. Dai rai nna naw hkrung nga ai nye a amyu masha ni hpe ndai shaman chyeju yawng ngai jaw na mawe ai.

1 KORINHTU 3:7

Shing rai hkai da ai wa hte hka jaw ai wa gaw hpa n rai nga ai, tu shangun ai Karai Kasang chyu sha she ahkyak madung rai nga ai.