YOELA 2:21 - Jinghpaw Common Language Bible 2009

²¹ “Yi hkauna ni e, hkum hkrit myit, rai ti mung dai Madu gaw nanhte yawng a matu amu galaw nu ai majaw, kabu gara ai hte pyaw pyaw rai nga mu.

Jinghpaw Hanson Version Bible

²¹ Mungdan e, hkum hkrit et; kabu gara ai hte sharawng awng nga u: kaning rai nme law, Yehowa gaw amu kaba galaw nu ai.

YOELA 2:21 ပူးပေါင်းရင်းမြစ်များ

NINGPAWT NINGHPANG 15:1

Dai hpang Abram gaw shingran langai mu ai hte dai Madu gaw shi hpe, “Abram e, hkum hkrit et, hkrit hpa shara kaw na nang hpe ngai makawp la nna nang hpe kumhpa kaba jaw na we ai,” ngu nna tsun ai ga hpe na wu ai.

SHAKAWN KUNGDAWN 71:19

Karai Kasang e, na a ding man ai lam gaw lamu ni de dep nga ai. Galu kaba ai magam bungli ni hpe nang galaw nit dai, nang zawn re ai wa langai mi mung n nga nga ai.

SHAKAWN KUNGDAWN 98:8

Madu gaw ginding aga hpe up hkang na matu, du sa ra ai majaw, hka nu ni e, shi a man hta lahpawk dum nga mu;

ESAIA 35:1

Nam mali gaw kabu gara na ra ai, nampan ni gaw katsi katsang re ai ga hta pu tsawm nga na ra ai.

ESAIA 41:10

Hkum hkrit et-Ngai nang hte rau rai nga nngai! Ngai gaw na a Karai Kasang rai nga nngai-nang hpe hpa mung n jahkrit shama u ga! Ngai gaw nang hpe n-gun shaja ya ai hte karum la na nngai; Ngai gaw nang hpe makawp maga ai hte hkye la na nngai.

ESAIA 44:23

Sumsing lamu ni e, kabu gara jahtau mu! Ginding aga a sung ai shara ni e, jahtau mu! Bum ni hte nam maling na hpun shagu hte e, kabu gara jahtau mu! Dai Madu gaw shi a amyu masha ni hpe hkye la ai hku, shi a galu kaba ai hpe madun dan nu ai.

ESAIA 54:4

Hkum hkrit et-nang gaw kaya kahpa bai hkrum na ra ai n rai; nang gaw shagrit kau hkrum na n rai. Nang gaw ram prat na madu jan zawn na a sadi n dung ai lam hpe mung, gaida jan zawn na a myit chyum myit htum garen gari ai lam hpe mung malap kau na rai ndai.

ESAIA 55:12

“Nang gaw kabu gara ai hte Babelon kaw na pru wa na rai ndai; nang gaw mare kata kaw na ngwi pyaw sim sa ai hte woi wa ai hkrum na rai ndai. Bum ni hte kawng ni aja awa mahkawn mangoi na mara ai, hpun ni mung kabu gara jahtau garu na mara ai.

YEREMIA 33:3

“Ngai hpe shaga e, ngai nang hpe htan ya na nngai; nang hpa mung n chye lu ai mauhpa amu ni hte mau kajawng na zawn re ai amu ni ngai nang hpe tsun dan na de ai.

HOSEA 2:21

Dai aten hta ngai gaw nye a amyu masha Israela a akyu hpyi ga ni hpe htan ya na nngai. Ngai gaw ginding aga ntsa e marang htu shangun ai hte, ginding aga gaw nai mam nsi naisi, sabyi si hte tsanlun si hpe shapraw ya na ra ai.

YOELA 2:20

Ngai gaw dingdung maga de na du sa ai dinggam-yaw hpyen hpung hpe jahtaw kau nna shanhte hta na nkau mi hpe nam mali de gawt kau na nngai. Shanhte a shawng man na arawng aya lu ai ni hpe Jum Nawng de, shanhte a shingdu arawng aya lu ai ni hpe Ka-ang Panglai de gawt kau na we ai. Shanhte a moi mang ni manam hkying na mara ai. Shanhte yawng nanhte hpe galaw manu ai majaw, shanhte hpe ngai jahten shaza kau na we ai.

YOELA 2:26

Ya chyawm gaw, nanhte sha na lusha law law lu nna, hkru hkru kat kat sha lu na rai manit dai. Nanhte a matu mauhpa amu galaw ya sai dai Madu nanhte a Karai Kasang hpe shakawn kungdawn mu. Nye a amyu masha ni gaw galoi mung n kaw n law bai di hkrum na masai n rai.

ZEHKARIA 8:15

Rai ti mung, ya chyawm gaw Yerusalem hte Yuda mung na amyu masha ni hpe shaman chyeju jaw ya na shatawng shada nga nngai majaw hkum hkrit nga myit.

TARA JAHPRANG 4:32

“Karai Kasang gaw ginding aga ntsa e shinggyim masha hpe hpan da nna nanhte garai n shangai yang lai mat wa sai aten kaw nna ndai aten du hkra na lam ni yawng hpe nhtang gawn yu mu. Ginding aga ting hta gawn yu mu. Shawng de ndai daram kaba ai amu byin yu sani? Ndai zawn re ai shiga kadai wa na yu myit ni?

1 SAMUELA 12:16

Dai re ai majaw, nanhte nga ai shara hta tsap nga myit, dai Madu galaw dan na ra ai amu kaba hpe nanhte mu lu na marin dai.

1 SAMUELA 12:24

Dai Madu a ga hpe madat mara nna, na a myit masin mahkra hte sadi sahka let shi hpe daw jau nga mu; nanhte a matu shi galaw dan nu ai amu kaba hpe adum nga mu.