YOELA 2:20 - Jinghpaw Common Language Bible 2009

²⁰ Ngai gaw dingdung maga de na du sa ai dinggam-yaw hpyen hpung hpe jahtaw kau nna shanhte hta na nkau mi hpe nam mali de gawt kau na nngai. Shanhte a shawng man na arawng aya lu ai ni hpe Jum Nawng de, shanhte a shingdu arawng aya lu ai ni hpe Ka-ang Panglai de gawt kau na we ai. Shanhte a moi mang ni manam hkying na mara ai. Shanhte yawng nanhte hpe galaw manu ai majaw, shanhte hpe ngai jahten shaza kau na we ai.

Jinghpaw Hanson Version Bible

²⁰ dingdung maga na luksuk laba ni hpe, ngai nanhte kaw na tsan tsan de jahtaw kau nna, akrin akraw hte katsi katsang re ai mung de, shachyut kau na nngai: dai ni a man maga sinpraw nawng de, shingdu maga sinna nawng de dep nna, de a manam ai hte hpu hkying ai gaw mawng pru na ra ai: kaning rai nme law, Yehowa amu kaba galaw nu ai.

YOELA 2:20 ပူးပေါင်းရင်းမြစ်များ

2 HKAWHKAM 8:13

Hazaela gaw, “Ngai hpa n rai nga nngai mi, kaning rai daru magam n-gun rawng wa lu na rai nga a ta?,” ngu nna san wu ai. Elisha gaw, “Nang Suri hkawhkam tai wa na rai nga ai gaw, dai Madu ngai hpe madun dan nga sai,” ngu nna tsun htang wu ai.

SHAKAWN KUNGDAWN 126:3

Shi gaw kaja wa, anhte a matu amu kaba ni hpe galaw ya nu ai; dai gaw anhte a matu kade wa kabu gara shara rai nga sahka!

PRU MAT 10:19

Dai Madu gaw sinpraw nbung a malai n-gun ja htum ai sinna nbung hpe dat dat nhtawm dinggam-yaw ni hpe magawn mat wa nna Nawng Hkyeng hta jahkrat bang kau wu ai. Egutu mung ting hta dinggam-yaw langai mung ngam nga ai n rai.

PRU MAT 8:14

Egutu masha ni mung dai shu chyasi ni hpe hkan hta sumpum da ma ai rai nna mung ting manam hkying nga ai.

ESAIA 34:3

Shanhte a moi mang ni hpe lup makoi lu na n rai, rai ti mung dai yang e yat ai hte manam hkying taw nga na mara ai; bum ni gaw asai hte hkyeng mat na ra ai.

EZEKELA 47:18

“Sinpraw maga de na lamu ga jarit gaw Damasku mungdaw hte Hauran mung lapran nchyun shara kaw nna dingda daw Yawdan hka dingyang yu wa nhtawm Jum Nawng hte htep re ai Tamara mare du hkra rai nga ai. Dai Yawdan Hka gaw sinna maga Israela mung hte sinpraw maga Gilead mung yan hpe garan da ai jarit rai nga ai.

AMO LAIKA (AMOS) 4:10

“Egutu mung hta ngai dat dat ai ana zinli hte bung ai palik ana zinli hpe nanhte a ntsa de mung ngai shangun dat ni ai. Nanhte a shabrang ni hpe majan pa hta, ngai sat kau ya ni ai; nanhte a gumra ni hpe mung ngai la kau ya ni ai. Nanhte a dap hta si mang ni a manam hkying ai hte nanhte a ladi ni hta ngai jahpring ya ni ai. Shing rai tim, nanhte ngai kaw nhtang wa myit dai n rai.

ZEHKARIA 14:8

Dai nhtoi du jang, asak hka gaw Yerusalem kaw nna lwi pru wa na ra ai; dai hka ka-ang hkup gaw Jum Nawng de, de a ka-ang hkup gaw Ka-ang Panglai de ang wa na ra ai. Hka dai gaw ginhtawng ta e mung, lanam ta e mung shaning tup lwi nga na ra ai.

MALAHKI 3:11

Ngai gaw nanhte a nsi naisi ni hpe shingtai ni hte jahten sharun kau shangun na n rai, nanhte a sabyi ru ni mung sabyi si ni hte sumbyau nga na ra ai.

TARA JAHPRANG 11:24

Nanhte kabye du ai lamu ga ni yawng gaw nanhte a matu rai nga malit dai. Nanhte a lamu ga gaw dingda maga nam mali kaw nna dingdung maga Lebanon bum ni de du hkra mung, sinpraw maga Uhprat hka nu kaw nna sinna maga Ka-ang Panglai du hkra jat maden mat wa na rai nga myit dai.