YOELA 2:2 - Jinghpaw Common Language Bible 2009

² Dai nhtoi gaw nsin sin nna, sin mak nhtawm chyang htat ai hte sumwi mung ai shani rai na ra ai. Bum ni a ntsa e nsin ka-up nga ai zawn n-gun ja ai dinggam-yaw hpyen hpung ni rawt lung wa nga ai. Dai zawn re ai gaw shawng de galoi mung n byin yu, htawm hpang de mung, galoi mung bai byin sana ra ai n rai.

Jinghpaw Hanson Version Bible

² dai nhtoi gaw nsin sin ai hte sin mak nna, sumwi mung ai hte chyang htat ai nhtoi, rai nga ai; bum ni a ntsa e jahpawt manap nhtoi pri rai nga ai zawn, law la ai hte n-gun atsam rawng ai amyu du ra ai: dai zawn re ai gaw, shawng de galoi n byin yu ai; shanhte a hpang e mung, prat shaning law law du hkra, byin yu na n rai.

YOELA 2:2 ပူးပေါင်းရင်းမြစ်များ

SHAKAWN KUNGDAWN 10:6

Shi gaw, “Ngai galoi mung sum na n rai; ngai galoi mung ru tsang hkrum na n rai,” nga nna shi hkum shi tsun nga ai.

SHAKAWN KUNGDAWN 97:2

Sumwi ni hte nsin gaw shi hpe gawan shinggrup da nna; shi gaw tara ai hte ding man ai hku up hkang nga ai.

PRU MAT 10:14

Dai ni gaw mungdan ting a ntsa e shang kahpoi nna hkrat ka-up nga ma ai. Dai gaw nachying kaba ai dinggam-yaw wunawng mi rai nna, shawng de mung n byin yu, hpang de mung dai zawn re ai hpe bai mu lu na ra ai n rai.

PRU MAT 10:6

Dai ni gaw na a hkawhkam htingnu ni hta mung, na a du salang ni yawng a nta ni hta mung, na a amyu masha ni yawng hta mung hpring chyat nga na mara ai. Dai ni gaw na a kaji kawa ni mu yu sai arai hpa baw hta na mung grau sawng hkra rai na mara ai,’” ngu nna tsun wu ai. Dai hpang Mawshe kayin pru mat wa wu ai.

PRU MAT 20:21

Rai ti mung, amyu masha ni mahtang tsan tsan e sha atsap nga ma ai rai nna, Mawshe chyu sha Karai Kasang nga ai dai htat ai sumwi de shani sa wa wu ai.

ESAIA 5:30

Dai nhtoi du ai shaloi, shanhte gaw panglai hka wu kadu ai nsen zawn Israela amyu ni a ntsa e marawn shabam wa na mara ai. Ndai mungdan hpe mada yu mu! Dai gaw nsin hte myit htum myit chyum rai nga a hka! Nhtoi gaw nsin e mayu sha kau hkrum nga sai.

ESAIA 8:22

ga de azi yu rai na ma ai, rai ti mung shanhte gaw hpa mung n mu, rai ti mung ru yak tsin-yam hte nsin hpe sha mu lu na mara ai, shanhte gaw hkrit shara nsin kata de gawt bang ai hkrum na mara ai.

YEREMIA 13:16

Shi gaw nsin hpe garai n sin shangun ai hte bum ni a ntsa e nang garai n ahtu kataw nna, shi gaw htat ai nsin de garai n kayin kau ai hte nhtoi hpe nang naw myit mada nga yang, dai Madu na a Karai Kasang hpe shagrau sha-a nga u.

YEREMIA 13:6

Tawng marang mi na mat ai hpang, dai Madu gaw ngai hpe Uhprat hka nu de bai nhtang sa nna lachyit shingkyit ni hpe sa shaw la na matu hkang dat wu ai.

SHARUNG SHAYAWT 1:12

Shi gaw ndai lam hku lai ai masha shagu hte hpe, “Ngai hpe mada yu mi! Ngai zawn kadai hta mung nchyi nmu hkoi n hkrum yu myit dawng,” ngu nna marawn jahtau wu ai. Dai Madu gaw shi masin pawt ai aten hta nye a ntsa e dai nchyi nmu shapraw nu ai.

EZEKELA 32:7

Ngai nang hpe jahten shaza kau ai shaloi, sumsing lamu hpe ngai magap kau nna, shagan ni hpe mung la kau na nngai. Ajan gaw sumwi a shingdu e makoi nga nna shata mung nhtoi n jaw lu na ra ai.

EZEKELA 34:12

Sagu rem wa gaw bra hkawm nga ai shi a sagu ni hpe bai shinggyin da nna lanu lahku ai hte maren, lamu sin mak mat nna tsin-yam hkrum ai shani e, shanhte bra hkawm mat wa ai shara shagu hkan na shanhte hpe bai woi wa na nngai.

EZEKELA 38:9

Shi hte shi a hpyen luksuk ni hte shi hta lawm nga ai masha amyu baw law law ni gaw nbung laru hte sumwi ni zawn mungdan hpe gasat ka-up na mara ai,” ngu nna tsun wu ai.

Daniela 12:1

Lachyit nba hpun da ai dai lamu kasa gaw, “Dai aten hta, na a amyu masha ni hpe bau sin nga ai lamu kasa kaba Mihkaela dan pru wa na ra ai; shaloi masha amyu baw ni nga pra hpang wa ai aten kaw nna yak dik htum ai ru tsang hkrum aten du wa na ra ai. Dai aten du jang, Karai Kasang a jahpan laika hta mying rawng ai na a amyu masha ni yawng gaw hkye la ai hkrum na mara ai.

Daniela 9:12

Anhte hpe mung, anhte a mung up hkang du ni hpe mung, nang galaw na ngu tsun nit dai hte maren nang galaw nit dai. Nang gaw ginding aga ntsa e nga ai kaga mare hta grau nna Yerusalem mare a ntsa e laja lana re ai ari jaw nga ndai rai nna,

YOELA 1:6

Dinggam-yaw hpyen hpung mi anhte a mungdan hpe gasat masai; shanhte gaw n-gun ja nna n dang hti hkra law nga ma ai; shanhte a awa gaw hkanghkyi a awa zawn masen nga ai.

YOELA 2:25

Nanhte a nsi naisi ni sha kau ya ai dinggam-yaw unawng ni a majaw nanhte sum mat ai shaning ni a matu, ngai bai nhtang jaw na made ai. Dai gaw nanhte hpe ninghkap na matu ngai shangun dat ai hpyen hpung rai nga ai.

YOELA 2:31

Galu kaba re ai hte hkrit mai ai dai Madu a Nhtoi garai n du yang, ajan gaw nsin sin mat wa nna shata gaw sai zawn hkyeng mat na ra ai.

YOELA 2:5

Shanhte gaw bum pungding ntsa hkan gumtawng hkawm nga yang, hpyen leng ni zawn nsen sharat nga ma ai; shanhte gaw tsingdu jahkraw wan hkru ai nsen zawn ngoi ma ai. Shanhte gaw hpyen gasat na matu shajin da ai hpyen hpung kaba zawn tsap dingren nga ma ai.

YOELA 3:4

“Turu, Sidon hte Hpilisti ginwang ni yawng hte e, nanhte ngai hpe hpa galaw mayu nga myit ni? Nanhte gaw lam lama ma a majaw ngai hpe matai htang mayu myit ni? Dai zawn galaw mayu ai rai yang, ngai nanhte hpe alawan matai htang na made ai!

AMO LAIKA (AMOS) 4:13

Karai Kasang gaw bum ni hpe galaw da ai wa rai nna nbung hpe hpan da nga ai. Shi gaw shi a myit mang lam masha ni hpe chye shangun nga ai; shi gaw nhtoi hpe nsin galai kau nga ai. Shi gaw ginding aga a tsaw ai shara ni hta hkawm nga ai. Ndai gaw shi a amying shingteng rai nga ai: Chyahtum Chyalai N-gun rawng ai Madu Karai Kasang rai nga ai!

ZEHPANI 1:7

Dai Madu gaw mungkan masha ni hpe tara tingnyang hta dung nna jeyang na nhtoi ni wa magang ra ai; dai majaw shi a man e asim sha nga nga mu. Dai Madu gaw shi a amyu masha ni hpe hkungga nawng jau ya na matu poi shachyip lajang ya nga ai hte Yuda mung hpe hpya kau na matu gumlau hpyen ni hpe shaga da nga nu ai.

ZEHKARIA 14:6

Dai aten du jang, dai yang e galoi mung katsi nna hkyen hkrat na ra ai n rai.

MAHTE 24:21

Hpa majaw nga yang, mungkan ga nnan lat kaw nna dai ni du hkra galoi mung garai n byin yu ai hte hpang de mung galoi n byin lu na ru tsang kaba hta grau sawng ai rai na ra ai.

MARKU 13:19

Hpa majaw nga yang, Karai Kasang hpan tawn da ai ginding aga nnan lat kaw nna ya du hkra n byin yu ai hte, hpang de mung byin lu na ru tsang ai gaw, dai nhtoi hte hta e byin pru na ra ai.

TARA JAHPRANG 32:7

“Lai mat wa sai moi chyaloi nhkoi prat na lam hpe myit sawn yu u; kaning rai byin lai wa sai lam nang hpe tsun dan lu u ga; na a kawa hpe san u. Moi na lam tsun dan lu mu ga, nanhte a dingla ni hpe san mu.

HEBRE 12:18

Nanhte gaw Israela amyu masha ni zawn lata hte nan jum hkra lu ai wan grung nga ai, achyang amang re ai, nsin chyip mak re ai, laru ru ai,

YUDA 1:13

Ja la ai panglai hka leng ni hte mung bung ma ai; shanhte a kaya kahpa amu ni hpe panglai hka leng hkum bawp zawn dan leng pru wa shangun nga ai. Shanhte gaw prang hkawm nga ai shagan zawn rai ma ai. Shanhte hpe Karai Kasang gaw sung dik ai ningsin kata hta shanhte a matu shara langai mi lajang da ya manu ai.

SHINGRAN 9:2

Dai shagan gaw sung htum ai shara na nhkun hpe shi hpaw dat wu ai rai nna, wan hkut gaw wanhtung kaba kata na wan hkut zawn dai nhkun na mawng lung wa ai hte, dai nhkun kaw na wan hkut a majaw, jan hte lamu ganghkau gaw nsin sin mat wa ai.