YOELA 2:18 - Jinghpaw Common Language Bible 2009

¹⁸ Dai hpang, dai Madu gaw shi a mungdan a matu myit ru tsang ai lam madun dan nu ai; shi gaw shi a amyu masha ni hpe matsan yu dum nga ai.

Jinghpaw Hanson Version Bible

¹⁸ Shaloi Yehowa gaw shi a mungdan a lam lahpawt lama dum nna, shi a amyu masha ni hpe matsan dum nga ai.

YOELA 2:18 ပူးပေါင်းရင်းမြစ်များ

2 HKAWHKAM 19:31

Yerusalem mare hte Ziun Bum ntsa hta e naw ngam nga ai amyu masha ni gaw dai shara hta prawn wa na mara ai. Hpa majaw nga yang, dai Madu gaw ndai lam hpe shabyin na matu daw dan nga sai.

SHAKAWN KUNGDAWN 103:13

Kawa gaw kasha ni hpe matsan dum lama ai zawn, Dai Madu gaw shi hpe shagrau sha-a ai ni hpe matsan dum nga ai.

SHAKAWN KUNGDAWN 103:17

Rai ti mung, Madu hpe shagrau sha-a nga ai ni a ntsa e, shi a tsaw ra myit htani htana agrin nga ai,

ESAIA 37:32

Yerusalem hte Ziun Bum ntsa hta naw ngam nga ai amyu masha ni nga nga na mara ai, hpa majaw nga yang, Chyahtum Chyalai N-gun rawng ai dai Madu gaw ndai hku byin shangun na myit daw dan da nu ai.

ESAIA 42:13

Dai Madu gaw share ninghkrin wa zawn gasat na pru sa nga ai; shi gaw majan gasat na matu jin jin rai nna myit katu nga ai. Shi gaw majan hta jahtau nna garu nga ai; shi gaw shi a gumlau hpyen ni hpe ninghkap na matu shi a daru magam n-gun hpe madun nga ai.

ESAIA 60:10

Dai Madu gaw Yerusalem hpe, “Maigan masha ni gaw na a bunghku ni hpe bai gaw gap wa na mara ai, Shanhte a hkawhkam ni nang hpe daw jau na mara ai. Nye a masin kahtet ai majaw, ngai nang hpe ari jaw ni ai. Rai ti mung, ya chyawm gaw ngai nang hpe myi man shapa ya ai hte matsan dum ai myit madun dan na nngai.

ESAIA 63:15

Madu e, na a chyoi pra ai hte hpung shingkang hta shanu nga ai sumsing lamu kaw na anhte hpe gum yu mi. Anhte a matu na a galu kaba ai tsang ai myit gaw kanang rai nga a ta? Na a daru magam n-gun kanang rai nga a ta? Na a tsaw ra myit hte matsan dum ai myit kanang rai nga a ta? Anhte hpe hpa n nawn hkum rai et.

ESAIA 63:9

shanhte hkam sha ai nni nkri yawng kaw na hkye hkrang la nga ai. Dai gaw lamu kasa galaw ai n rai, rai ti mung dai Madu shi nan shanhte hpe hkye la nu ai. Shi a tsaw ra myit hte matsan dum la ai myit a jaw e, shi shanhte hpe hkye mawai la nga sai. Shi gaw lai sai aten ni hta shanhte hpe galoi mung lanu lahku lai wa nu ai,

YEREMIA 31:20

“Israela e, nang gaw nye a tsaw ra dik htum ai kasha rai nga ndai ngai tsaw ra dik htum ai ma mung rai nga ndai. Na a amying hpe ngai tsun shaga ai aten shagu, nang hpe tsaw ra myit hte sha ngai sumru nngai. Nye a myit masin nang hta myit kap nga ai rai nna, nang hpe matsan dum na nngai.

SHARUNG SHAYAWT 3:22

Dai Madu a n htum n wai ai tsaw ra myit hte matsan dum ai gaw ya du hkra matut manoi rai nga ai,

ZEHKARIA 1:14

lamu kasa mung Chyahtum Chyalai N-gun rawng ai dai Madu ning nga tsun ai ga hkaw tsun na matu ngai hpe tsun wu ai: “Ngai gaw nye a chyoi pra ai Yerusalem hpe ngai dik hkra tsaw ra ai hte myit tsang nngai,

ZEHKARIA 8:2

“Nye a amyu masha ni hpe grai wa tsaw ra ai hte ngai hpe shi a gumlau hpyen ni hte masin pawt shangun hkra re ai tsaw ra myit a majaw, ngai gaw Yerusalem hpe karum la na matu marit nga ni ai.

LUKA 15:20

Shing rai shi rawt nna, shi a kawa hpang de wa magang nga ai. “Shi nta kaw nna tsan tsan naw rai nga yang, kawa gaw shi hpe mu nna, matsan yu dum ai hte, gat sa nhtawm, kasha a du hta noi ginshum let, shi hpe pup wu ai.

TARA JAHPRANG 32:16

Shanhte nawku ai hpara sumla a majaw, dai Madu hpe n dawng shangun; shanhte galaw ai n hkru ai amu hte shi hpe pawt sindawng shangun nga masai.

TARA JAHPRANG 32:36

Shanhte n-gun htum mat ai hpe shi mu ai shaloi, dai Madu gaw shi a amyu masha ni hpe hkye mawai la na ra ai. Shanhte hpe karum la na masha n nga ai hpe shi mu ai shaloi, shi gaw shi hpe daw jau ai ni hpe matsan dum ai myit madun dan na ra ai.

TARA JAHPRANG 32:43

“Masha amyu baw ni e, nanhte gaw dai Madu a amyu masha ni hpe shakawn lu na rai myit dai; shanhte hpe sat ai ni yawng ari jaw ai hkrum na rai ma ai. Gumlau hpyen ni hpe shi matai htang nna, shi a amyu masha ni galaw shut ai yubak mara hpe raw dat ya na rai wu ai.

YAKU 5:11

Shanhte gaw hkam sharang lu ai ni rai ma ai majaw anhte gaw shanhte hpe a lu ai ni ngu gaw ai. Yoba a myit galu ai lam hpe nanhte na yu manit dai. Hpang jahtum Madu gaw shi hpe gara hku karum madi shadaw jaw ya sai lam nanhte chye nga myit dai. Hpa majaw nga yang dai Madu gaw tsaw ra matsan dum nna n gaw n wai myit hte hpring tsup ai wa rai nga ai.

TARA AGYI 10:16

Dai rai nna maigan hpara ni hpe shanhte kau tawn da nhtawm dai Madu hpe nawku ma ai; shi gaw Israela masha ni hkrum sha ai tsin-yam tsindam hpe masin yu machyi da wu ai.