YOELA 2:16 - Jinghpaw Common Language Bible 2009

¹⁶ Amyu masha ni hpe shinggyin jahpawng tawn mu; shanhte a matu chyoi pra ai zup hpawng hkyen ya mu; dingla ni hpe jahpawng mu; ma kaji ni hpe shinggyin mu; chyu chyu ai ma chyangai ni hpe hpawng shangun mu. Hkungran num, hkungran la nnan ni pyi shanhte a nta gawk kata kaw na pru sa wa lu na mara ai.

Jinghpaw Hanson Version Bible

¹⁶ mung masha ni hpe jahpawng mu, shawa hpung hpe shachyoi shapra mu; dingla ni hpe jahpawng mu; ma kaji ni hte chyu chyu ai ni hpe hpawng shangun mu: la ningnan wa gaw shi a gawk kaw na, num ningnan gaw shi shim ai shara kaw na, pru mu ga.

YOELA 2:16 ပူးပေါင်းရင်းမြစ်များ

2 HKAWHKAM LABAU 20:13

Yuda masha ni yawng gaw shanhte a madu jan ni hte kashu kasha ni hte rau dai yang na Nawku Htingnu hta e tsap nga ma ai.

2 HKAWHKAM LABAU 29:5

e, shanhte hpe ga shaga wu ai. Shi gaw, “Lewi masha ni e, nanhte gaw tinang hkum ap nawng let, dai Madu nanhte a kaji kawa ni a Karai Kasang a Nawku Htingnu hpe jasan jaseng na rai myit dai. Nawku Htingnu hpe awu asin di shangun ai arai shagu hte hpe dai shara kaw nna yeng seng kau mu.

2 HKAWHKAM LABAU 30:17

Amyu masha law law wa htung hte maren n san n seng nga ma ai majaw Shalai Wa Ai Poi a matu sagu kasha ni hpe shanhte n sat lu ma ai rai nna shanhte a matu Lewi masha ni dai amu hpe galaw ya ma ai; dai Madu hpe sagu kasha ni sat nawng nga ma ai.

2 HKAWHKAM LABAU 30:19

“O Madu, anhte a kaji kawa ni a Karai Kasang e, htung hte maren shanhte n san n seng shajang nga ma ti mung, myit masin mahkra hte nang hpe nawku nga ai ni a mara hpe na a mai kaja ai myit hte mara dat ya u law.”

2 HKAWHKAM LABAU 35:6

Nanhte gaw Shalai Wa Ai Poi a matu sagu kasha ni hte bainam ni hpe sat na rai myit dai. Dai rai nna ya chyawm gaw nanhte nan htung hte maren jasan jaseng da nhtawm dai Madu Mawshe hku jaw ya ai matsun maroi ga ni hpe nanhte a kahpu kanau Israela masha ni hkan mai lu hkra shagu hkungga ni hkyen lajang da mu.”

YOBA 1:5

Lusha poi ngut ai hpang e, Yoba gaw jau jau rawt nna shi a ma ni hpe jasan jaseng na nga, shanhte langai hte langai a matu shagu hkungga ni nawng ya wu ai. Shi gaw shanhte hta na marai langai ngai Karai Kasang hpe n dum shami n kaw n law di kau let shut hpyit kau mai nga ai nga nna myit nawn la nga wu ai majaw dai lam hpe shi galoi mung galaw nga ai.

SHAKAWN KUNGDAWN 19:5

shing rai, hkungran na matu kabu gara ai hte pru sa wa ai la nnan langai mi zawn mung, ginsup ninghkrin langai mi kagat shingjawng na matu, myit katu wa nna pru wa ai wa zawn mung, ajan gaw jahpawt manap e pru wa nga ai.

PRU MAT 19:10

dai Madu gaw shi hpe, “Amyu masha ni hpang de yu wa nhtawm nawku na matu shanhte a hkum ni hpe dai ni, hpawt ni jasan jaseng na shanhte hpe tsun u. Shanhte gaw shanhte a hpun palawng ni hpe hkrut lu na rai nna,

PRU MAT 19:15

Mawshe gaw shanhte hpe, “Hpawt ni din a matu jin jin rai nga mu; dai aten laman num la kanawn lu na myit dai n rai.

PRU MAT 19:22

Ngai kaw shani sa wa ai hkinjawng ni pyi tinang hkum hpe jasan jaseng la ra ma ai; shing n rai yang, ngai shanhte hpe ari jaw na mawe ai,” ngu nna tsun wu ai.

YOELA 1:14

Lusha gam na matu hkang dat mu; shawa zup hpawng shaga mu! Ningbaw ni hte Yuda amyu masha ni yawng shinggyin jahpawng nna dai Madu nanhte a Karai Kasang a Nawku Htingnu de shang nna, shi hpe hpyi jahtau mu!

MAHTE 21:16

Shing rai shanhte gaw Yesu hpe, “Ndai ni hpa tsun nga ai hpe nang na da wu ni?,” ngu nna san mu ai. Yesu gaw, “Ngai na nga nngai, Dai Madu gaw “Ma ni hte chyu chyu ai ma chyangai ni hpe mahkawn shakawn ga majing hte daw jau na matu sharin ya da nu ai, nga ai ga Chyum Laika hta nanhte galoi mung n hti yu myit ni?,” ngu nna shanhte hpe tsun mu ai.

MAHTE 9:15

Yesu gaw shanhte hpe, “La nnan wa a hkungran gawk hte seng ai manaw manang ni gaw, la nnan wa hte rau naw nga nga yang, shanhte yawn hkyen hkrum na ma hka? N rai law! Rai ti mung, la nnan wa hpe shanhte kaw na jahka la kau ya ai nhtoi du na ra ai; dai shaloi shanhte lusha gam na mara ai.

1 KORINHTU 7:5

Nanhte gaw akyu hpyi na matu, shawng kaw nna jahkring mi aten la na myit hkrum da ai lam sha n nga yang gaw, madu jan madu wa hkum shan kanawn ai lam hpe hkum koi gam nga myit; akyu hpyi ai ten htum ai hpang bai kanawn nga mu. Dai hku rai yang she nanhte n sharang lu ai majaw, Satan e gunglau ai n hkrum na myit dai.

YAWSHU 7:13

Rawt u! amyu masha ni hpe jasan jaseng u. Shanhte hpe nye a man de pru sa na matu jin jin di da u. Dai Madu, Israela a Karai Kasang ngai gaw ndai lam hpe tsun ra nngai majaw, hpawt de jin jin rai nga na lam shanhte hpe tsun u; dai rai nna Israela e, jahten kau na matu ngai nanhte hpe hkang dat ai arai nkau mi nanhte a lata hta madu da nga myit dai! Dai arai ni hpe nang seng kau ai aten du hkra nanhte a gumlau hpyen ni hpe lu ninghkap lu na myit dai n rai.

YAWSHU 8:35

Yawshu mung Mawshe hkang da mada hpe shawa hpung ting hte shanhte hta na numsha ni hte ma kaji ni, shanhte hta hkan nang ai maigan masha ni yawng a man e hti dan wu ai.

1 SAMUELA 16:5

Shi gaw, “Rai nga nngai, dai Madu hpe shagu hkungga nawng jau ya na matu du sa ring ngai. Nanhte a hkum ni jasan jaseng kau nhtawm ngai hte rau sa ga,” ngu nna htan wu ai. Shi gaw Yese hte shi a shadang sha ni hpe mung shanhte a hkum ni hpe jasan jaseng kau nhtawm shagu hkungga nawng ya ai de sa na matu shaga wu ai.