YOELA 2:14 - Jinghpaw Common Language Bible 2009

¹⁴ Dai Madu nanhte a Karai Kasang gaw shi a myit chye galai ai hte nanhte hpe ndaw nhta re ai nsi naisi ni shaman ya na ra a dawng. Dai hpang, nanhte shi hpe nsi naisi hte sabyi ntsin nawng ya lu na myit dai.

Jinghpaw Hanson Version Bible

¹⁴ Nanhte a Karai Kasang Yehowa hpe, lusha kumhpa hte dumhpung hkungga, naw nawng ya lu hkra, shi myit malai lu nna, nanhte hpang de nhtang wa let, shaman ai chyeju nanhte hpe n gam jaw na, kadai wa chye lu a ta? nga nna tsun ai.

YOELA 2:14 ပူးပေါင်းရင်းမြစ်များ

2 SAMUELA 12:22

Dawi chyawm gaw, “Rai nga ai law, shi naw hkrung nga yang, ngai lusha gam let hkrap ngu hkrap ngoi rai ni ai. Dai Madu gaw ngai hpe matsan dum la nhtawm ma hpe n si shangun na rai wu ai ngu, ngai myit nawn la nngai.

2 SAMUELA 16:12

Dai Madu gaw nni nkri lam hpe yu matsing nhtawm, shi matsa ai a marang e, ngai hpe shaman chyeju nkau mi jaw ya nhten,” ngu nna tsun wu ai.

2 HKAWHKAM 19:4

Asuri hkawseng gaw ahkrung nga ai Karai Kasang hpe shatan nhkan galaw na nga, shi a du ningbaw wa hpe shangun dat nu ai. Dai Madu na a Karai Kasang gaw dai shatan nhkan ga ni hpe na ya nna shing ngu tsun shatan ai ni hpe ari jaw u ga law. Dai re ai majaw naw hkrung nga ai anhte a amyu masha ni a matu Karai Kasang kaw akyu hpyi ya mi.”

PRU MAT 32:30

Hpang shani e Mawshe gaw shi a amyu masha ni hpe, “Nanhte gaw hkrit hpa yubak galaw shut kau manit dai. Rai ti mung, ya chyawm gaw ngai mung dai Madu nga ai bum de bai lung wa nna nanhte shut kau ai yubak raw dat kau ya na matu, mahkoi htingrat ya lu nhten,” ngu nna tsun wu ai.

ESAIA 65:8

Dai Madu gaw, “Kadai mung kaja ai sabyi si ni hpe n jahten ma ai, shing di na malai, shanhte gaw dai ni hte sabyi ntsin galaw ma ai. Ngai gaw nye a amyu masha ni yawng hpe jahten kau na n rai-ngai hpe daw jau ai ni hpe ngai hkye hkrang la na nngai.

YEREMIA 18:8

ngai lakap nna tsun ai amyu baw gaw shi a n hkru ai amu kaw na kayin wa ai rai yang, ari jaw na matu ngai tsun da ni ai rai tim, dai hpe ngai galaw na n rai.

YEREMIA 26:13

Nang shamu shamawt ai arawn alai lam hte nang galaw nga ai amu ni hpe nang galai shai kau nna, dai Madu na a Karai Kasang a hkang da ai ga madat lu na rin dai. Dai zawn nang hkan galaw ai rai yang, nang hpe shi jaw na ari hpe shi tsun da ti mung, dai jahten shabyak ai lam hpe shi myit galai kau na ra ai.

YEREMIA 26:3

Amyu masha ni gaw nye a ga hpe madat let shanhte a n hkru ai lam ni kaw nna mahkoi kau da dam ma nhten? Shanhte hkan sa lu ai rai yang, shanhte a n hkru n shawp ai arawn alai ni yawng a matu shanhte a ntsa e ngai shatawng shada da ai jahten shabyak lam hte seng nna nye a myit hpe ngai galai kau na we ai,” ngu nna tsun wu ai.

YOELA 1:13

Tawn hkungri hta daw jau amu galaw ai hkinjawng ni e, lachyit nba hpun let hkrap nga mu! Nawku Htingnu kata shang nna shana tup sharung shayawt mu! Nanhte a Karai Kasang a matu nawng ya na nsi naisi hte sabyi ntsin n nga sai.

YOELA 1:16

Anhte a nsi naisi ni hten za mat sai majaw, karum la lam n nga sai ngu anhte mada yu ga ai. Anhte a Karai Kasang a Nawku Htingnu hta kabu gara ai lam n nga sai.

YOELA 1:9

Nawku Htingnu kata nawng ya na nsi naisi hte sabyi ntsin n nga sai; dai Madu a matu hkungga n lu manu ai majaw, hkinjawng ni sharung shayawt nga ma ai.

AMO LAIKA (AMOS) 5:15

N hkru ai amu hpe n dawng nga mu, teng man ai amu hpe tsaw ra nga mu, teng man rap ra ai tara gaw tara rung ni hta dang nga ai hpe mu lu nga ai. Dai Madu gaw naw hkrung ngam nga ai ndai amyu baw a amyu masha ni hpe mahkoi matsan chye dum la mai nhten.

YONA 1:6

Li agyi wa dai yang e shi hpe mu nna shi hpe, “Nang hpa rai yup nga n ta? Rawt nna karum la lam a matu na a karai kaw akyu hpyi u. Shi mi she anhte hpe myit dum nna anhte a asak ni hpe shalawt la dam nhten,” ngu nna tsun wu ai.

YONA 3:9

Karai Kasang gaw shi a myit galai kau nna pawt bu ai lam jahkring kau ai rai yang, anhte n si dam nhten!”

ZEHPANI 2:3

Dai Madu a hkang da ai ga matsun ni hpe madat mara let dai lamu ga na shagrit shanem ai amyu masha nlang hte e, Madu hpang de kayin wa marit. Teng man ai amu galaw mu, Dai Madu a man e nanhte hkum hpe shagrit shanem mu. Shi a masin kahtet ai hpe madun dan nna ari jaw na nhtoi kaw na nanhte mahkoi lawt wa lu na rai myit dai.

HAGI 2:19

Nai mam rai ti mung, sabyi ru rai ti mung, lakum hpun ni, hkainu si hpun ni hte tsanlun hpun ni hpa mi n htuk shapraw ya ai rai ti mung, ya aten kaw nna ngai nanhte hpe shaman chyeju jaw ya na nngai,” ngu nna tsun ai.

2 TIMOHTI 2:25

Tinang hpe n htan shai ninghkap ai ni hpe shading sharai ai hta sumnung shingdi si mani ai hku galaw ai wa rai ra ai; hpa majaw nga yang, shanhte gaw myit malai lu nna dai teng man ai lam hpe chye na wa na ahkang Karai Kasang shanhte hpe jaw yang jaw na ra ai.

YAWSHU 14:12

Dai rai nna, nye a masha ni hte ngai shiga jaw ai shani hta dai Madu ngai hpe ga sadi jaw ai dai bum ga ngai hpe jaw rit. Dai hta Anakim mying ai dai galu kaba ai masha ni, ngang ai bunghku hte kum da ai mare ni hta nga nga ai lam nang hpe anhte tsun dan saga ai. Dai Madu tsun ai ga hte maren, shi ngai hte rau nga nga u ga, shaloi shanhte hpe ngai shaden shapraw kau lu na nngai,” ngu nna tsun wu ai.

1 SAMUELA 6:5

Ndai mu shakrwi hte nanhte a mungdan hpe jahten shaza ai yu a kasi sumla ni hpe nanhte galaw lu na rai myit dai; Israela a Karai Kasang hpe nanhte shagrau sha-a lu na rai myit dai. Shaloi nanhte hpe mung nanhte a hpara ni hte nanhte a lamu ga hta na mung, shi ari jaw nga ai hpe mahkoi mi jahkring kau na ra ai nhten!