YOELA 2:12 - Jinghpaw Common Language Bible 2009

¹² Dai Madu gaw, “Ya rai ti mung, myit kraw asan sha hte myit malai wa nna, lusha gam, hkrap shabam nna sharung shayawt ai hte ngai hpang de nhtang wa marit.

Jinghpaw Hanson Version Bible

¹² Ya rai timung, Yehowa gaw, Lusha gam let, hkrap ngu hkrap ngoi nna, sharung shayawt let, nanhte a myit masin mahkra hte ngai hpang de nhtang wa marit:

YOELA 2:12 ပူးပေါင်းရင်းမြစ်များ

2 SAMUELA 24:10

Rai ti mung Dawi gaw yuptung jahpan hta la ngut jang, shi a myit kangi kanga rai nna shi hpe sharu hpang wa nga ai. Shi gaw dai Madu hpe, “Ndai amu galaw let hkrit hpa yubak langai ngai galaw shut kau se ai! Chyeju hte nye a mara raw dat kau ya e; ngai wa angawk ai hku amu galaw kau se ai,” ngu nna tsun wu ai.

2 HKAWHKAM LABAU 30:6

Hkawhkam wa hte shi a du salang ni hkang dat mu ai hte maren, shiga shana ai ni gaw Yuda hte Israela mung ting de jawt hkawm let ning ngu saw shaga dat ma ai: “Israela amyu masha ni e, nanhte gaw Asuri e gasat ka-up la ai kaw na naw hkrung nga lu ai ni rai myit dai. Dai re ai majaw dai Madu Abraham, Isak hte Yaku a Karai Kasang hpang de ya kayin wa marit; shi nanhte kaw kayin wa na ra ai.

2 HKAWHKAM LABAU 6:27

O Madu e, shanhte a hpyi nem ai ga hpe madat mara ya nna na a shangun ma ni rai nga ai Israela amyu masha ni a yubak mara ni hpe raw dat kau ya u. Jaw ai amu galaw na matu mung shanhte hpe sharin ya u law. O Madu e, na a amyu masha ni hpe nang jaw da ai htani htana sali ga ngu ai ndai na a lamu ga ntsa e marang htu ya mi law.

ESHTA 4:16

“Sa nna Susa mare hta nga ai Yuda masha ni yawng hpe jahpawng tawn u; lusha gam let nye a matu akyu hpyi ya mi. Masum ya tup shani shana hpa mung hkum lu hkum sha nga myit. Nye a shangun ma numsha ni hte ngai mung dai hte maren galaw na ga ai. Dai hpang tara tawt lai ti mung hkawhkam wa hpang de ngai shang na nngai. Ndai amu galaw ai a majaw ngai si lu na rai yang mung si na nngai.”

PRU MAT 33:5

Shanhte hpe ning ngu tsun na matu dai Madu gaw Mawshe hpe hkang da nu ai: “Nanhte gaw du ja ai amyu masha ni rai nga myit dai. Nanhte hte rau hkring mi sha pyi ngai hkawm ai rai yang, nanhte hpe atsai awai shamyit kau na mawe ai. Dai re ai majaw nanhte hpe kaning di na ngai daw dan lu n ga, ya jang, dai nanhte a ja lung seng ni raw kau mu.

ESAIA 22:12

Chyahtum Chyalai N-gun rawng ai Tsaw Htum ai dai Madu gaw nang hpe hkrap ngu hkrap ngoi ai, sharung shayawt ai, na a baw shangun na hte lachyit nba hpun na matu htet da nga ai.

ESAIA 58:4

Nanhte a lusha gam ai gaw kabring kabrawng du daw sai hkaw shabyin nna, nanhte gaw ga law ga la hte gasat gala nga myit dai. Dai zawn re ai lusha gam ai lam gaw nanhte a akyu hpyi ga ni hpe madat shangun na matu rai nga ai ngu, nanhte myit nawn da myit ni?

YEREMIA 3:22

Dai Madu kaw na kayin mat wa ai nanhte yawng hte e, nhtang wa marit; shi gaw nang hpe shamai shatsai nna nang hpe sadi dung shangun na ra ai. Nang gaw, “Rai sa, shi gaw anhte a Karai Kasang rai nga ai majaw, anhte dai Madu hpang de sa wa nga ga ai.

YEREMIA 36:7

Dai Madu gaw ndai amyu masha ni hpe shi a hkrit hpa pawt sindawng ai hte myit kahtet let jahkrit shama nu ai majaw, shanhte gaw n hkru n shawp ai amu kaw na kayin wa nhtawm dai Madu hpe akyu hpyi dam wa ma nhten.”

YEREMIA 4:1

Dai Madu gaw, “Israela amyu masha ni e, nang kayin wa mayu ai rai yang, ngai hpang de kayin wa marit. Nang ngai hta sadi dung ai rai yang ngai n dawng ai hpara sumla ni hpe htawt kau u,

YEREMIA 4:2

dai gaw nye a mying gang let dagam ai gaw, na a matu ding man ai amu tai na ra ai. Masha amyu baw ni yawng mung shanhte hpe shaman ya na matu ngai kaw hpyi na mara ai, shanhte gaw ngai hpe shakawn kungdawn na mara ai,” ngu nna tsun ai.

EZEKELA 33:11

Tsaw Htum ai dai Madu ngai gaw ahkrung nga ai Karai Kasang rai nga nngai, dai majaw yubak kap ai wa si mat wa na hpe yu kabu nga nngai n rai. Yubak galaw ai hpe kau da nna hkrung nga na hpe ngai yu sharawng nga nngai ngu shanhte hpe htawn tsun u. Israela e, nang galaw nga ai dai n hkru n shawp ai amu hpe kau da u. Nang hpa majaw si mayu nga n ta?

Daniela 9:3

Ngai gaw lusha gam let lachyit nba bu hpun nhtawm wan dap galu ai hte Madu Karai Kasang kaw akroi anoi akyu hpyi let hpyi nem nngai.

HOSEA 12:6

Dai rai nna ya chyawm gaw, Yaku a amyu matu mara ni e, nanhte a Karai Kasang hpe kam hpa nga mu; shi kaw nhtang wa mu. Teng man ai hte sadi dung nga let, nanhte a Karai Kasang galaw na amu hpe myit n yaw ai sha ala nga mu.

HOSEA 12:7

Dai Madu gaw, “Israela amyu masha ni gaw Hkanan masha ni zawn n ding n man nga ma ai; shanhte gaw n man ai joi jang ni hte shanhte a arai mari hkyawt la ai ni hpe maw sha na sharawng nga ma ai.

HOSEA 14:1

Israela amyu masha ni e, nanhte a yubak gaw nanhte hpe ahtu kataw shangun nga manit dai majaw dai Madu nanhte a Karai Kasang hpang de nhtang wa mu.

HOSEA 6:1

Amyu masha ni gaw, “Anhte dai Madu hpang de nhtang wa saga! Shi gaw anhte hpe machyi shangun nu ai, rai ti mung shi gaw anhte hpe teng teng shamai shatsai ya na ra ai; shi gaw anhte hpe nma shakap ya nu ai, rai ti mung shi gaw anhte a nma ni hpe kayawp ya na ra ai, shi galaw na n rai ni?

YOELA 1:13

Tawn hkungri hta daw jau amu galaw ai hkinjawng ni e, lachyit nba hpun let hkrap nga mu! Nawku Htingnu kata shang nna shana tup sharung shayawt mu! Nanhte a Karai Kasang a matu nawng ya na nsi naisi hte sabyi ntsin n nga sai.

ZEHKARIA 7:3

hkinjawng ni hte myihtoi ni hpe, “Anhte gaw nde nlaw ning na hkra anhte galaw nga saga ai hte maren shata manga hta lusha gam let Nawku Htingnu hten run mat ai majaw, anhte naw sharung shayawt ang na ga ni?,” ngu ai ga san hpe san yu na matu mung shangun dat mu ai.

ZEHKARIA 7:5

Shi gaw, “Ndai sanit shi ning laman shata manga hte shata sanit hta, lusha gam nna hkrap ngu hkrap ngoi myit yang, dai gaw ngai hpe shagrau sha-a ai amu n rai nga myit dai lam mungdan amyu masha ni hte

MALAHKI 1:9

Ya chyawm gaw, hkinjawng ni e, Karai Kasang anhte hta mai kaja nga na matu hpyi shakut mu. Shi gaw nanhte a akyu hpyi ga hpe htan ya na n rai. Dai gaw nanhte a shut ai lam tai na ra ai.

KASA 26:20

Dai lam hpe shawng nnan Damasku mare, dai hpang Yerusalem mare hte Yuda mung ting na masha ni hte maigan amyu masha ni myit malai lu nna Karai Kasang hpang de kayin wa nhtawm myit malai hte gingdan ai arawn alai shachyen mu ga, ngai hkaw dan nngai.

TARA AGYI 2:4

Lamu kasa gaw dai lam tsun wu ai shaloi, Israela amyu masha ni yawng jahtau hkrap hpang wa ma ai;

TARA AGYI 20:26

Dai hpang amyu masha ni yawng Behtela mare de lung wa nhtawm sharung shayawt nga ma ai. Shanhte gaw dai yang na dai Madu a man e dung nga let shana de du hkra n lu n sha rai ma ai. Shanhte gaw dai Madu a man e mahku hkungga ni hte hkum ting nat nawng ai shagu hkungga nkau mi nawng jau ma ai.

1 SAMUELA 7:3

Samuela gaw Israela amyu masha ni hpe, “Nanhte a myit kraw lawang mahkra hte dai Madu hpang de kayin wa myit dai rai yang, maigan hpara ni yawng hte karai num Astarte a sumla ni hpe yeng seng kau lu na rai myit dai. Nanhte nan dai Madu hta tsep kawp ap nawng nna shi hpe chyu sha nawku myit dai rai yang, Hpilisti masha ni a lata na shi nanhte hpe hkye mawai la na ra ai,” ngu nna tsun wu ai.

1 SAMUELA 7:6

Dai rai nna, shanhte yawng mung Mizpa shara e zup hpawng ma ai. Hka loi mi hpe mung shanhte ja la nhtawm dai Madu a matu hkungga nawng ya ai zawn dai hpe ru hkaw ma ai; shing rai shani tup lusha gam ma ai. Shaloi shanhte gaw, “Dai Madu hpe anhte shut kau saga ai law,” ngu nna tsun ma ai. (Ndai gaw Mizpa shara e Israela masha ni hpe Samuela tara dara ya ai lam rai nga ai.)