YOELA 2:11 - Jinghpaw Common Language Bible 2009

¹¹ Dai Madu gaw shi a hpyen hpung hpe nsen sharawt dat wu ai. shi a ga madat ai hpyen hpung ni law ai hte n-gun rawng nga ma ai. Dai Madu a nhtoi gaw kade sha hkrit hpa rai nga a hka! Kadai wa hkrung nga lu na rai ta?

Jinghpaw Hanson Version Bible

¹¹ Yehowa gaw shi a luksuk ni a man e, shi a nsen sharawt nga ai; shi a hpyen dap gaw, nachying gaba nga ai; shi a mungga hpajang ai wa gaw, n-gun ja nga ai: kaning rai nme law, Yehowa a nhtoi gaw, galu kaba ai hte grai hkrit mai ai nhtoi rai nga ai; kadai wa hkam lu na rai ta?

YOELA 2:11 ပူးပေါင်းရင်းမြစ်များ

SHAKAWN KUNGDAWN 18:14

Shi gaw shi a pala ni hpe gap dat nna, shi a gumlau hpyen ni hpe shabra kau nga ai; myi hprap ni hpe shanhte hpang de dat dat nna jahprawng kau mu ai.

SHAKAWN KUNGDAWN 46:6

Masha amyu ni hkrit kajawng nga masai, mungdan ni ashun awam nga masai; Karai Kasang gaw mu shangoi dat wu ai hte mungkan ga gaw byawng mat nga ai.

SHAKAWN KUNGDAWN 68:18

Bawng masha law law hte rau dai tsaw ai bum ntsa de shi lung wa nga ai; shi gaw gumlang ai masha ni kaw na kumhpaw kumhpa law law hpe hkap la da nga ai. Dai Madu Karai Kasang gaw dai shara hta shanu nga na ra ai.

ESAIA 13:4

Bum ni a ntsa e garu kachyi nga ai-masha wunawng wuwa kaba a nsen, masha amyu baw ni a nsen hte mungdan ni zup hpawng nga ai nsen ni hpe madat mu. Hpyen luksuk ni a dai Madu gaw majan a matu shi a hpyen hpung ni hpe hkyen da nga ai.

ESAIA 42:13

Dai Madu gaw share ninghkrin wa zawn gasat na pru sa nga ai; shi gaw majan gasat na matu jin jin rai nna myit katu nga ai. Shi gaw majan hta jahtau nna garu nga ai; shi gaw shi a gumlau hpyen ni hpe ninghkap na matu shi a daru magam n-gun hpe madun nga ai.

ESAIA 7:18

“Dai aten du ai shaloi, dai Madu gaw Nila hka nu a hka hku jahtum maga de nga ai hka shi, hka gai hkan nga ai jinu ni zawn law ai Egutu amyu masha ni hte, lagat zawn law ai Asuri masha ni hpe shanhte a mungdan kaw nna du sa wa na matu, lahpyaw hpyaw ai kumla hte shaga dat na ra ai.

YEREMIA 25:30

Yeremia e, nang gaw ngai tsun ai lam yawng mayawng hte hpe hkaw tsun na rai nga ndai. Nang gaw ndai amyu masha ni hpe, ‘Dai Madu gaw sumsing lamu kaw na shabam ai hte sumsing lamu a tsaw ai shara kaw nna mu shangoi dat na ra ai. Shi gaw shi a amyu masha ni hpe shabam nna, sabyi si kabye ai wa zawn marawn jahtau na ra ai. Ginding aga ntsa na masha shagu hte gaw shi a nsen hpe na na mara ai,

YEREMIA 30:7

Hkrit hpa nhtoi gaw du magang wa ra ai; dai hte shadawn lu ai kaga nhtoi mi n nga nga ai- nye a amyu masha ni a matu ru yak tsin-yam tsindam aten rai nga ai, rai ti mung, shanhte naw ngam nga na mara ai.”

YEREMIA 50:34

Rai ti mung, shanhte hpe hkye mawai la ai wa gaw n-gun rawng nga ai wa rai nna, shi a amying gaw Chyahtum Chyalai N-gun Rawng ai dai Madu rai nga ai. Shi hkum nan shanhte a amu hpe lit la nna, mungkan ga de ngwi pyaw sim sa lam jaw ya na ra ai, rai ti mung, Babelon masha ni hpang de gaw ru yak tsin-yam tsindam rai na ra ai,” ngu nna tsun ai.

EZEKELA 22:14

Ngai nang hte amu shangut ai shaloi, nang hta nsen marai mung, na a lata sharawt lu na n-gun atsam mung naw ngam na ra ai ngu, nang myit nawn da wu ni? Dai Madu ngai tsun ni ai hte maren, nye a mungga hpe ngai shatup na nngai.

YOELA 1:15

Dai Madu a nhtoi gaw ni magang wa ra ai, dai nhtoi hta Chyahtum Chyalai N-gun rawng ai wa jahten shaza na ra ai. Dai shani e hkrit kajawng hpa pru wa na ra ai!

YOELA 1:6

Dinggam-yaw hpyen hpung mi anhte a mungdan hpe gasat masai; shanhte gaw n-gun ja nna n dang hti hkra law nga ma ai; shanhte a awa gaw hkanghkyi a awa zawn masen nga ai.

YOELA 2:1

Karai Kasang a chyoi pra ai kawng, Ziun hta e, pahtau dum mu; shadum ai nsen shapraw mu. Yuda amyu masha ni e, hkrit gari nga mu! Dai Madu a nhtoi gaw kade n na yang du wa na ra ai.

YOELA 2:2

Dai nhtoi gaw nsin sin nna, sin mak nhtawm chyang htat ai hte sumwi mung ai shani rai na ra ai. Bum ni a ntsa e nsin ka-up nga ai zawn n-gun ja ai dinggam-yaw hpyen hpung ni rawt lung wa nga ai. Dai zawn re ai gaw shawng de galoi mung n byin yu, htawm hpang de mung, galoi mung bai byin sana ra ai n rai.

YOELA 2:25

Nanhte a nsi naisi ni sha kau ya ai dinggam-yaw unawng ni a majaw nanhte sum mat ai shaning ni a matu, ngai bai nhtang jaw na made ai. Dai gaw nanhte hpe ninghkap na matu ngai shangun dat ai hpyen hpung rai nga ai.

YOELA 2:31

Galu kaba re ai hte hkrit mai ai dai Madu a Nhtoi garai n du yang, ajan gaw nsin sin mat wa nna shata gaw sai zawn hkyeng mat na ra ai.

YOELA 3:14

Hkying hkying law nga ai masha wunawng wuwa gaw Tara Jeyang ai Kadit hta nga nga ma ai. Dai yang e, dai Madu a nhtoi kade n na yang du wa na ra ai.

YOELA 3:16

Dai Madu gaw Ziun Bum kaw nna shabam dat nhtawm, shi a nsen Yerusalem kaw na ngoi kadu nga ai; Ginding aga hte sumsing lamu gari ashun nga ai. Rai ti mung, shi gaw shi a amyu masha ni hpe makawp ninggang tai ya na ra ai.

AMO LAIKA (AMOS) 1:2

Amo gaw, “Dai Madu gaw Ziun Bum kaw na shabam nga ai; shi a nsen hpe Yerusalem kaw na sharawt dat nga ai. Udat shara ni hkun hkraw mat nna Hkarmela Bum ntsa na tsing nyui mat nga ai,” nga nna tsun wu ai.

AMO LAIKA (AMOS) 5:18

Dai Madu a nhtoi hpe ala nga ai nanhte a matu kade sha hkrit hpa rai nga a hka! Dai shani e, nanhte mai kaja lam hpa baw galaw lu na rai myit ni? Dai shani gaw nanhte a matu nhtoi n rai, nsin a shani tai na ra ai.

AMO LAIKA (AMOS) 5:20

Dai Madu a shani gaw nhtoi n rai, nsin tai na ra ai; dai shani gaw sin mak wa nna, hpa mung htoi tu na ra ai n rai.

OBEDIA 1:15

“Dai Madu ngai gaw masha amyu baw ni hpe tara jeyang na nhtoi ni wa nga sai. Edom e, nang galaw nit dai hte maren, nang bai hkam sha ra na rin dai. Nang jaw ya nit dai hte maren, nang bai hkam la lu na ra ai.

NAHUM 1:6

Shi pawt sindawng ai shaloi, kadai hkrung nga lu a ta? Shi a hkrithpa masin kahtet ai a majaw, kadai hkrung lu nga a ta? Shi gaw agrung nga ai shi masin kahtet ai hpe ru bun nga ai; shi a man e, lunghkrung ni ga nhpu zawn agrawp mani mat nga ai.

MALAHKI 3:2

Rai ti mung, shi du ai nhtoi hpe kadai hkam sharang lu na rai ta? Shi dan pru yang kadai wa hkrung nga lu na rai ta? Shi gaw ja ai sabya zawn nhprang arai hpe shatsawm ai wan zawn rai na ra ai.

BU HKAWM 24:23

Balam gaw ndai myihtoi ga tsun shapraw wu ai: “Dingdung de hpawng nga ai ndai amyu masha ni gaw Kadai ni rai nga ma ta?

1 HTESALONI 4:16

Dai Madu a jahtau garu ai hte hkang da ai ga, lamu kasa agyi a nsen, Karai Kasang a pahtau nsen hte Madu shi nan sumsing lamu kaw nna yu hkrat wa na ra ai. Hkristu hpe kam sham nna si mat wa ai ni gaw shawng numshawn e hkrung rawt wa na mara ai.

SHINGRAN 18:8

Dai lam a majaw, ari zinli ni, yawn hkyen ai lam ana zinli hte hku hku ai lam ni gaw, lani jan hta sha shi kaw du nna, wan hte nat shakrawp kau ai shi hkrum na ra ai. Hpa majaw nga yang, shi hpe tara jeyang daw dan ai Karai Kasang gaw, n-gun atsam kaba rawng nga ai,” nga nna tsun ai.

SHINGRAN 6:17

Shan a hkrithpa pawt bu ai nhtoi kaba nang e du ra ai rai nna, kadai wa mi dai hpe tsap shingdang da lu na rai nga a ni?,” nga ma ai.