YOELA 2:1 - Jinghpaw Common Language Bible 2009

¹ Karai Kasang a chyoi pra ai kawng, Ziun hta e, pahtau dum mu; shadum ai nsen shapraw mu. Yuda amyu masha ni e, hkrit gari nga mu! Dai Madu a nhtoi gaw kade n na yang du wa na ra ai.

Jinghpaw Hanson Version Bible

¹ Ziun mare hta e, pahtau dum mu; nye a chyoi pra ai bum ntsa e garu jahtau mu; mung masha ni yawng hkrit gari nga mu ga; kaning rai nme law, Yehowa a nhtoi du ra ai, dai gaw ni magang ra ai:

YOELA 2:1 ပူးပေါင်းရင်းမြစ်များ

1 HKAWHKAM LABAU 15:28

Dai rai nna Israela masha ni yawng kabu gara jahtau garu let pahke, pahtau hte shupsheng ni dum ai hte tingse, doria ni hpe shangoi nhtawm Ga Shaka Sumpu a hpang hkan gumbawm nang let Yerusalem mare de hpai lung wa ma ai.

SHAKAWN KUNGDAWN 119:120

Na a majaw, ngai hkrit gari nga nngai, na a tara dara ai lam ni a majaw, ngai hta hkrit kamyin ai myit hpring nga nngai.

SHAKAWN KUNGDAWN 87:1

Madu gaw shi a mare hpe chyoi pra ai bum ntsa e, de da nu ai;

PRU MAT 10:14

Dai ni gaw mungdan ting a ntsa e shang kahpoi nna hkrat ka-up nga ma ai. Dai gaw nachying kaba ai dinggam-yaw wunawng mi rai nna, shawng de mung n byin yu, hpang de mung dai zawn re ai hpe bai mu lu na ra ai n rai.

ESAIA 13:6

Nchyi nmu jahtau hkrap mu! Dai Madu a nhtoi ni wa nga sai, Chyahtum Chyalai N-gun rawng ai wa jahten sharun kau na nhtoi du wa ra ai.

ESAIA 13:9

Dai Madu a nhtoi du wa nga sai, dai nhtoi gaw pawt sindawng ai hte masin kahtet ai shi a gumshem ai nhtoi rai na rai nga ai. Ginding aga gaw nam mali tai mat nna yubak lu ai masha shagu jahten sharun kau hkrum na mara ai.

ESAIA 2:12

Dai shani e, Chyahtum Chyalai N-gun rawng ai dai Madu gaw daru magam n-gun rawng ai masha shagu hpe mung, gumrawng gumtawng nna rai dum ai masha shagu hte hpe mung shagrit kau na ra ai.

ESAIA 66:2

Ngai hkum nan nga yawng danghta n-gawn tawa ting hpe hpan da ni ai! Ngai gaw shagrit shanem ai hte myit malai lu nna ngai hpe hkrit kamyin ai hte nye a ga madat mara ai ni hpe awng sharawng nga nngai.

ESAIA 66:5

Shi hpe hkrit kamyin ai hte shi a ga madat mara nga ai nanhte gaw dai Madu ning nga tsun ai ga hpe madat mu: “Nang gaw ngai hta sadi dung nga ndai majaw, na a amyu masha majing na nkau mi ngai hpe n ju ai hte nang hte hpa amu mung galaw na mara ai n rai. Shanhte gaw nang hpe ashu ai hte, ‘Dai Madu gaw shi a galu kaba ai hpe madun nna nang hpe hkye la u ga, shaloi nang kabu gara ai hpe anhte mu lu n-ga,’ ngu nna tsun ma ai. Rai ti mung shanhte nan kaya kahpa hkrum na mara ai!

YEREMIA 16:10

“Nang shanhte hpe ndai lam yawng tsun dan ai shaloi, ngai shanhte hpe hpa majaw laja lana re ai hku ari jaw na daw dan wu ai kun?, nga nna nang hpe san yu na mara ai. Shanhte a mara gaw kaning re ai ru hka amu rai nga ai hpe mung, dai Madu shanhte a Karai Kasang hpe shut hpyit kau ai yubak gaw kaning re ai rai kun?, nga nna shanhte san pru wa na mara ai.

YEREMIA 16:7

Tinang tsaw ra ai wa si mat ai shaloi, shi hpe shalan shabran na matu kadai mung lu sha na ra ai n rai; shi a kanu yan kawa si mat tim pyi, kadai mung shi a matu matsan dum ai myit madun dan na ra ai n rai.

YEREMIA 4:5

Mungdan ting hta pahtau dum mu! Mahku nsen pra pra hte ja ja jahtau mu! Bunghku kum da ai mare ni de hprawng kagat mat wa na matu Yuda hte Yerusalem amyu masha ni hpe tsun u.

YEREMIA 5:22

Ngai gaw dai Madu rai nga nngai; nang ngai hpe hpa majaw n hkrit kamyin nga n ni? Nang gaw hpa majaw nye a man e n hkrit gari nga n ta? Ngai gaw panglai hka n lai lu hkra zaibru hpe agrin nga ai lamu ga jarit zawn tawn da ni ai. Panglai hka ni kanawng ti mung, dai hpe lai lu ai n rai; hka leng ni hta wa ti mung shanhte lai di lu ai n rai.

EZEKELA 12:23

Ya chyawm gaw, Tsaw Htum ai dai Madu ngai nan dai hpe lakap nna tsun ai ga, shanhte hpe htawn tsun u. Ngai gaw dai ga shagawp hpe shamat shaprai kau na nngai. Dai ga hpe Israela amyu masha ni hta galoi mung kahtap tsun sana ma ai n rai. Shing nga tsun na malai, dai aten ladaw gaw du sai, tau tsun da ai ga ni mung teng teng byin nga sai!, ngu nna shanhte hpe tsun u, nga ai.

EZEKELA 21:12

Si chye ai masha wa e, yawn hkyen ai hte hkrap shabam u; ndai nhtu gaw nye a amyu masha ni hte Israela ningbaw ni yawng a matu rai nga ai hpe lachyum shadan nga ai. Shanhte gaw naw ngam nga ai nye a amyu masha ni yawng hte rau sat kau ai hkrum na mara ai. Myit htum ai hte na a sinda lahtum u!

EZEKELA 30:3

Dai shani gaw ni wa nga ai. Dai Madu amu galaw na ra ai shani ni wa ra ai. Dai shani gaw sumwi htat ai hte masha amyu baw ni a matu ru yak tsin-yam hkrum ai shani gaw ni nga sai.

EZEKELA 33:3

Shi gaw gumlau hpyen wa shani sa wa ai hpe mu ai shaloi, masha shagu hpe tau shadum na matu hpyen kajawng nsen shangoi dat wu ai.

EZEKELA 33:6

Shing n rai, sin langa wa gaw gumlau hpyen sa wa ai hpe mu nna shadum ai nsen n shapraw ai rai yang chyawm gaw gumlau hpyen wa sa wa nna mara kap ai ni hpe sat kau na ra ai; rai ti mung ngai gaw shanhte a si hkrung si htan a matu lit nga ai dai sin langa wa hpe bunglat hka hpyi na nngai.

EZEKELA 7:10

Tsin-yam tsindam nhtoi gaw du ra ai. Kashun kashe du daw sai hkaw amu gaw prut gumjawm lung wa nga ai. Gumrawng gumtawng ai mung tsaw dik sai.

EZEKELA 7:12

Aten gaw du wa ra ai. Karai Kasang a sindawng kahtet ai gaw masha shagu a ntsa de maren sha di hkrat bun na ra ai majaw, dut mari ai amu loi mi pyi lachyum n pru ai nhtoi gaw ni wa nga sai.

Daniela 6:26

Nye a mungdan ting hta nga nga ai masha shagu hte gaw Daniela a Karai Kasang hpe hkrit kamyin ai hte hkungga lara ang nga ai ngu, ngai hkang da nngai. “Shi gaw ahkrung nga ai Karai Kasang rai nga ai, shi gaw htani htana up hkang na ra ai. Shi a mungdan galoi mung hten run mat na ra ai n rai, shi a daru magam n-gun galoi mung htum mat na ra ai n rai.

Daniela 9:16

Nang gaw lai sai prat hta anhte hpe makawp maga la nit dai rai nna Yerusalem mare hpe loi mi mung masin hkum yu pawt et. Dai gaw na a mare, na a chyoi pra ai kawng rai nga ai. Anhte a yubak mara ni hte anhte a kaji kawa ni galaw ai n hkru ai lam ni a majaw htingbu mungdan hkan na masha ni yawng hte gaw Yerusalem mare hte na a amyu masha ni hpe yu kaji kau manu ai.

Daniela 9:20

Ngai gaw akyu matut hpyi nga nngai rai nna, nye a yubak ni hte nye a amyu masha Israela masha ni a yubak ni hpe la let shi a chyoi pra ai Nawku Htingnu bai gram lajang gaw gap na matu dai Madu nye a Karai Kasang hpe hpyi nem nga nngai.

HOSEA 5:8

Gibea hta majan pahke dum dat mu! Rama hta majan nsen kajawng shadum dat mu! Betawen e majan nsen jahtau garu mu! Benyamin masha ni e, majan gasat mu!

HOSEA 8:1

Dai Madu gaw ning nga tsun ai: “Pahtau dum dat mu! Gumlau hpyen ni gaw nye a mungdan de galang ni zawn htim yu wa ma hka! Nye a amyu masha ni gaw shanhte hte ngai tawn da ai ga shaka hpe jahten kau nhtawm nye a sharin shaga ai ga hpe gumlau kau manu ai.

YOELA 1:15

Dai Madu a nhtoi gaw ni magang wa ra ai, dai nhtoi hta Chyahtum Chyalai N-gun rawng ai wa jahten shaza na ra ai. Dai shani e hkrit kajawng hpa pru wa na ra ai!

YOELA 2:11

Dai Madu gaw shi a hpyen hpung hpe nsen sharawt dat wu ai. shi a ga madat ai hpyen hpung ni law ai hte n-gun rawng nga ma ai. Dai Madu a nhtoi gaw kade sha hkrit hpa rai nga a hka! Kadai wa hkrung nga lu na rai ta?

YOELA 2:15

Ziun Bum hta pahtau dum mu; lusha gam na nhtoi hkang dat ai hte shawa hpawng shaga da mu!

YOELA 2:31

Galu kaba re ai hte hkrit mai ai dai Madu a Nhtoi garai n du yang, ajan gaw nsin sin mat wa nna shata gaw sai zawn hkyeng mat na ra ai.

YOELA 3:14

Hkying hkying law nga ai masha wunawng wuwa gaw Tara Jeyang ai Kadit hta nga nga ma ai. Dai yang e, dai Madu a nhtoi kade n na yang du wa na ra ai.

YOELA 3:17

“Dai hpang, Israela e, ngai gaw dai Madu nanhte a Karai Kasang rai nga nngai hpe nanhte chye na marin dai. Ngai gaw Ziun ngu ai nye a chyoi pra ai kawng hta nga nga nngai. Yerusalem gaw chyoi pra ai mare tai wa nna; maigan masha ni dai mare hpe galoi mung bai ka-up lu na mara ai n rai.

AMO LAIKA (AMOS) 3:6

Mare kata hta majan pahtau dum ai nsen na yang, mare masha ni n hkrit na ma ni? Dai Madu gaw tsin-yam tsindam n dat dat yang, dai mare hta byin lu na rai nga a ni?

AMO LAIKA (AMOS) 5:18

Dai Madu a nhtoi hpe ala nga ai nanhte a matu kade sha hkrit hpa rai nga a hka! Dai shani e, nanhte mai kaja lam hpa baw galaw lu na rai myit ni? Dai shani gaw nanhte a matu nhtoi n rai, nsin a shani tai na ra ai.

AMO LAIKA (AMOS) 8:2

Dai Madu gaw, “Amo e, nang hpa mu n ta?,” nga nna san wu ai. Ngai gaw, “Namsi ka langai,” ngu nna htan we ai. Dai Madu gaw ngai hpe, “Jahtum ai gaw nye a amyu masha Israela ni a matu du nga sai. Ngai gaw shanhte hpe ari jaw na hte seng nna nye a myit bai galai na n rai.

OBEDIA 1:15

“Dai Madu ngai gaw masha amyu baw ni hpe tara jeyang na nhtoi ni wa nga sai. Edom e, nang galaw nit dai hte maren, nang bai hkam sha ra na rin dai. Nang jaw ya nit dai hte maren, nang bai hkam la lu na ra ai.

ZEHPANI 1:14

Dai Madu a galu kaba ai nhtoi gaw ni wa ra ai; dai gaw grai ni wa ai hte grai lawan du wa nga ai! Dai shani gaw ahkup ahka nga na ra ai, dai sharung shayawt ai nhtoi shani e, share shagan ai hpyenla ni pyi myit htum ai hte marawn jahtau wa na mara ai!

ZEHPANI 1:16

bunghku kum ai mare ni hte tsaw ai hpyen dap ni hpe htim gasat let majan pahtau dum nna garu jahtau ai nhtoi rai na ra ai.

ZEHPANI 1:7

Dai Madu gaw mungkan masha ni hpe tara tingnyang hta dung nna jeyang na nhtoi ni wa magang ra ai; dai majaw shi a man e asim sha nga nga mu. Dai Madu gaw shi a amyu masha ni hpe hkungga nawng jau ya na matu poi shachyip lajang ya nga ai hte Yuda mung hpe hpya kau na matu gumlau hpyen ni hpe shaga da nga nu ai.

ZEHPANI 3:11

Nanhte ngai hpe gumlau nga myit ti mung, dai shani e nanhte nye a amyu masha ni kaya kahpa loi mi sha pyi hkrum ra na myit dai n rai; gumrawng gumtawng ai hte myit tsaw myit dap nga ai masha hkum shagu hpe ngai la kau na nngai; nanhte mung ngai hpe nye a chyoi pra ai bum ntsa e galoi mung bai gumlau rawt lu na n rai myit dai.

ZEHKARIA 14:1

Dai Madu shi a tara tingnyang hta dung na ra ai aten gaw ni wa nga sai. Shaloi Yerusalem gaw lanep kashun la hkrum na ra ai; dai lanep ni nanhte a man e karan la na mara ai.

ZEHKARIA 8:3

Nye a chyoi pra ai mare Yerusalem de ngai nhtang wa nna dai mare e wa nga nga na nngai. Dai mare gaw sadi dung ai mare zawn gumhkawng wa nna Chyahtum Chyalai N-gun rawng ai dai Madu a kawng gaw chyoi pra ai kawng ngu na ra ai.

MALAHKI 4:1

Chyahtum Chyalai N-gun rawng ai dai Madu gaw, “Dai nhtoi gaw gumrawng gumtawng ai ni hte n hkru ai masha ni yawng yihku zawn hkru mat ai shaloi du na ra ai. Dai shani e, shanhte hkru mat nna dai yang e shanhte kadai mung ngam nga na mara ai n rai.

BU HKAWM 10:2

“Amyu masha ni hpe shaga na matu mung, dap gun yang lang na matu mung, gumhpraw hte dup ai pahtau lahkawng galaw u.

BU HKAWM 10:3

Pahtau lahkawng yan hpe nsen galu hku dum dat yang, shawa hpung ting gaw nye a hpung shingkang shanu nga ai Sum chyinghka lam de nang kaw sa zup lu na rai ma ai.

1 KORINHTU 14:8

Pahke dum ai wa gaw mahku nsen hpe ginhka nna asan sha n dum n shaga yang gaw, kadai wa hpyen rawt na matu hkyen shajin lu na a ta?

HPILIPI 2:12

Dai re ai majaw ngai tsaw ra nga ai ni e nanhte hte ngai rau nga ai aten hta nanhte galoi mung nye a ga hpe madat mara myit dai zawn ya mung nanhte hte tsan gang nga ai ten hta nye a ga madat mara na gaw grau nna pyi ra ahkyak nga ai. Dai rai nna nanhte gaw hkye hkrang la ai lam hpe hpring tsup hkra lu la mu ga hkrit gari ai hte shachyen shatsup nga mu.

1 HTESALONI 5:2

Hpa majaw nga yang, Madu bai du sa na nhtoi gaw, shana aten e sa ai lagut zawn du sa na ra ai hpe nanhte nan atsawm sha chye nga myit dai.

YAKU 5:8

Nanhte mung dai zawn myit galu let hkam sharang nga mu. Nanhte a myit mada ai lam hpe shangang shakang mu; hpa majaw nga yang Madu bai du sa na nhtoi gaw ni wa magang ra ai.

1 PETRU 4:7

Arai yawng mayawng a hpang jahtum ai aten gaw ni wa magang ra ai, Dai re ai majaw nanhte gaw akyu hpyi lu na matu tinang hkum hpe hkang da nna su hprang let majen maja nga mu.

SHINGRAN 6:17

Shan a hkrithpa pawt bu ai nhtoi kaba nang e du ra ai rai nna, kadai wa mi dai hpe tsap shingdang da lu na rai nga a ni?,” nga ma ai.