YOELA 1:9 - Jinghpaw Common Language Bible 2009

⁹ Nawku Htingnu kata nawng ya na nsi naisi hte sabyi ntsin n nga sai; dai Madu a matu hkungga n lu manu ai majaw, hkinjawng ni sharung shayawt nga ma ai.

Jinghpaw Hanson Version Bible

⁹ Yehowa a nta kata e, lusha kumhpa hte dumhpung hkungga, htum mat sai: Yehowa a amu gun hpai ai hkinjawng ni gaw, yawn hkyen nga ma ai.

YOELA 1:9 ပူးပေါင်းရင်းမြစ်များ

2 HKAWHKAM LABAU 13:10

“Rai ti mung dai Madu anhte a Karai Kasang hpe anhte naw daw jau nga ga ai rai nna shi hpe n kau da ga ai. Arun kaw nna pra hkrat wa ai hkinjawng ni mung shanhte a lit ni hpe gun hpai nga ma ai rai nna Lewi masha ni shanhte hpe karum madi shadaw la nga ma ai.

PRU MAT 28:1

“Na a nhpu Arun hte shi a shadang Nadab, Abihu, Eleaza hte Ihtama ni hpe shaga la nna shanhte hpe Israela amyu masha ni kaw na garan jahka tawn na lam tsun u; shanhte gaw hkinjawng amu gun hpai let ngai hpe daw jau na rai ma ai.

ESAIA 61:6

Nang gaw dai Madu a hkinjawng ni hte Anhte a Karai Kasang a shangun ma ni hku gumhkawng na rai ndai. Nang gaw masha amyu baw ni a sut gan hta kabu gara wa nna Dai gaw na a sut gan tai wa ai hte gumrawng wa na ndai.

SHARUNG SHAYAWT 1:16

“Dai re ai majaw, nye a myi ni gaw myi prwi ni hte kabrat nga li ai. Kadai mung ngai hpe shalan shabran lu ai n rai; kadai mung ngai hpe nden marai shajat ya lu ai n rai. Gumlau hpyen gaw ngai hpe ka-up dang kau nu ai; nye a amyu masha ni hpa mung n lu mat manu ai.

SHARUNG SHAYAWT 1:4

Ya chyawm gaw chyoi pra ai shani ni hta nawku na matu Nawku Htingnu de kadai mung n sa nga ai. Dai shara hta mahkawn shakawn ai mahkawn ma ni nni nkri hkrum ma ai, hkinjawng ni mung madai sharung nga ma ai. Mare chyinghka ni gaw katsi katsang rai nna, Ziun gaw tsin-yam tsindam hkrum nga ai.

HOSEA 9:4

Shanhte gaw ndai maigan mung ni hta dai Madu hpe sabyi hkungga nawng ya lu na n rai; shi a matu shagu hkungga la sa ya lu na n rai. Dai hpe sha ai ni langai hte langai gaw makoi mayang lusha sha ai zawn awu asin rai nga ai. Dai gaw shanhte kawsi kyet ai shaloi myit shadik sha ai lusha rai nga ai; dai hpe Madu a Nawku Htingnu de hkungga shatai na matu la sa mai na n rai.

YOELA 1:13

Tawn hkungri hta daw jau amu galaw ai hkinjawng ni e, lachyit nba hpun let hkrap nga mu! Nawku Htingnu kata shang nna shana tup sharung shayawt mu! Nanhte a Karai Kasang a matu nawng ya na nsi naisi hte sabyi ntsin n nga sai.

YOELA 1:16

Anhte a nsi naisi ni hten za mat sai majaw, karum la lam n nga sai ngu anhte mada yu ga ai. Anhte a Karai Kasang a Nawku Htingnu hta kabu gara ai lam n nga sai.

YOELA 2:14

Dai Madu nanhte a Karai Kasang gaw shi a myit chye galai ai hte nanhte hpe ndaw nhta re ai nsi naisi ni shaman ya na ra a dawng. Dai hpang, nanhte shi hpe nsi naisi hte sabyi ntsin nawng ya lu na myit dai.

YOELA 2:17

Tawn hkungri hte Nawku Htingnu chyinghka lam lapran dai Madu hpe daw jau nga ai hkinjawng ni mung hkrap ai hte ning ngu akyu hpyi ma ai: “Madu e, na a amyu masha ni hpe matsan dum la mi law. Kaga masha amyu ni, ‘Nanhte a Karai Kasang kanang nga nga a ta?,’ nga nna tsun let anhte hpe asawng asang di nna n ashu kau shangun u ga law.’”