YOELA 1:4 - Jinghpaw Common Language Bible 2009

⁴ Nsi naisi ni hta dinggam-yaw wunawng mi a hpang wunawng mi kap nga ma ai; wunawng mi sha kamawng mat wa ai hpang wunawng mi sha kau nga ai.

Jinghpaw Hanson Version Bible

⁴ Shingtai ngam da ai gaw, dinggam-yaw sha kau sai; dinggam-yaw ngam da ai gaw, hkakrit sha kau sai; hkakrit ngam da ai gaw, shingchyut sha kau sai.

YOELA 1:4 ပူးပေါင်းရင်းမြစ်များ

1 HKAWHKAM 8:37

“Dai mungdan hta hkuwa wa ai, ana zinli, kahtet kang ai nbung a majaw hten za mat ai nsi naisi, dinggam-yaw prang hkawm ai, na a amyu masha ni gumlau hpyen ni e htim gasat hkrum ai,

2 HKAWHKAM LABAU 6:28

“Dai mungdan hta hkuwa wa ai, ana zinli, kahtet kang ai nbung hte dinggam-yaw a majaw hten za mat ai nsi naisi, na a amyu masha gumlau hpyen ni e htim gasat hkrum ai, ana ahkya hte machyi makaw shanhte hta hkrum sha wa ai shaloi,

2 HKAWHKAM LABAU 7:13

Marang n htu shangun ai mung, nsi naisi ni hpe sha shaza kau na matu dinggam-yaw ni hpe shangun dat ai hte nye a amyu masha ni a ntsa e ana zinli shangun dat ai aten shagu hta,

SHAKAWN KUNGDAWN 105:34

Shi hkang dat ai hte, sen sen wan wan n dang hti hkra law ai dinggam-yaw ni du sa wa nga ma ai.

SHAKAWN KUNGDAWN 78:46

Shanhte a nsi naisi ni hpe sha kau ya na matu mung, shanhte a lagum hpun ni hpe hkyen hte mung, dinggam-yaw ni hpe mung shi shangun dat ya nu ai.

PRU MAT 10:4

Nang matut nna ningdang nga dingyang rai yang chyawm gaw hpawt de na aten hta na a mungdan de dinggam-yaw ni hpe dat dat na we ai.

PRU MAT 10:5

Dai ni gaw grai law nga ma ai rai nna, ga ting hpe atsai awai ka-up na mara ai. Dai ni gaw sin marang e n jahten hkra nna naw ngam ai hpun nga manga ni hpe pyi sha kau na mara ai.

ESAIA 33:4

Shanhte madu da ai sut gan ni gaw htim amya la hkrum ai hte lanep shatai hkrum nga ma ai.

YEREMIA 51:14

Chyahtum Chyalai N-gun rawng ai dai Madu gaw dinggam-yaw kamawng ai zawn Babelon hpe gasat na matu, masha law law woi sa wa nna awng padang a matu garu jahtau na mara ai, nga nna shi nan dagam da nu ai.

YEREMIA 51:27

“Gasat na matu masat dawnghkawn sharawt mu! Pahtau dum dat mu! Shaloi amyu baw ni na lu na mara ai! Babelon hpe gasat na amyu baw ni hpe hkyen da mu! Shi hpe gasat na matu Ararat, Mini, Ashkena mungdan ni hpe tsun mu. Woi gasat ningbaw na dap hpareng wa hpe san da mu. Dinggam-yaw zawn law nna kamawng ai hpyen gumra ni hpe woi lung wa mu.

YOELA 2:25

Nanhte a nsi naisi ni sha kau ya ai dinggam-yaw unawng ni a majaw nanhte sum mat ai shaning ni a matu, ngai bai nhtang jaw na made ai. Dai gaw nanhte hpe ninghkap na matu ngai shangun dat ai hpyen hpung rai nga ai.

AMO LAIKA (AMOS) 4:9

“Nanhte a hkai nmai nsi naisi ni hpe jahkraw kau shangun na matu kahtet kang ai nbung dat dat nngai. Hkakrit kadawn ni nanhte a sun ni, sabyi sun ni, lakum hpun ni hte tsanlun hpun ni yawng hpe sha kau ma ai. Shing rai tim, nanhte ngai kaw nhtang wa myit dai n rai.

AMO LAIKA (AMOS) 7:1

Ngai gaw Tsaw Htum ai dai Madu kaw na shingran langai lu la nngai. Dai shingran hta hkawhkam wa a yihku gambum dan ngut ai hpang, tsing nnan prut wa ai aten hta dinggam-yaw wunawng wuwa hpan dat ai hpe ngai mu nngai.

MALAHKI 3:11

Ngai gaw nanhte a nsi naisi ni hpe shingtai ni hte jahten sharun kau shangun na n rai, nanhte a sabyi ru ni mung sabyi si ni hte sumbyau nga na ra ai.

TARA JAHPRANG 28:38

“Nai mam nli law law gat myit ti mung dinggam-yaw ni sha kau na mu ai majaw, kachyi mi sha she shu la lu na rai myit dai;

TARA JAHPRANG 28:42

Nanhte a mungdan hta tu ai hpun hte nsi naisi yawng hpe shingtai ni e sha kau na mara ai.