YOELA 1:2 - Jinghpaw Common Language Bible 2009

² Asak kaba sai amyu masha ni e, madat mu; Yuda mung na masha shagu hte e, na la mu. Ndai zawn re ai amu nanhte a prat e mung, nanhte a kawa ni a prat hta mung byin yu sani?

Jinghpaw Hanson Version Bible

² Dingla ni e, ndai ga madat mara mu; mungdan hta shanu ai ni nlang hte gaw, na la mu. Ndai zawn re amu nanhte a aprat e, shing n rai, nji nwa ni a aprat e, byin yu a ni?

YOELA 1:2 ပူးပေါင်းရင်းမြစ်များ

YOBA 12:12

Asak kaba sai masha ni gaw hpaji byeng-ya lu ma ai; rai ti mung, Karai Kasang gaw hpaji byeng-ya hte daru magam n-gun rawng nga ai. Asak kaba sai ni gaw myit kraw hpaji lu ma ai; Karai Kasang chyawm gaw myit kraw hpaji hte n-gun atsam rawng nga ai.

YOBA 15:10

Anhte gaw na nwa a shawng e shangai nna dingla baw hpraw sai ni kaw na hpaji byeng-ya sharin la saga ai.

YOBA 21:7

Karai Kasang gaw n hkru ai masha ni hpe hpa majaw asak jahkrung da nna, shanhte hpe asak kaba ugut gu ai hte ngamu ngamai shangun ai kun?

YOBA 8:8

Moi moi na hpaji byeng-ya hpe hkring mi tam sawk yu u, anhte a kaji kawa ni sharin da sai teng man lam ni hpe myit yu u.

SHAKAWN KUNGDAWN 49:1

Masha shagu, ndai ga hpe madat la mu! Shara shagu hkan na,

ESAIA 34:1

Masha amyu baw ni yawng a masha ni e, sa marit! Jawm hpawng nna madat mu. Ginding aga hte dai hta shanu nga ai masha shagu hte gaw ndai de sa nna madat la mu ga.

ESAIA 7:17

“Israela mungdan gaw Yuda mungdan kaw nna hka garan mat wa ai kaw nna ya du hkra n byin yu ai ru tsang tsin-yam tsindam a nhtoi ni gaw nanhte a ntsa e mung, nanhte a amyu masha ni a ntsa e mung, hkawhkam hkawseng dinghku ting a ntsa e mung dai Madu shapraw na ra ai. Shi gaw Asuri hkawhkam wa hpe woi sa wa na ra ai.

YEREMIA 30:7

Hkrit hpa nhtoi gaw du magang wa ra ai; dai hte shadawn lu ai kaga nhtoi mi n nga nga ai- nye a amyu masha ni a matu ru yak tsin-yam tsindam aten rai nga ai, rai ti mung, shanhte naw ngam nga na mara ai.”

YEREMIA 5:21

Myi tu ti mung myi n mu lu, na tu ti mung na n na lu ai angawk angak re ai hte myit n su ai amyu masha ni e, madat mu.

Daniela 12:1

Lachyit nba hpun da ai dai lamu kasa gaw, “Dai aten hta, na a amyu masha ni hpe bau sin nga ai lamu kasa kaba Mihkaela dan pru wa na ra ai; shaloi masha amyu baw ni nga pra hpang wa ai aten kaw nna yak dik htum ai ru tsang hkrum aten du wa na ra ai. Dai aten du jang, Karai Kasang a jahpan laika hta mying rawng ai na a amyu masha ni yawng gaw hkye la ai hkrum na mara ai.

HOSEA 4:1

Dai Madu gaw ndai mung hta nga nga ai amyu masha ni hpe mara shagun ninghkap na amu rawng nga ai. Israela e, shi tsun ai ga hpe madat mu: “Ndai mungdan hta kangka ai hte tsaw ra myit n nga sai rai nna amyu masha ni mung ngai hpe Karai Kasang zawn n yin la hkraw nga ma ai.

HOSEA 5:1

Nanhte hkinjawng ni e, ndai lam na la mu! Israela amyu masha ni e, madat mu! Hkawhkam htingnu na dinghku hte seng ai ni e, na la mu! Nanhte gaw teng man ai hku jeyang hkrum na zawn nawn nga myit dai; dai rai nna tara jeyang ai gaw nanhte a ntsa e du na ra ai! Nanhte gaw Mizpa mare e mahkam tai nna, Tabora Bum ntsa e sumgawn kahpyan tawn ai hte

YOELA 1:14

Lusha gam na matu hkang dat mu; shawa zup hpawng shaga mu! Ningbaw ni hte Yuda amyu masha ni yawng shinggyin jahpawng nna dai Madu nanhte a Karai Kasang a Nawku Htingnu de shang nna, shi hpe hpyi jahtau mu!

YOELA 2:2

Dai nhtoi gaw nsin sin nna, sin mak nhtawm chyang htat ai hte sumwi mung ai shani rai na ra ai. Bum ni a ntsa e nsin ka-up nga ai zawn n-gun ja ai dinggam-yaw hpyen hpung ni rawt lung wa nga ai. Dai zawn re ai gaw shawng de galoi mung n byin yu, htawm hpang de mung, galoi mung bai byin sana ra ai n rai.

AMO LAIKA (AMOS) 3:1

Israela amyu masha ni e, nanhte hte seng nna dai Madu tsun nu ai ndai mungga hpe mung, shi gaw amyu baw ting hpe Egutu mung kaw nna woi wa sai lam hpe mung madat mu:

AMO LAIKA (AMOS) 4:1

Yaw jahpum da ai Bashan na nga kanu ni zawn galu kaba hpum tsawm nga ai Samari numsha ni e, ndai ga madat mu, nanhte gaw n-gun kya ai ni hpe n gawn n sawn di nna, matsan mayan masha ni hpe dip gamyet sha nhtawm nanhte a madu wa ni kaw lu na sabyi ntsin shapraw ya na hpyi nga myit dai.

AMO LAIKA (AMOS) 5:1

Israela amyu masha ni e, nanhte a matu ngai mahkawn ai ndai makoi mayang mahkawn hpe madat mu:

MIHKA 1:2

Masha amyu baw ni yawng hte e, ndai lam na la mu; Ginding aga ntsa e nga ai ni yawng hte e, ndai lam madat la mu! Tsaw Htum ai dai Madu gaw nanhte hpe sakse madun na ra ai. Madat mu! Shi gaw shi a sumsing htingnu kaw nna mungga tsun nga ai.

MIHKA 3:1

Israela a mungdu salang ni e, madat mu! Nanhte gaw teng man ai lam hta lit nga ai ni zawn myit nawn la nga myit dai,

MIHKA 3:9

Teng man ai lam hpe n dawng ai hte shut hpyit maga de kayin hkawm nga ai Israela a mungdu salang ni e, nye a ga madat mu.

MAHTE 13:9

“Na tu ai wa gaw na la u ga!,” nga nna ga hpungdim wu ai.

MAHTE 24:21

Hpa majaw nga yang, mungkan ga nnan lat kaw nna dai ni du hkra galoi mung garai n byin yu ai hte hpang de mung galoi n byin lu na ru tsang kaba hta grau sawng ai rai na ra ai.

SHINGRAN 2:7

“Wenyi gaw hpung ni hpe kaning nga tsun ai gaw, na tu ai wa na la u ga! “Awng padang lu ai wa hpe Karai Kasang a Sun e tu ai asak hpun a asi hpe sha lu na ahkang ngai jaw na we ai.