YOELA 1:18 - Jinghpaw Common Language Bible 2009

¹⁸ Shanhte a matu yam nga udat shara n nga sai majaw, dumsu hpung ni myit htum let nbaw nga ma ai; sagu hpung ni mung nni nkri hkrum sha nga ma ai.

Jinghpaw Hanson Version Bible

¹⁸ Yamnga ni grai nbaw nga ma ai; dumsu hpung ni udat shara n nga ai majaw, myit htum ma ai; gaja wa, sagu hpung ni htum mat ma ai.

YOELA 1:18 ပူးပေါင်းရင်းမြစ်များ

1 HKAWHKAM 18:5

Ahab gaw Obadia hpe, “Sa, ndai mung hta nga ai hka hpawk hka shi shagu hpe hkan yu hkawm ga; gumra ni hte lawze ni hkrung nga lu hkra bau rem lu ai tsingdu tsingman alaw alam tu ai udat shara hpe mu lu ga ai rai yang, anhte a yam nga ni hpe n jasat kau ra na ga ai,” ngu nna tsun wu ai.

1 HKAWHKAM 8:5

Hkawhkam Shawlumon hte Israela amyu masha ni yawng Ga Shaka Sumpu man e zup hpawng let n dang hti hkra law ai sagu dumsu wunawng wuwa sat nawng ya ma ai.

YEREMIA 12:4

Anhte a lamu ga gaw kaden du hkra hkun hkraw ai hte yi sun shagu hta tu ai tsingdu ni nyip mat na rai ta? Amyu masha ni gaw, ‘Anhte galaw nga ai amu hpe Karai Kasang n mu nga ai,’ nga nna tsun ai anhte a n hkru ai amyu masha ni a majaw, ashu ashan ni hte ntsa malen u ni si mat nga ai,’” ngu nna tsun ai.

HOSEA 4:3

Dai rai nna lamu ga gaw hkun hkraw wa na ra ai, dai hta nga manga yawng si na ra ai. Dusat yam nga ni hte ntsa malen u ni yawng, hka na nga du hkra si na mara ai.

YOELA 1:20

Matse labye dusat ni pyi hka shi, hka gai hkyet mat ai majaw, nang kaw hpyi jahtau nga ma ai.

AMO LAIKA (AMOS) 1:2

Amo gaw, “Dai Madu gaw Ziun Bum kaw na shabam nga ai; shi a nsen hpe Yerusalem kaw na sharawt dat nga ai. Udat shara ni hkun hkraw mat nna Hkarmela Bum ntsa na tsing nyui mat nga ai,” nga nna tsun wu ai.

HABAKU 3:17

Lagum hpun ni hta asi n si, sabyi ru ni hta asi n si, tsanlun hpun hta asi n noi, yi hkauna ni hta nai mam n shapraw, sagu ni yawng si htum nna dumsu lawng hta kaman rai mat ti mung,

HAGI 1:10

Dai re ai majaw marang n htu ai hte hpa mung tu lu nga ai n rai.

ROMA 8:22

Hpa majaw nga yang hpan da hkrum ai ndai mungkan ting gaw shinggyim machyi ai zawn ya ndai aten du hkra machyi madai sharung nga ai hpe anhte chye ga ai.