YOELA 1:13 - Jinghpaw Common Language Bible 2009

¹³ Tawn hkungri hta daw jau amu galaw ai hkinjawng ni e, lachyit nba hpun let hkrap nga mu! Nawku Htingnu kata shang nna shana tup sharung shayawt mu! Nanhte a Karai Kasang a matu nawng ya na nsi naisi hte sabyi ntsin n nga sai.

Jinghpaw Hanson Version Bible

¹³ Hkinjawng ni e, lachyit nba bu hpun nna, hkrap shabam mu; tawn hkungri a amu gun hpai ai ni e, sharung shayawt mu: nye a Karai Kasang a man e daw jau ai ni e, sa marit; lachyit nba bu hpun let, shana tup taw nga mu: kaning rai nme law, lusha hkungga hte dumhpung hkungga hpe, nanhte a Karai Kasang a nta e, n nawng ya nga myit hka.

YOELA 1:13 ပူးပေါင်းရင်းမြစ်များ

2 SAMUELA 12:16

Dawi chyawm gaw dai ma kaja wa na matu Karai Kasang kaw akyu hpyi nga ai. Lusha lama ma sha na matu mung shi ningdang kau nhtawm shana shagu shi a gawk kata de shang wa nna dun ntsa e galeng let shana hpe shalai kau kau di wu ai.

1 HKAWHKAM 21:27

Elia ga tsun ngut jang, Ahab gaw shi a hpun palawng ni hpe gang je kau nhtawm dai ni hpe raw kau nna lachyit sumpan hpun da wu ai. Shat lusha n sha ai sha, lachyit sumpan ntsa e yup taw nga wu ai; myit htum let mung yawn hkawm nga ai.

ESAIA 22:12

Chyahtum Chyalai N-gun rawng ai Tsaw Htum ai dai Madu gaw nang hpe hkrap ngu hkrap ngoi ai, sharung shayawt ai, na a baw shangun na hte lachyit nba hpun na matu htet da nga ai.

ESAIA 61:6

Nang gaw dai Madu a hkinjawng ni hte Anhte a Karai Kasang a shangun ma ni hku gumhkawng na rai ndai. Nang gaw masha amyu baw ni a sut gan hta kabu gara wa nna Dai gaw na a sut gan tai wa ai hte gumrawng wa na ndai.

YEREMIA 4:8

Dai rai nna lachyit nba bu hpun ai hte hkrap ai hte sharung shayawt nga mu; hpa majaw nga yang, dai Madu a sindawng kahtet ai gaw Yuda mung kaw nna dawm la kau nu ai n rai.

YEREMIA 9:10

Ngai gaw, “Bum ni a matu sharung shayawt nna udat shara ni a matu hkrap na nngai, hpa majaw nga yang, dai ni gaw hkun hkraw mat nna, kadai mung dai hku n lai hkawm nga ai. Sagu dumsu hpung ni a nsen mung n na lu sai; ntsa malen u ni hte matse labye dusat ni mung hprawng mat masai,” ngu nna tsun ai.

EZEKELA 21:12

Si chye ai masha wa e, yawn hkyen ai hte hkrap shabam u; ndai nhtu gaw nye a amyu masha ni hte Israela ningbaw ni yawng a matu rai nga ai hpe lachyum shadan nga ai. Shanhte gaw naw ngam nga ai nye a amyu masha ni yawng hte rau sat kau ai hkrum na mara ai. Myit htum ai hte na a sinda lahtum u!

EZEKELA 27:31

Shanhte gaw na a matu kara doi kau ai hte, tinang hkum hpe lachyit nba bu hpun da ma ai. Shanhte a myit masin ni gaw shanhte hkrap magang ahkup ahka rai ma ai.

EZEKELA 7:18

Shanhte gaw lachyit nba lawai nna yawng hkrit gari mat na mara ai. Shanhte a baw ni mung doi kau hkrum nna yawng gaw jahpoi hkrum na mara ai.

HOSEA 9:5

Ya dai Madu hpe shagrau sha-a na, san tawn da ai lusha poi a matu aten du jang, shanhte kaning rai galaw na rai ma ta?

YOELA 2:12

Dai Madu gaw, “Ya rai ti mung, myit kraw asan sha hte myit malai wa nna, lusha gam, hkrap shabam nna sharung shayawt ai hte ngai hpang de nhtang wa marit.

YOELA 2:14

Dai Madu nanhte a Karai Kasang gaw shi a myit chye galai ai hte nanhte hpe ndaw nhta re ai nsi naisi ni shaman ya na ra a dawng. Dai hpang, nanhte shi hpe nsi naisi hte sabyi ntsin nawng ya lu na myit dai.

YOELA 2:17

Tawn hkungri hte Nawku Htingnu chyinghka lam lapran dai Madu hpe daw jau nga ai hkinjawng ni mung hkrap ai hte ning ngu akyu hpyi ma ai: “Madu e, na a amyu masha ni hpe matsan dum la mi law. Kaga masha amyu ni, ‘Nanhte a Karai Kasang kanang nga nga a ta?,’ nga nna tsun let anhte hpe asawng asang di nna n ashu kau shangun u ga law.’”

BU HKAWM 28:14

Sabyi hkungga mung usu langai mi hta sabyi ntsin palin 4, sagu la langai mi hta palin 3, sagu la kasha langai mi hta palin 2 rai na rai nga ai. Dai gaw shaning tup na shata shagu a praw shani e galaw na wan nat hkungga hte seng ai tara ni rai nga ai.

BU HKAWM 28:4

Sagu la kasha langai mi hpe jahpawt e mung, bai langai mi hpe shana de di nna,

BU HKAWM 28:7

Shawng nawng ya ai sagu la kasha hte hpawn sabyi hkungga a matu tawn hkungri e palin 2 ru hkaw na rai wu ai.

BU HKAWM 29:6

Shata praw shani hta tut nawng galaw ai wan nat hkungga hte de a shadung hkungga hte kaga shani shagu na wan nat hkungga, de a shadung hkungga, sabyi hkungga ni hta kaga dai ni hpe nawng jau na rai myit dai. Ndai lusha hkungga ni gaw dai Madu hpe awng sharawng shangun ai manam pyaw ai sangau rai nga ai.

1 KORINHTU 4:1

Anhte gaw Karai Kasang a sung htum nna makoi magap da ai teng man ai lam ni hpe lit la nna kunhting tai nga ai Hkristu a shangun ma ni re ai ngu nna nanhte myit la ang myit dai.

1 KORINHTU 9:13

Nawku Htingnu kata hta chyoi pra ai bungli gun hpai ai ni gaw, Nawku Htingnu kaw na sha hpa lu la ma ai hpe mung, tawn hkungri hta hkungga nawng ai ni gaw, hkungga kaw na hkambum lu ma ai hpe mung, nanhte teng teng chye nga myit dai.

2 KORINHTU 11:23

Shanhte Hkristu a shangun ma ni rai ma ni? Mana ai wa a ga zawn gaw nga ai, rai ti mung ngai gaw shanhte hta grau kaja ai shangun ma rai nngai. Ngai gaw shanhte hta grau nna amu bungli galaw shaja nngai, shanhte hta grau nna law law lang htawng hkrat nngai, shanhte hta grau nna shingna hkam sha ni ai, si hkrung si htan law law lang ngai grau hkrum nngai.

2 KORINHTU 3:6

Anhte gaw ga shaka ningnan a matu amu gun hpai lu u ga, anhte hpe atsam marai jaw ai gaw Karai Kasang shi nan rai nga ai. Dai ga shaka ningnan gaw ka da ai tara hta rawng ai n re ai sha, Wenyi kaw na rai nga ai. Hpa majaw nga yang laika hkum hte ka da ai tara gaw asak hpe si shangun nga ai; dai Wenyi chyawm gaw asak jahkrung ya nga ai.

2 KORINHTU 6:4

Ru yak jam jau lam ni, tsin-yam tsindam ni, yak hkak lam ni hpe myit galu kaba hte hkam sharang nna anhte galaw ai lam shagu hta anhte gaw Karai Kasang a nchyang mayam ni rai nga ga ai lam she madun dan ga ai.

SHINGRAN 11:3

Bai, nye a sakse yan lahkawng hpe ngai shangun dat na mawe ai rai nna, shan gaw lachyit nba bu hpun let nhtoi 1,260 ya tup Karai Kasang a mungga hpe myihtoi ga hku hkaw tsun na mara ai.