YOELA 1:11 - Jinghpaw Common Language Bible 2009

¹¹ Yi, hkauna galaw ai ni e, yawn nga mu; hkaulan mam, muk-yaw mam, rai sa, nsi naisi nga manga yawng hten za mat ai majaw, sabyi sun lajang ai ni jahtau hkrap nga mu.

Jinghpaw Hanson Version Bible

¹¹ Yi hkauna galaw ai ni e, mak mat mu; tsabyi sun lajang ai ni e, hkrap shabam mu: hkaulan mam, muk-yaw mam hte pa ga na hkai nmai hten mat sai.

YOELA 1:11 ပူးပေါင်းရင်းမြစ်များ

ESAIA 17:11

Rai tim, nang hkai da ai dai ni gaw maku rawt wa nna jahpawt manap e apu pu wa tim, dai yang e mangai shu la na aten naw n nga nga ai. Dai yang e ru yak tsin-yam tsindam hte shamai n lu ai nchyi nmu chyu sha nga nga na ra ai.

YEREMIA 14:2

“Yuda mung gaw sharung shayawt nga nna de a mare ni gawng kya taw nga sai, de a amyu masha ni gaw yawn hkyen ai hte ga ntsa e kaleng taw nga ma ai, Yerusalem gaw karum la na matu hkrap shabam nga ai.

YEREMIA 50:16

Dai mung hta nli hkum gat myit; shinggyin la na matu nmut hkum shang myit. Dai mung hta shanu nga ai maigan masha shagu hte gaw majan gasat nga ai hpyen luksuk hpe hkrit na mara ai rai nna shanhte a buga de nhtang mat wa na mara ai,” ngu nna tsun ai.

YEREMIA 9:12

Ngai gaw, “Madu e, lamu ga gaw hten mat ai hte zaibru jang zawn hkun hkraw mat ai hte hpa majaw kadai mung n lai hkawm nga a ta? Ndai lam hpe hkum tsup ai hku chye na hkawn hkrang na matu, hpaji rawng ai wa kadai rai nga a ta? Kadai wa hpe dai lam nang shaleng dan lu nna dai wa gaw kaga masha ni hpe tsun dan lu nga a ni?,” ngu nna san nngai.

EZEKELA 30:2

Shi gaw, “Si chye ai masha wa e, Tsaw Htum ai dai Madu ngai tsun nga ai mungga hpe myihtoi htoi nna tsun dan u. Nang gaw ndai mungga ni hpe jahtau tsun na rai ndai: Hkrit hpa nhtoi gaw du wa ra ai!

AMO LAIKA (AMOS) 5:16

Dai rai nna, Chyahtum Chyalai N-gun rawng ai Tsaw Htum ai dai Madu gaw, “Mare nmaw lam ni hkan e hkrap shabam ai hte yawn hkyen jahtau garu ai nsen ni nga nga na ra ai. Yi hkauna galaw sha ai ni pyi si mat sai ni a matu yawn hkyen hkrap shabam na nga sharung shayawt na matu manu jahpu jaw da hkrum ai ni hte rau shaga la hkrum nga ma ai.

ROMA 5:5

Dai myit mada ai lam chyawm gaw anhte hpe myit daw shangun mi ai n rai; hpa majaw nga yang anhte hpe Karai Kasang jaw da sai kumhpaw kumhpa ngu ai dai Chyoi Pra ai Wenyi e Karai Kasang a tsaw ra ai myit hpe anhte a kraw lawang hta e ru bang ya mani ai.