YOELA 1:10 - Jinghpaw Common Language Bible 2009

¹⁰ Yi, sun hkauna ni hkam ma sai; nsi naisi ni hten za mat ai hte, sabyi si ni hkraw mat nna, tsanlun hpun ni nyip mat wa ai majaw, lamu ga sharung shayawt nga ai.

Jinghpaw Hanson Version Bible

¹⁰ Yi hkauna ni hkam nga ai; mungdan gaw yawn nga ai: kaning rai nme law, nai mam san mat sai, tsabyi jahku ningnan ma mat sai, asau hkyet mat sai.

YOELA 1:10 ပူးပေါင်းရင်းမြစ်များ

NINGPAWT NINGHPANG 4:12

Na a hkai nmai ni hpe gat hkai ai rai yang, aga kaw nna hpa mung tu na ra ai n rai; nang gaw ginding aga ntsa e nta n lu ai sha brak hkawm ai wa tai na rin dai.”

ESAIA 15:6

Nimrim Hka Lawng gaw hkun hkraw mat sai, dai makau hta tu ai tsingdu mung nyip mat sai, tsit lali ai hpa mung n tu nga ai.

ESAIA 24:11

Sabyi ntsin loi mi mung n nga sai majaw, amyu masha ni lam nmaw hkan jahtau garu nga ma ai. Kabu gara ai lam gaw htani htana htum mat sai; dai gaw ndai lamu ga kaw na shapraw kau hkrum nga sai.

ESAIA 24:7

Sabyi ru ni nyui mat ai hte sabyi ntsin n pru mat nga ai. Lang mi kabu gara yu sai masha shagu hte gaw ya aten myit n pyaw n ngawn rai nga ai,

YEREMIA 12:11

Shanhte gaw dai mungdan hpe katsi katsang shara shatai kau manu ai; dai gaw nye a man e shingran katsi nga ai. Mungdan ting gaw zaibru jang tai mat nna kadai mung n yu lajang nga ai.

YEREMIA 12:4

Anhte a lamu ga gaw kaden du hkra hkun hkraw ai hte yi sun shagu hta tu ai tsingdu ni nyip mat na rai ta? Amyu masha ni gaw, ‘Anhte galaw nga ai amu hpe Karai Kasang n mu nga ai,’ nga nna tsun ai anhte a n hkru ai amyu masha ni a majaw, ashu ashan ni hte ntsa malen u ni si mat nga ai,’” ngu nna tsun ai.

YEREMIA 48:33

Ga sau kaja ai Moba mung kaw na dai kabu gara ai hte kabu pyaw hpa lam hkoi mat sai. Sabyi htumbyen kaw na sabyi ntsin n lwi pru na matu mung, ngai galaw kau ni ai. Sabyi ntsin galaw shapraw ai mung kadai n nga sai majaw kadai mung n kabu lu nga masai.

HOSEA 4:3

Dai rai nna lamu ga gaw hkun hkraw wa na ra ai, dai hta nga manga yawng si na ra ai. Dusat yam nga ni hte ntsa malen u ni yawng, hka na nga du hkra si na mara ai.

HOSEA 9:2

Rai ti mung kade n na yang, law ram hkra re ai nsi naisi hte tsanlun sau nanhte hkam la lu na n rai; dai yang e sabyi ntsin mung nga na n rai.

YOELA 1:12

sabyi ru ni hte lagum hpun ni nyui nyip mat sai; namsi namsaw hpun ni yawng nyui mat nna si mat sai. Amyu masha ni a kabu gara lam gaw htum mat sai.

YOELA 1:5

Tsa chyaru ya ni e, yup hprang ai hte hkrap nga mu; sabyi lu nang ai ni e, jahtau hkrap nga mu; sabyi ntsin nnan galaw na sabyi si ni hten mat sai.

YOELA 2:19

Shi gaw shanhte hpe ning ngu htan wu ai: “Ya chyawm gaw, ngai nanhte hpe nsi naisi, sabyi ntsin, hte tsanlun sau jaw na made ai, nanhte myit dik hkra hkru kat na madai. Kaga masha amyu baw ni nanhte hpe galoi mung asawng asang di na mara ai n rai.

JAW JAU 26:20

Nanhte galaw shaja ai bungli yawng gaw kaman lila rai na ra ai, hpa majaw nga yang nanhte a lamu ga gaw nsi naisi n shakat ya ai hte hpun ni hta asi si jaw na ra ai n rai.

HABAKU 3:17

Lagum hpun ni hta asi n si, sabyi ru ni hta asi n si, tsanlun hpun hta asi n noi, yi hkauna ni hta nai mam n shapraw, sagu ni yawng si htum nna dumsu lawng hta kaman rai mat ti mung,

HAGI 1:11

Ngai gaw mungdan a kawng ntsa hkan e mung, hkai nmai hkai ai sun hkauna ni hta mung, sabyi sun ni hte tsanlun si sun ni hkan mung, ga ntsa tu ai nsi naisi hkum sumhpa hta mung, masha hte dusat ni hta mung, nanhte shakut sharang nna tu shangun ai nsi naisi ntsa e mung, jan gri na hkang dat ni ai.”

MALAHKI 2:3

Ngai gaw nanhte a kashu kasha ni hpe ari jaw na we ai, nanhte nawng ya ai dusat ni a ahkyi hte nanhte a myi man hta chya ya na nngai; nanhte gaw hkyi bum de shapraw kau dat hkrum na myit dai.