YOBA 9:5 - Jinghpaw Common Language Bible 2009

⁵ Shi gaw n shadum ai sha bum ni hpe sit kau nhtawm, shi pawt ai aten hta dai ni hpe jahten sharun kau nga ai.

Jinghpaw Hanson Version Bible

⁵ Shi gaw bum ni hpe n dum shami sit kau nna, shi a pawt bu ai hte yang, galau ka-up kau mu ai;

YOBA 9:5 ပူးပေါင်းရင်းမြစ်များ

YOBA 26:6

Katsan ga gaw Karai Kasang a man e branglang rai nga ai; shi a man kaw nna magap shinggang da lu ai n rai.

YOBA 28:9

Maw nhkun htu ai ni gaw ja dik lunghkrung ni hpe htu nna; Bum ni hpe de a bum lagaw du hkra htu kau mu ai.

YOBA 34:25

Shanhte hpa galaw nga ai hpe shi chye ai majaw; shi shanhte hpe shana e gumpye kau nna adup mani kau wu ai.

YOBA 40:11

Gumrawng gumtawng ai ni hpe mada yu u; na a pawt sindawng ai hpe ru shapraw nna, dai ni hpe shagrit kau u.

YOBA 41:11

Shi hpe kadai gasat lu nna naw shim nga lu na rai ta? Ndai mungkan ga masha ni kadai mung dai hpe galaw lu ma ai n rai.

SHAKAWN KUNGDAWN 114:6

Bum ni e, nanhte hpa majaw bainam ni zawn gumlawt gumtawng nga myit ni? Kawng ni e, nanhte hpa majaw sagu kasha ni zawn shingtawt hkawm nga myit ni?

SHAKAWN KUNGDAWN 46:2

Dai re ai majaw, ginding aga gaw ashun awam nga nna, bum ni sung ai hka nawng kaba hta di hkrat bang nhtawm;

SHAKAWN KUNGDAWN 68:8

mungkan ga gaw gari ashun wa ai hte lamu na marang htu wa nga ai; hpa majaw nga yang, Sina bum a Karai Kasang rai nga ai Israela a Karai Kasang du sa wa ai majaw rai nga ai.

ESAIA 40:12

Nammukdara hpe lata latup mi hte kadai shadawn lu a ta? Sumsing lamu hpe shi a lata hte kadai shadawn lu a ta? Ginding aga a ga sau hpe gawm hta bang nna kadai lang lu a ta? Bum ni hte kawng ni hpe joi jang hta bang nna kadai shen lu a ta?

NAHUM 1:5

Bum ni gaw dai Madu a man e ashun nga ai; kawng ni shi a man e byawng mat nga ai. Dai Madu dan pru ai shaloi ginding aga ashun nga ai; mungkan ga hte dai hta nga ai masha ni hkrit gari ma ai.

NAHUM 1:6

Shi pawt sindawng ai shaloi, kadai hkrung nga lu a ta? Shi a hkrithpa masin kahtet ai a majaw, kadai hkrung lu nga a ta? Shi gaw agrung nga ai shi masin kahtet ai hpe ru bun nga ai; shi a man e, lunghkrung ni ga nhpu zawn agrawp mani mat nga ai.

HABAKU 3:10

Bum ni nang hpe mu ai shaloi, dai ni hkrit gari ma ai; lamu ni kaw na hka ru hkrat nga ai. Ginding aga a npu na hka ni wu kadu nga ai hte dai ni a hka leng ni rawt lung wa nga ai.

HABAKU 3:6

Shi hkring ai shaloi, ginding aga ashun awam nga ai; nang praw mada yu ai shaloi, masha amyu baw ni hkrit gari nga ma ai. Htani htana bum ni ga gamang mat nna; dinggrin a nga nga ai kawng ni, moi prat kaw nna shi hkawm nga ai kawng ni lup shang mat nga ai.

ZEHKARIA 4:7

Bum ni zawn sumpum ai dingbai dingna ni gaw na a man kaw nna hkoi mat wa na ra ai. Nang gaw Nawku Htingnu hpe bai gaw gap ai shaloi magum nlung mara da na rai ndai; amyu masha ni mung, ‘Tsawm htap ai, tsawm htap ai!,’ nga nna jahtau tsun na mara ai.

MAHTE 21:21

Yesu gaw, “Ngai nanhte hpe teng teng tsun made ga, nanhte hta kam shut ai myit n lawm ai sha kam sham myit yang gaw, ndai maihpang hpun hpe ngai galaw ai zawn nanhte galaw lu na myit dai. Dai hta n ga, ndai bum hpe, ‘Nang baw mat nna, nawng hta e htawt bang mat u,’ ngu nna nanhte tsun mu yang dai byin na ra ai.

MAHTE 27:51

Shaloi, Nawku Htingnu na nba grang gaw ntsa de nna htumpa hkren lahkawng brang ga mat ai. Ginding aga mung ashun awam wa nna, lunghkrung ni ga mat wa ma ai.

LUKA 21:11

Hkrit hpa nnang nawn kaba ni mung, hkuwa kaba ni mung, shara shagu hta ana zinli ni mung byin na ra ai, lamu de na laklai ai hkrithpa arai ni hte lamik kumla kaba mung, pru na ra ai.

1 KORINHTU 13:2

Ngai myihtoi chye htoi ai hte sung ai lam yawng mayawng, chye chyang ai hpaji amyu myu hkum nga ai hte bum hpe jasit kau lu hkra re ai makam masham rawng ti mung, tsaw ra myit n rawng yang gaw, ngai hpa n rai nga nngai.

SHINGRAN 11:13

Dai ahkying hta e nnang nawn kaba nawn wa nna, dai mare htam shi hta na htam mi hten mat nna, masha hkying sanit si lawm mat ai. Naw ngam nga ai masha ni chyawm gaw hkrit kajawng ai hte sumsing lamu na Karai Kasang a galu kaba ai arawng sadang hpe shakawn shagrau nga ma ai.

SHINGRAN 6:14

Sumsing lamu gaw katsu kau ai laika shabawn zawn, mat mat wa nna, bum ni hte zunlawng ni nga manga hte mung, tinang a shara hta na sit kau ai hkrum ma ai.