YOBA 8:8 - Jinghpaw Common Language Bible 2009

⁸ Moi moi na hpaji byeng-ya hpe hkring mi tam sawk yu u, anhte a kaji kawa ni sharin da sai teng man lam ni hpe myit yu u.

Jinghpaw Hanson Version Bible

⁸ Moi chyaloi na aprat hpe san yu nna, de a kaji kawa ni sagawn yu ai lam, sawn yu u.

YOBA 8:8 ပူးပေါင်းရင်းမြစ်များ

2 HKAWHKAM LABAU 10:6

Hkawhkam Rehoboam gaw shi a kawa Shawlumon a prat hta hpaji jaw amu galaw ya nga ai asak kaba sai masha ni hte bawng yu wu ai. Shaloi shi gaw, “Ndai masha ni hpe mahtai jaw na matu nanhte ngai hpe kaning rai hpaji jaw lu na rai myit ta?,” ngu nna san wu ai.

YOBA 12:12

Asak kaba sai masha ni gaw hpaji byeng-ya lu ma ai; rai ti mung, Karai Kasang gaw hpaji byeng-ya hte daru magam n-gun rawng nga ai. Asak kaba sai ni gaw myit kraw hpaji lu ma ai; Karai Kasang chyawm gaw myit kraw hpaji hte n-gun atsam rawng nga ai.

YOBA 13:1

Nang tsun ai lam magup hpe shawng de ngai na yu se ai. Dai lam yawng mayawng hpe ngai chye na nngai; nang dang lu ai made galaw ai amu hpe ngai chye nngai. Ngai gaw nanhte hta lawu grit nga nngai n rai.

YOBA 15:10

Anhte gaw na nwa a shawng e shangai nna dingla baw hpraw sai ni kaw na hpaji byeng-ya sharin la saga ai.

YOBA 15:18

Hpaji rawng ai masha ni gaw shanhte a kaji kawa ni kaw na sharin hkam la lu ai teng man lam ni ngai hpe sharin ya ma ai; shanhte makoi magap da ai amu hpa mung n nga nga ai.

YOBA 20:4

Nang gaw anhte shinggyim masha ni hpe ginding aga ntsa e shawng tawn da nga sai lam hpe moi prat kaw nna teng teng chye nga ndai,

SHAKAWN KUNGDAWN 44:1

O Karai Kasang e, anhte a na ni hte dai lam hpe anhte na yu saga ai. Anhte a kaji kawa ni mung, lai mat wa sai nhtoi ni ngu ai, shanhte a aten hta, nang galaw shapraw dan sai galu kaba ai amu ni ngu ai;

ESAIA 38:19

Ya ngai nang hpe shakawn kungdawn ai zawn, Asak hkrung nga ai ni nang hpe shakawn kungdawn ma ai. Kanu kawa ni gaw nang kade wa kangka nga ai lam shanhte a kashu kasha ni hpe tsun dan ma ai.

YOELA 1:2

Asak kaba sai amyu masha ni e, madat mu; Yuda mung na masha shagu hte e, na la mu. Ndai zawn re ai amu nanhte a prat e mung, nanhte a kawa ni a prat hta mung byin yu sani?

ROMA 15:4

Chyum Laika hta ka da mada hte gaw anhte hpe sharin achyin na matu rai nga ai. Shing rai anhte gaw Chyum Laika hta na lu la ai hkam sharang ai lam hte myit n-gun lu la shangun ai lam a majaw myit mada shara lu la na lam rai nga ai.

1 KORINHTU 10:11

Ndai lam ni mahkra shanhte hta byin wa ai gaw, kaga masha ni a matu shari tai na matu rai nna, anhte hpe shadum shahprang sadi jaw na matu ka da nga ai. Hpa majaw nga yang, anhte gaw mungkan aprat htum na ni wa ai ten hta sa pra ang ai ni rai nga ga ai.

TARA JAHPRANG 32:7

“Lai mat wa sai moi chyaloi nhkoi prat na lam hpe myit sawn yu u; kaning rai byin lai wa sai lam nang hpe tsun dan lu u ga; na a kawa hpe san u. Moi na lam tsun dan lu mu ga, nanhte a dingla ni hpe san mu.

TARA JAHPRANG 4:32

“Karai Kasang gaw ginding aga ntsa e shinggyim masha hpe hpan da nna nanhte garai n shangai yang lai mat wa sai aten kaw nna ndai aten du hkra na lam ni yawng hpe nhtang gawn yu mu. Ginding aga ting hta gawn yu mu. Shawng de ndai daram kaba ai amu byin yu sani? Ndai zawn re ai shiga kadai wa na yu myit ni?