YOBA 8:3 - Jinghpaw Common Language Bible 2009

³ Karai Kasang gaw teng man rap ra tara hpe galoi mung n manai kau nga ai; shi gaw jaw ai amu galaw na matu galoi mung n hprai nga ai.

Jinghpaw Hanson Version Bible

³ Karai Wa gaw, n tara ai hku tara dara na a kun? n-gun chyalai rawng ai Wa gaw, dingman ai lam, shabyak kau na rai ni?

YOBA 8:3 ပူးပေါင်းရင်းမြစ်များ

NINGPAWT NINGHPANG 18:25

Nang gaw teng teng mara n kap ai ni hpe sat kau na n rai nga ndai. Dai gaw mai byin na n rai! Shing re ai amu hpe nang galaw lu na n rai nga ai. Nang galaw ai rai yang, mara n kap ai ni mung, mara lu ai ni hte rau ari jaw ai hkrum na mu ai. Dai gaw n mai byin ai lam rai nga ai. Ga ntsa ting a tara agyi wa gaw teng man ai hku daw dan na rai wu ai,” ngu nna san wu ai.

2 HKAWHKAM LABAU 19:7

Dai Madu anhte a Karai Kasang gaw ru hka amu hta masu hkalem ai lam, myi man tau ai lam hte mayun kumhpa la ai lam ni hpe n yu sharang lu nga ai majaw dai Madu hpe shagrau sha-a nna sadi sahka hte galaw mu.

YOBA 10:3

Na a matu grai di gumshem ai gaw jaw a ni? Nang nan hpan da ai arai hpe hpa majaw yu matsat kau n ta? N hkru ai masha ni a yaw shada ai lam ni hta hpa majaw yu myit dik nga n ni?

YOBA 19:6

Ndai amu Karai Kasang galaw nu ai hpe nanhte n mu myit ni? Shi gaw ngai hpe rim na mahkam up da nga nu ai.

YOBA 19:7

Ngai gaw shi a kashun kashe du daw sai hkaw amu hpe ninghkap nngai, rai ti mung kadai mung n madat ma ai; teng man rap ra ai tara a matu ngai jahtau tim, kadai n na ya ma ai.

YOBA 21:15

Karai Kasang hpe daw jau shara n nga ai nga nna mung, shi kaw akyu hpyi yang hpa akyu n nga ai nga nna mung, shanhte myit nawn da mu ai.

YOBA 21:20

Yubak galaw ai ni gaw shanhte a ari hkam la mu ga; Chyahtum Chyalai N-gun Rawng Ai Karai Kasang a pawt sindawng ai hpe hkam sha shangun u ga.

YOBA 34:5

Yoba gaw mara n kap nga ai nga nna shi tsun ai majaw, teng man rap ra ai tara shi hpe jaw na matu Karai Kasang n hkraw nga ai.

YOBA 35:13

Jahtau marawn ti mung, dai gaw shanhte a matu kaman lila rai nga ai; Chyahtum Chyalai N-gun Rawng Ai Karai Kasang gaw shanhte hpe n mu, shanhte a nsen hpe n na rai nga ai.

YOBA 36:23

Karai Kasang hpa galaw ai hpe kadai mung n tsun lu ai; n hkru ai amu galaw nga ai nga nna shi hpe kadai mung mara tam lu ai n rai.

YOBA 36:3

Nye a machye machyang gaw dam lada nga li ai; ngai chye ai hpa hpe mung akyu jashawn na nngai. Nye a Hpan Madu, Karai Kasang teng man nga ai hpe madun dan na nngai.

YOBA 37:23

Karai Kasang a daru magam n-gun gaw grai galu kaba nga ai rai nna; shi a makau de anhte shani sa lu ga ai n rai; shi gaw shinggyim masha ni hte kanawn mazum ai hta ding hpring nna teng man nga ai.

YOBA 4:17

dai gaw, “Karai Kasang a man e kadai wa ding hpring lu a ni? Kadai wa shi a Hpan Wa Ningsang Wa a man e san pra lu a ni?

YOBA 40:8

Ngai gaw shut hpyit ai hte n tara nga nngai; nang nan chyawm gaw ding man nga ai ngu, nang mara shagun mayu nga n ni?

SHAKAWN KUNGDAWN 89:14

Na a mungdan hpe ding man ai hte teng man ai lam hta npawt gaw da nga ai; nang galaw ai lam shagu hte hta tsaw ra myit hte sadi sahka ai lam hpe madun dan nga ndai.

SHAKAWN KUNGDAWN 99:4

Chyahtum Chyalai n-gun rawng ai Hkawhkam wa e, nang gaw teng man ai lam hpe tsaw ra nga ndai; Israela mungdan hta, teng man ai tara hpe nang tawn da ya nit dai, ding man ai lam hte rap ra ai tara ni hpe mung nang jashawn da ya nit dai.

EZEKELA 18:25

“Rai ti mung, nanhte gaw, ‘Dai Tsaw Htum ai Madu galaw ai amu gaw n teng n man nga ai,’ nga nna tsun myit dai. Dai rai nna Israela amyu masha ni e, ngai tsun ai ga hpe madat mara mu. Ngai galaw nga ai amu ni a lam n teng n man nga ai ngu nna nanhte myit nawn nga myit ni? Nanhte a lam mahtang n ding n man nga malit dai.

EZEKELA 33:17

“Ngai galaw ai amu gaw teng man nga ai n rai, nga nna na a amyu masha ni tsun nga ma ai! N rai law, Shanhte a lam ni mahtang n ding nga ai.

EZEKELA 33:20

Rai ti mung, Israela e, nang gaw ngai galaw ai amu teng man nga ai n rai, nga nna tsun myit dai. Dai re ai majaw, nang galaw ai amu hte maren, ngai nang hpe jeyang na nngai.”

Daniela 9:14

O Madu anhte a Karai Kasang e, anhte gaw na a ga n madat ga tim, jaw ai amu hpe nang tut nawng galaw nga ndai majaw, anhte hpe ari jaw na matu nang hkyen da ai hte maren, ari jaw nga ndai.

ROMA 2:5

Rai ti mung nang gaw myit ja ai hte myit malai n lu ndai majaw, Karai Kasang a pawt bu nga ai hpe ding man ai hku tara dara ai lam dan pru ai nhtoi e nang gaw grau nna kaba ai ari hkrum lu na rin dai.

TARA JAHPRANG 32:4

“Dai Madu gaw chyalai n-gun hte hpring ai nanhte a dahpran shara rai nga ai; shi a lam yawng mayawng hkum tsup nna ding hpring nga ai. Nanhte a Karai Kasang gaw sadi sahka hte teng man nga ai rai nna shi galaw ai amu teng man ai hte rap ra nga ai.

SHINGRAN 15:3

Shanhte gaw, Karai Kasang a shangun ma Mawshe a mahkawn ga hte, Sagu Kasha a mahkawn ga hpe mahkawn mangoi nga let, “Chyahtum chyalai n-gun atsam rawng ai Karai Kasang e, na a magam bungli ni gaw gade wa kaba nga ai hte gade wa mauhpa rai nga a hka! Ju majat prat janat na hkawhkam wa e, na a lam ni gaw gade wa ding hpring ai hte gade wa teng man nga a hka!

SHINGRAN 16:7

Dai hpang dai tawn hkungri kaw na nsen langai mi mung, “Chyahtum chyalai n-gun atsam rawng ai Madu Karai Kasang e, na a jeyang ai lam ni gaw, kaja wa teng man ai hte ding hpring nga lit dai law!,” nga nna tsun ai ngai na nngai.