YOBA 7:9 - Jinghpaw Common Language Bible 2009

^9-10 Sumwi hkoi mat nna mat mat ai zawn, anhte shinggyim masha ni mung si mat wa nna, galoi mung nhtang wa ai n rai; anhte hpe chye yu sai ni anhte hpe malap kau na ma ai.

Jinghpaw Hanson Version Bible

⁹ Sumwi hkoi mat nna, mat mat ai zawn, katsan ga de yu wa ai ni, bai lung wa lu na, n rai.

YOBA 7:9 ပူးပေါင်းရင်းမြစ်များ

2 SAMUELA 12:23

Rai ti mung ya chyawm gaw shi si mat sai rai nna ngai hpa majaw lusha gam shara naw nga na rai nga a ta? Ma a asak hpe bai hkan shabai la lu na a ni? Lani mi na aten hta shi nga ai shara de chyawm gaw ngai wa na rai nga nngai, rai ti mung shi mahtang ngai hpang de galoi mung nhtang sa wa lu na n rai,” ngu nna htan wu ai.

2 SAMUELA 14:14

Anhte yawng si na sha rai nga saga ai; anhte gaw ga ntsa e hkaw gamang mat nna mahkawng la n lu ai hka hte she bung mat nga saga ai. Karai Kasang gaw si mat sai wa hpe bai n jahkrung ya wu ti mung, nang hkawhkam wa gaw kaga mung de hprawng mat wa ai masha langai mi hpe sha gaw yawm dik tam la nna bai woi la lu na ndai.

YOBA 10:21

Ngai gaw kade n na yang sa mat wa nna galoi mung nhtang wa na n rai- dai shara gaw nsin hte myit kaji garen re ai ga,

YOBA 11:8

Sumsing lamu gaw Karai Kasang a matu masat tawn da ai lam n nga ai; dai kade wa dam ai gaw anhte dang dep lu ai n rai. Karai Kasang gaw katsan ga hpe chye ai, rai ti mung dai hpe nang chye ai n rai.

YOBA 16:22

Ya chyawm gaw, nye a shaning ni lai wa magang nga sai; ngai gaw bai n mai nhtang wa ai lam de hkawm nga nngai.

YOBA 17:13

Nye a myit mada shara gaw katsan ga sha rai nga ai, dai nsin shara hta ngai yup kaleng taw nga na nngai.

YOBA 17:16

Katsan ga de ngai yu wa ai shaloi, myit mada shara gaw ngai hte rau hkan yu wa ai n rai.

YOBA 3:13

Ngai si mat sai rai yang mung, ndai aten ban sa la lu na ni ai;

YOBA 30:15

Ngai gaw hkrit hpa hte ka-up da ai hkrum nna, sa lai nbung zawn nye a sari sadang hpoi mat ai hte nye a ngamu ngamai lam gaw sumwi zawn mawng mat nga ai.

YOBA 37:11

Myihprap wan gaw sumwi ni kaw na gala pru nga ai,

SHAKAWN KUNGDAWN 39:13

Ngai garai n si mat wa yang, kabu gara let nga lu na matu ngai hpe masin hkum pawt nga e law.

ESAIA 26:14

Ya chyawm gaw shanhte si mat masai, bai hkrung wa lu na ma ai n rai; shanhte a minla ni rawt wa na mara ai n rai, hpa majaw nga yang nang gaw shanhte hpe ari jaw nna shanhte hpe jahten kau nit dai. Kadai mung shanhte hpe galoi mung dum nga ai n rai.

ESAIA 38:11

Ngai gaw ndai ahkrung nga ai mungkan ga hta Dai Madu hpe mung, hkrung nga ai masha kadai hpe mung Galoi mung bai mu lu sana n rai, ngu myit nawn kau nngai.